Varalaxmi : திருமணத்துக்கு முன்பே வருங்கால கணவருடன் வெளிநாட்டுக்கு வெக்கேஷன் சென்ற வரலட்சுமி சரத்குமார்

நடிகர் சரத்குமாரின் மகளான வரலட்சுமி விக்னேஷ் சிவன் இயக்கிய போடா போடி படம் மூலம் ஹீரோயினாக அறிமுகமானார். அப்படத்தில் சிம்புவுக்கு ஜோடியாக நடித்த அவர், முதல் படத்திலேயே கிளாமரிலும் புகுந்து விளையாடி இருந்தார். இதையடுத்து விஷாலுக்கு ஜோடியாக மதகஜராஜா என்கிற படத்தில் நடித்தார் வரலட்சுமி. இப்படத்தை சுந்தர் சி இயக்கி இருந்தார். இப்படத்தில் நடித்தபோது விஷாலுக்கும் வரலட்சுமிக்கும் இடையே காதல் மலர்ந்தது.

பின்னர் சில ஆண்டுகள் இருவரும் உருகி உருகி காதலித்தனர். ஒருகட்டத்தில் விஷாலுக்கும் சரத்குமாருக்கும் இடையே மோதல் வெடித்ததை அடுத்து அவருடனான காதலை முறித்துக்கொண்ட வரலட்சுமி பிரேக் அப் செய்து பிரிந்தார். ஆரம்பத்தில் குண்டாக இருந்ததால் பட வாய்ப்புகள் சரிவர கிடைக்காமல் இருந்த நிலையில், உடல் எடையை குறைத்து ஸ்லிம்மான தோற்றத்துக்கு மாறிய வரலட்சுமிக்கு தற்போது பட வாய்ப்புகள் குவிந்து வருகின்றன.

இதையும் படியுங்கள்... Ameer: சிக்கிய ஜாபர் சாதிக்; விசாரணை வளையத்துக்குள் இயக்குனர் அமீர்- மத்திய போதைப்பொருள் தடுப்பு பிரிவு சம்மன்

அதிலும் தெலுங்கில் வரலட்சுமி இல்லாத பெரிய படங்களே இல்லை என சொல்லும் அளவுக்கு செம்ம டிமாண்ட் அவருக்கு நிலவி வருகிறது. குறிப்பாக அதிகளவிலான வில்லி வேடங்களில் நடித்து வருகிறார் வரலட்சுமி. தற்போது 39 வயதாகும் வரலட்சுமி, நிக்கேலாய் என்கிற மும்பையை சேர்ந்த தொழிலதிபரை காதலித்து வருவதை அண்மையில உறுதிப்படுத்தினார். இவர்களது திருமண நிச்சயதார்த்தம் மும்பையில் கடந்த மாதம் நடைபெற்றது.

வரலட்சுமியின் காதலன் நிக்கேலாய் ஏற்கனவே திருமணமாகி விவாகரத்தானவர் ஆவார். தற்போது 43 வயதாகும் நிக்கேலாய்க்கு 15 வயதில் ஒரு மகளும் இருக்கிறார். அவர் வரலட்சுமியை இரண்டாவது திருமணம் செய்துகொள்ள உள்ளார். இந்த ஜோடியின் திருமணம் இந்த ஆண்டுக்குள் நடைபெறும் என கூறப்படுகிறது.

இந்த நிலையில், நடிகை வரலட்சுமி சரத்குமார் தன்னுடைய வருங்கால கணவருடன் ஜாலியாக சுற்றுலா சென்றிருக்கிறார். இருவரும் ஜோடியாக தாய்லாந்து சென்று அங்கு ஊர்சுற்றி வருகின்றனர். திருமணத்துக்கு முன்னரே தன்னுடைய வருங்கால கணவருடன் நடிகை வரலட்சுமி சரத்குமார் வெக்கேஷன் சென்றுள்ள போது எடுத்த புகைப்படங்கள் இணையத்தில் வைரலாகிறது.

இதையும் படியுங்கள்... Vijay Flop Movie : படம் கன்பார்ம் பிளாப் ஆகும்னு தெரிஞ்சும்... தளபதி விஜய் நடிச்ச படம் எது தெரியுமா?