Ajith Photo: வெள்ளை நிற ஹூடி.. ஜீன்ஸ் பேன்ட்.. ஸ்டைலிஷ் நாயகனாக கலக்கும் தல அஜித்! வைரலாகும் லேட்டஸ்ட் போட்டோ!
தல அஜித் வெள்ளை நிற ஹூடி உடை அணிந்து, வெளிநாட்டில் எடுத்து கொண்டுள்ள லேட்டஸ்ட் புகைப்படம் ஒன்று வைரலாக பார்க்கப்பட்டு வருகிறது.
அஜித் துணிவு படத்தின் வெற்றியை தொடர்ந்து, தற்போது இயக்குனர் மகிழ் திருமேனி இயக்கத்தில் 'விடாமுயற்சி' படத்தில் நடித்து வருகிறார். இந்த படத்தில் நீண்ட இடைவெளிக்கு பின்னர், அஜித்துக்கு ஜோடியாக நடித்து வருகிறார் த்ரிஷா. முக்கிய கதாபாத்திரத்தில், ரெஜினா, ஆக்ஷன் கிங் அர்ஜுன், ஆரவ் உள்ளிட்ட பலர் நடித்து வருகிறார்கள்.
முழுக்க முழுக்க வெளிநாட்டில் உருவாகும் இந்த படத்தின் முதல் கட்ட படப்பிடிப்பு, கடந்த ஆண்டு அஜர்பைஜான் நாட்டில் துவங்கியது. முதல் கட்ட படப்பிடிப்பை தொடர்ந்து சிறு பிரேக் எடுத்து கொண்ட படக்குழு, மீண்டும் அஜர்பைஜான் நாட்டில் பிரமாண்ட செட் அமைத்து இப்படத்தில் படப்பிடிப்பில் தீவிரம் காட்டி வருகிறார்கள். இந்த படத்தை லைகா நிறுவனம் பிரமாண்டமாக தயாரித்து வருகிறது.
அஜித் தன்னுடைய மகளின் பிறந்தநாளுக்கு கூட, சென்னைக்கு வராத நிலையில்... மகள், மனைவி, மகனை அங்கு அழைத்து சென்று, கப்பலில் அனோஷ்கா பிறந்தநாளை கொண்டாடினார். இதுகுறித்த புகைப்படங்கள் சமூக வலைத்தளத்தில் தீயாக பரவியது. மேலும் அவ்வப்போது, அஜித் தன்னுடைய ரசிகர்களுடன் எடுத்து கொள்ளும் புகைப்படங்களும் வெளியான வண்ணம் உள்ளன.
இன்னும் ஒரு மாதத்திற்கு மேல் 'விடாமுயற்சி' படத்தின் படப்பிடிப்பு வெளிநாட்டில் நடைபெற உள்ள நிலையில், அஜித் செம்ம ஸ்டைலிஷாக... வெள்ளை நேர ஹூடி மற்றும் ஜீன்ஸ் பேன்ட் அணிந்து எடுத்து கொண்டுள்ள போட்டோ, சமூக வலைத்தளத்தில் வைரலாகி வருகிறது.
சேனலை கிளிக் செய்து பின்தொடரவும்
