மூளையை பாதுகாக்க கழுத்தில் "Q-Collar" அணிந்து விளையாடிய டாம் கோஹ்லர் காட்மோர்!

18

Tom Kohler-Cadmore - Q Collar

ராஜஸ்தான் ராயல்ஸ் மற்றும் பஞ்சாப் கிங்ஸ் அணிகளுக்கு இடையிலான 65ஆவது லீக் போட்டி முதல் முறையாக கவுகாத்தியிலுள்ள பர்சபரா மைதானத்தில் நடைபெற்றது. இதில், டாஸ் வென்ற ராஜஸ்தான் ராயல்ஸ் முதலில் பேட்டிங் செய்தது. இந்தப் போட்டியில் இங்கிலாந்து வீரர் ஜோஸ் பட்லர் சர்வதேச டி20 போட்டி காரணமாக நாடு திரும்பினார்.

28

Rajasthan Royals vs Punjab Kings, 65th Match

அவருக்குப் பதிலாக இந்த சீசனில் முதல் முறையாக இந்தப் போட்டியின் மூலமாக மற்றொரு இங்கிலாந்து வீரரான டாம் கோஹ்லர் காட்மோர் களமிறங்கினார். அவர் களமிறங்கிய போது அவரது கழுத்தில் கருப்பு நிறத்தில் ஏதோ அணிந்திருந்தார். அது என்ன என்று ஆராய்ந்த போது அதற்கு க்யூ காலர் (Q-Collar) என்று பெயர்.

38

மூளை அதிர்ச்சிக்கு உள்ளாகும் போது அதனை பாதுகாத்துக் கொள்ளும் வேலையை இந்த க்யூ காலர் செய்கிறது. இது அதிர்ச்சியை உறிஞ்சும் வேலையை செய்வதால், மூளையை அதிர்ச்சியிலிருந்து பாதுகாக்கிறது. அதாவது கிரிக்கெட் விளையாடும் போது பந்து ஹெல்மெட்டை தாக்கும் போது வீரர் ஒரு விதமான அதிர்ச்சிக்கு உள்ளாக நேரிடும். அப்படி அதிர்ச்சி ஏற்படும் போது மூளையானது பாதிக்கப்படக் கூடும்.

48

ஆதலால், தான் கிரிக்கெட்டில் பந்தை ஹெல்மெட் தாக்கும் போது உடனடியாக மருத்துவர் மைதானத்திற்குள் வந்து வீரரை பரிசோதனை செய்வார். இதுவரையில் இந்த சீசனில் இது போன்று எந்த வீரரும் கழுத்தில் க்யூ காலர் அணிந்து விளையாடவில்லை.

58

முதல் முறையாக டாம் கோஹ்லர் காட்மோர் கியூ காலர் அணிந்து விளையாடி கியூ காலர் பற்றி பேசுவதற்கு காரணமாக அமைந்துள்ளார். இந்தப் போட்டியில் மட்டுமின்றி அவர் விளையாடும் எல்லா போட்டிகளிலும் இது போன்று கியூ காலர் அணிந்து விளையாடியிருக்கிறார். இந்தப் போட்டியில் அவர் 23 பந்துகளில் 2 பவுண்டரி, ஒரு சிக்ஸர் உள்பட 18 ரன்கள் எடுத்து ஆட்டமிழந்தார்.

68

மேலும், ராஜஸ்தான் ராயல்ஸ் 20 ஓவர்களில் 9 விக்கெட்டுகளை இழந்து 144 ரன்கள் மட்டுமே எடுத்துள்ளது. அதிகபட்சமாக ரியான் பராக் 48 ரன்கள் எடுத்து ஆட்டமிழந்தார். பவுலிங்கைப் பொறுத்த வரையில் சாம் கரண், ஹர்ஷல் படேல், ராகுல் சாஹர் ஆகியோர் தலா 2 விக்கெட்டுகள் கைப்பற்றினர். அர்ஷ்தீப் சிங் மற்றும் நாதன் எல்லீஸ் ஆகியோர் தலா ஒரு விக்கெட்டுகள் கைப்பற்றினர்.

78

ராஜஸ்தான் ராயல்ஸ்:

யஷஸ்வி ஜெய்ஸ்வால், டாம் கோஹ்லர் காட்மோர், ரியான் பராக், சஞ்சு சாம்சன் (கேப்டன், விக்கெட் கீப்பர்), துருவ் ஜூரெல், ரோவ்மன் பவல், ரவிச்சந்திரன் அஸ்வின், டிரெண்ட் போல்ட், சந்தீப் சர்மா, ஆவேஷ் கான், யுஸ்வேந்திர சாஹல்.

88

பஞ்சாப் கிங்ஸ்:

பிராப்சிம்ரன் சிங், ஜானி பேர்ஸ்டோவ், ரிலே ரோஸோவ், ஷஷாங்க் சிங், ஜித்தேஷ் சர்மா (விக்கெட் கீப்பர்), சாம் கரண் (கேப்டன்), ஹர்ப்ரீத் பிரார், ஹர்ஷல் படேல், நாதன் எல்லீஸ், ராகுல் சாஹர், அர்ஷ்தீப் சிங்.