அடிக்க முடியாமல் திணறிய ராஜஸ்தான் ராயல்ஸ் – ரியான் பராக் ஆறுதல் – 144 ரன்கள் எடுத்த RR!
பஞ்சாப் கிங்ஸ் அணிக்கு எதிரான 65ஆவது லீக் போட்டியில் முதலில் பேட்டிங் செய்த ராஜஸ்தான் ராயல்ஸ் 20 ஓவர்களில் 9 விக்கெட்டுகளை இழந்து 144 ரன்கள் மட்டுமே எடுத்துள்ளது.
Rajasthan Royals vs Punjab Kings, 65th Match
ராஜஸ்தான் ராயல்ஸ் மற்றும் பஞ்சாப் கிங்ஸ் அணிகளுக்கு இடையிலான 65ஆவது லீக் போட்டி தற்போது கவுகாத்தியில் உள்ள பர்சபரா கிரிக்கெட் ஸ்டேடியத்தில் நடைபெற்று வருகிறது. இதில், டாஸ் வென்று முதலில் பேட்டிங் செய்த ராஜஸ்தான் ராயல்ஸ் அணி 20 ஓவர்களில் 144 ரன்கள் மட்டுமே எடுத்துள்ளது.
![article_image2](https://static-ai.asianetnews.com/images/01hxygr55pbb568n93zc96arbq/rr-vs-pbks-1_300x168xt.jpg)
Rajasthan Royals vs Punjab Kings, 65th Match
யஷஸ்வி ஜெய்ஸ்வால் மற்றும் டாம் கோஹ்லர் காட்மோர் இருவரும் தொடக்க வீரர்களாக களமிறங்கினர். இதில், ஜெய்ஸ்வால் 4 ரன்களில் ஆட்டமிழந்தார். அடுத்து வந்த கேப்டன் சஞ்சு சாம்சன் 18 ரன்களில் நடையை கட்டினார். இதே போன்று டாம் கோஹ்லர் காட்மோர் 18 ரன்களில் வெளியேறினார்.
Rajasthan Royals vs Punjab Kings, 65th Match
இதையடுத்து ரியான் பராக் மற்றும் ரவிச்சந்திரன் அஸ்வின் இருவரும் சிறிது நேரம் தாக்குபிடித்து விளையாடி ரன்கள் குவித்தனர். எனினும் அஸ்வின் 28 ரன்களில் வெளியேற, துருவ் ஜூரெல் 0, ரோவ்மன் பவல் 4, டோனோவன் ஃபெரேரா 7 ரன்களில் ஆட்டமிழந்தனர். ஓரளவு தாக்குபிடித்து விளையாடிய ரியான் பராக் 48 ரன்களில் ஆட்டமிழந்தார். கடைசியாக டிரெண்ட் போல்ட் 12 ரன்களில் ஆட்டமிழந்தார்.
Rajasthan Royals vs Punjab Kings, 65th Match
இறுதியாக ராஜஸ்தான் ராயல்ஸ் 20 ஓவர்களில் 9 விக்கெட்டுகளை இழந்து 144 ரன்கள் மட்டுமே எடுத்துள்ளது. பவுலிங்கைப் பொறுத்த வரையில் சாம் கரண், ஹர்ஷல் படேல், ராகுல் சாஹர் ஆகியோர் தலா 2 விக்கெட்டுகள் கைப்பற்றினர். அர்ஷ்தீப் சிங் மற்றும் நாதன் எல்லீஸ் ஆகியோர் தலா ஒரு விக்கெட்டுகள் கைப்பற்றினர்.
Rajasthan Royals vs Punjab Kings, 65th Match
ராஜஸ்தான் ராயல்ஸ்:
யஷஸ்வி ஜெய்ஸ்வால், டாம் கோஹ்லர் காட்மோர், ரியான் பராக், சஞ்சு சாம்சன் (கேப்டன், விக்கெட் கீப்பர்), துருவ் ஜூரெல், ரோவ்மன் பவல், ரவிச்சந்திரன் அஸ்வின், டிரெண்ட் போல்ட், சந்தீப் சர்மா, ஆவேஷ் கான், யுஸ்வேந்திர சாஹல்.
Rajasthan Royals vs Punjab Kings, 65th Match
பஞ்சாப் கிங்ஸ்:
பிராப்சிம்ரன் சிங், ஜானி பேர்ஸ்டோவ், ரிலே ரோஸோவ், ஷஷாங்க் சிங், ஜித்தேஷ் சர்மா (விக்கெட் கீப்பர்), சாம் கரண் (கேப்டன்), ஹர்ப்ரீத் பிரார், ஹர்ஷல் படேல், நாதன் எல்லீஸ், ராகுல் சாஹர், அர்ஷ்தீப் சிங்.
Rajasthan Royals vs Punjab Kings, 65th Match
இந்த சீசனில் ராஜஸ்தான் ராயல்ஸ் விளையாடிய 12 போட்டிகளில் 8 வெற்றி 4 தோல்வியுடன் 16 புள்ளிகளுடன் பிளே ஆஃப் சுற்றுக்கு முன்னேறியுள்ளது. இதே போன்று பஞ்சாப் கிங்ஸ் இந்த சீசனில் விளையாடிய 12 போட்டிகளில் 4 வெற்றி 8 தோல்விகளுடன் புள்ளிப்பட்டியலில் 8 புள்ளிகளுடன் கடைசி இடத்தில் உள்ளது. அதோடு பிளே ஆஃப் வாய்ப்பை இழந்து 2ஆவது அணியாக வெளியேறியது.