எனக்கும் அரசியல் ஆசை இருக்கு... விஜய்க்கு ஒரு சான்ஸ் கொடுக்கலாம் - நடிகை வாணி போஜன் ஓபன் டாக்

சின்னத்திரையில் இருந்து வெள்ளித்திரைக்கு வந்து வித்தியாசமான கதையம்சம் கொண்ட திரைப்படங்களை தேர்ந்தெடுத்து நடித்து வருபவர் வாணி போஜன். கோலிவுட்டில் பிசியான நடிகையாக வலம் வரும் இவர் நடிப்பில் தற்போது பகைவனுக்கு அருள்வாய், கேசினோ மற்றும் ஆர்யன் ஆகிய திரைப்படங்கள் உருவாகி வருகிறது. இதில் பகைவனுக்கு அருள்வாய் திரைப்படத்தில் சசிகுமார் உடன் நடித்துள்ளார் வாணி போஜன்.

இதுதவிர ஹாட்ஸ்டாருக்காக சட்னி சாம்பார் என்கிற வெப்தொடரிலும் நடித்து வருகிறார். சின்னத்திரை நயன்தாரா என ரசிகர்களால் செல்லமாக அழைக்கப்படும் இவர் தற்போது கோலிவுட்டின் பிசியான நாயகியாக வலம் வருகிறார். இந்த நிலையில், சமீபத்தில் நகைக்கடை திறப்பு விழா ஒன்றில் கலந்துகொண்ட வாணி போஜன், அப்போது செய்தியாளர்களை சந்தித்து விஜய்யின் அரசியல் எண்ட்ரி குறித்து பேசினார்.

இதையும் படியுங்கள்... பட்டுப்புடவையில் தங்க சிலை போல் மின்றாங்களே.. வாணி போஜனின் லேட்டஸ்ட் க்யூட் போட்டோஸ்..

அதில் வாணி போஜன் பேசியதாவது : "சினிமாவில் மசாலா படத்தை பார்ப்பதை விட நல்ல கருத்துள்ள படங்களை பார்ப்பதில் பெரிய வித்தியாசம் இருக்கிறது. தற்போது சமூக கருத்துள்ள படம் ஒன்றில் நடித்து முடித்துள்ளேன். விரைவில் அந்த படம் வெளியாக இருக்கிறது. அரசியலுக்கு இவர்கள் தான் வரவேண்டும் என்றில்லை. நல்லது செய்ய விரும்பும் யார் வேண்டுமானாலும் அரசியலுக்கு வரலாம்.

செங்களம் சீரிசில் நடிக்கும் போது, அரசியலுக்கு வரவேண்டும் என்ற ஆசை எனக்கு இருந்தது. இப்பவும் அந்த ஆசை இருக்கு. அரசியலில் விஜய்க்கு ஒரு வாய்ப்பு கொடுக்கலாம். அவர் என்ன செய்வார் என்பதை பார்க்கலாம். குழந்தைகளுக்கு மிகவும் அவசியமான ஒன்று, சமூக வலைதளம் குறித்த படம் இப்போது வெளியாக வேண்டும் என்று நினைக்கிறேன்," என்று தெரிவித்தார்.

இதையும் படியுங்கள்... வாணி போஜனை தொடர்ந்து சன் டிவி சீரியல் நடிகைக்கு அடித்த ஜாக்பார்ட்! கதாநாயகியாக மாறிய சீரியல் நடிகை !