சினிமாவை போல் அரசியலிலும் மாமன்னனாக மாஸ் காட்டும் உதயநிதி ஸ்டாலினின் வியக்க வைக்கும் சொத்து மதிப்பு இதோ
சினிமாவில் இருந்து விலகி தற்போது அரசியல்வாதியாக ஜொலித்து வரும் நடிகர் உதயநிதி ஸ்டாலினின் வியக்க வைக்கும் சொத்து மதிப்பு பற்றி இந்த தொகுப்பில் பார்க்கலாம்.
Udhayanidhi Stalin
கலைஞர் கருணாநிதியின் குடும்பத்தினர் அரசியலில் ஜொலித்து வருவதை போல் கலைத்துறையிலும் அவர்களின் பங்களிப்பு காலம் காலமாக தொடர்ந்து வருகிறது. அந்த வகையில் கலைஞரின் பேரனும், தற்போதைய தமிழக முதல்வரின் மகனுமான உதயநிதி ஸ்டாலினும் சினிமாவில் தயாரிப்பாளராக அறிமுகமாகி விஜய், சூர்யா, கமல் போன்ற முன்னணி நடிகர்களின் படங்களை தன்னுடைய ரெட் ஜெயண்ட் மூவீஸ் நிறுவனம் மூலம் தயாரித்து பிரபலமானார்.
Udhayanidhi Stalin Birthday
தயாரிப்பாளராக வெற்றிநடை போட்டு வந்த உதயநிதி, ராஜேஷ் இயக்கத்தில் கடந்த 2012-ம் ஆண்டு திரைக்கு வந்த ஒரு கல் ஒரு கண்ணாடி திரைப்படம் மூலம் ஹீரோவாக அறிமுகமானார். அப்படம் மிகப்பெரிய வெற்றிபெற்றதை அடுத்து தொடர்ந்து தமிழ் சினிமாவில் ஹீரோவாக நடிக்க தொடங்கினார் உதயநிதி. ஓகே ஓகே பட பாணியில் இது கதிர்வேலன் காதல், நண்பேண்டா போன்ற காமெடி கதையம்சம் கொண்ட படங்களில் நடித்த உதயநிதி மனிதன் படம் மூலம் சீரியஸ் மோடுக்கு சென்றார்.
Udhayanidhi Stalin salary
பின்னர் நிமிர், கண்ணே கலைமானே, சைக்கோ, நெஞ்சுக்கு நீதி, கலகத் தலைவன் என வித்தியாசமான கதையம்சம் கொண்ட படங்களை தேர்ந்தெடுத்து நடித்து தன்னுள் இருக்கும் நடிப்பு திறமையை மொத்தமாக இறக்கினார். பின்னர் படிப்படியாக அரசியல் பக்கம் சென்ற உதயநிதி கடந்த 2021-ம் ஆண்டு நடைபெற்ற சட்டமன்ற தேர்தலில் சேப்பாக்கம் திருவல்லிக்கேணி தொகுதியில் போட்டியிட்டு பெருவாரியான வாக்குகள் வித்தியாசத்தில் வெற்றிபெற்று எம்.எல்.ஏ ஆனார்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
minister Udhayanidhi Stalin
எம்.எல்.ஏ ஆன பின்பும் சினிமாவில் ஹீரோவாக நடித்து வந்த உதயநிதிக்கு அமைச்சர் பொறுப்பு வழங்கப்பட்டது. விளையாட்டுத் துறை அமைச்சராக அவர் நியமிக்கப்பட்டதும், சினிமாவை விட்டு விலகுவதாக அறிவித்தார் உதயநிதி. அவர் நடிப்பில் கடைசியாக வெளிவந்த திரைப்படம் மாமன்னன். மாரி செல்வராஜ் இயக்கத்தில் வெளியான இப்படம் உதயநிதியின் கெரியரிலேயே அதிக வசூல் செய்த படமாக அமைந்தது.
Udhayanidhi Stalin wife
மாமன்னன் உடன் உதயநிதி நடிப்புக்கு முழுக்கு போட்டாலும் தற்போது அரசியலில் அதகளம் செய்து வருகிறார். இப்படி சினிமா, அரசியல் இரண்டிலும் கெத்து காட்டி வரும் உதயநிதி ஸ்டாலின் இன்று தனது 46-வது பிறந்தநாளை கொண்டாடி வருகிறார். அவருக்கு சினிமா, அரசியல் பிரபலங்கள் மட்டுமின்றி ரசிகர்களும் வாழ்த்து மழை பொழிந்து வருகின்றனர். இந்த நிலையில், அவரின் சொத்து மதிப்பு பற்றி இந்த தொகுப்பில் பார்க்கலாம்.
Udhayanidhi Stalin Net worth
இவர் கடந்த 2021-ம் ஆண்டு தேர்தலில் போட்டியிடும் போது தன்னுடைய சொத்து விவரங்களை தாக்கல் செய்திருந்தார். அதன்படி தனக்கு ரூ.22.28 கோடி அசையும் சொத்தும், ரூ.6.54 கோடி அசையா சொத்தும் இருப்பதாக குறிப்பிட்டு இருந்தார். இதன்மூலம் தனக்கு மொத்தம் ரூ.28.82 கோடி சொத்துக்கள் இருப்பதாக உதயநிதி ஸ்டாலின் தெரிவித்திருந்தார். இவரிடம் ஹம்மர், பிஎம்டபிள்யூ, போர்ஷ் போன்ற சொகுசு கார்களும் உள்ளன.
Udhayanidhi Stalin salary
அவர் தேர்தலில் வெற்றிபெற்ற பின்னர் அவரின் ரெட் ஜெயண்ட் மூவீஸ் நிறுவனம் ஜெட் வேகத்தில் வளர்ச்சி கண்டது அனைவரும் அறிந்ததே. குறிப்பாக 2021-ம் ஆண்டு முதல் தற்போது வரை தமிழ் சினிமாவில் வெளியான விஜய், அஜித், ரஜினி, கமல் உள்பட பெருவாரியான படங்களை ரிலீஸ் செய்தது ரெட் ஜெயண்ட் தான். அந்நிறுவனம் மூலம் கடந்த இரண்டு ஆண்டுகளில் பல கோடிகளை உதயநிதி சம்பாதித்து உள்ளதாக கூறப்படுகிறது. இவர் நடிகராக ஒரு படத்துக்கு ரூ.3 முதல் 5 கோடி வரை சம்பளம் வாங்கி வந்தார் என்பது குறிப்பிடத்தக்கது.
இதையும் படியுங்கள்... அடேங்கப்பா நயனின் கணவர் விக்னேஷ் சிவன் சொத்து மதிப்பு இத்தனை கோடியா? செம்ம வெயிட்டு பார்ட்டியா இருக்காரேப்பா!