Pongal 2024 Gallery: நடிகை ரோஜா முதல்.. பொதுமக்கள் அனைவரும் குதூகலமாக கொண்டாடிய போகி பண்டிகை! போட்டோஸ்!
இன்று காலை மக்கள் அனைவரும் பழைய பொருட்களை... தீயிட்டு கொளுத்தி போகி பண்டிகை கொண்டாடிய புகைப்படங்கள் இதோ...
'பழையன கழிதலும் புதியன புகுதலும்' என்கிற பழமொழியை பிரதானமாக கொண்டது இந்த போகி பண்டிகை. பொங்கல் துவங்குவதற்கு முந்தைய நாள், மக்கள் கொண்டாடுகிறார்கள்.
போகி பண்டிகை வட இந்திய மக்களால் 'லஹரி' என்கிற பெயரில் கொண்டாடப்படுகிறது. விதவிதமான பெயர்களில் கொண்டாடப்பட்டாலும்.. கொண்டாடப்படும் முறையும் அதன் அர்த்தமும் ஒன்று தான்.
அதாவது போகி பண்டிகை அன்று, நம் வீட்டில் உள்ள பழைய பொருட்களான... பாய், துடைப்பம், கிழிந்த துணிகள், போன்றவை எரிக்கப்படுகிறது. இப்படி செய்வதால் நம்மை சுற்றி உள்ள எதிர்மறை விஷயங்கள் அழிக்கப்படும் என நம்புகின்றனர்.
அதே போல் இன்று, பலர் புதிய பொருட்களை வாங்கி உபயோகிப்பார்கள். இப்படி தீயில் பொருட்களை கொளுத்தும் போது, நம்மை ஆட்கொள்ளும், பொறாமை, தீய எண்ணங்கள், தீய செய்கைகள், போன்றவற்றையும் கொளுத்திவிட்டு, நல்லதை நினைத்து, நல்லதை செய்ய வேண்டும் என்பதே இந்த நாளின் அர்த்தம்.
இன்று காலை கொட்டிய பணியை கூட, கண்டு கொள்ளாமல்... நடிகையும் அமைச்சருமான ரோஜா முதல் மக்கள் அனைவரும் தங்களுடைய வீட்டின் வாசலில் போகி கொண்டாடி மகிழ்ந்தனர். தற்போது இது குறித்த புகைப்படங்கள் சில சமூக வலைத்தளத்தில் வெளியாகி வைரலாகி வருகிறது.
போகி கொண்டாடத்தால், பல இடங்களில் காலை 9 மணி வரை மேக மூட்டமாகவே இருந்தது. அதே போல் காற்று மாசு படுவதை தவிர்க்கும் விதத்தில், பிளாஸ்டிக் டயர் போன்ற பொருட்களை மக்கள் எரிக்க கூடாது என அரசு தரப்பில் இருந்து தெரிவிக்கப்பட்டது குறிப்பிடத்தக்கது.