பிரபுதேவா இயக்கிய இந்த பிளாக்பஸ்டர் படம் தான் அதிக மொழிகளில் ரீமேக் செய்யப்பட்ட படம்.. இத்தனை மொழிகளிலா?

இந்திய சினிமாவில் ரீமேக் என்பது பொதுவான விஷயம். ஒரு மொழியில் வெளியாகி ஹிட்டாகும் படங்களை மற்ற மொழிகளில் ரீ மேக் செய்து வெளியிடுகின்றனர். அந்த வகையில் பல பாலிவுட் படங்கள் தென்னிந்திய மொழிகளிலும், பல தென்னிந்திய மொழி படங்கள் ஹிந்தி உள்ளிட்ட மொழிகளிலும் ரீமேக் செய்யப்படுகின்றன.

மலையாளத்தில் வெளியான த்ரிஷ்யம் மற்றும் தமிழில் வெளியான சிங்கம் ஆகியவை பல மொழிகளில் ரீமேக் செய்யப்பட்டு வெளியிடப்பட்டன சரி. அதிக எண்ணிக்கையிலான ரீமேக் செய்யப்பட்ட இந்திய படம் எது என்று உங்களுக்கு தெரியுமா? இந்த படம் மொத்தம் 9 மொழிகளில் ரீமேக் செய்யப்பட்டுள்ளது. 

2005 ஆம் ஆண்டு தெலுங்கில் வெளியான நுவ்வோஸ்தானந்தே நேனோடண்டனா திரைப்படம் ஒன்பது மொழிகளில் ரீமேக் செய்யப்பட்டுள்ளது.  நடிகர் பிரபுதேவா இந்த படத்தின் மூலம் தான் தெலுங்கு திரையுலகில் இயக்குனராக அறிமுகமானார். சுமந்த் ஆர்ட் புரொடக்ஷன் தயாரித்த இந்த படத்தில் சித்தார்த், த்ரிஷா, ஸ்ரீஹரி உள்ளிட்டோர் முக்கிய வேடங்களில் நடித்துள்ளனர்.

வித்தியாசமான கதைக்களம், முன்னணி நடிகர்களின் நடிப்பு, தேவி ஸ்ரீ பிரசாத்தின் துள்ளலான இசை ஆகியவை இந்த வெற்றிக்கு காரணமாக அமைந்தது. இந்த படம் விமர்சன ரீதியிலும், வசூல் ரீதியிலும் நல்ல வரவேற்பை பெற்றது. 

இதை தொடர்ந்து இப்படம் 9 மொழிகளில் ரீமேக் செய்யப்பட்டு இந்திய சினிமாவில் வரலாறு படைத்தது. தமிழில் உனக்கும் எனக்கும் என்ற பெயரில் ஜெயம் ரவி, த்ரிஷாவை வைத்து மோகன் ராஜா இந்த படத்தை ரீமேக் செய்திருந்தார். இந்த படத்திற்கு தமிழிலும் நல்ல வரவேற்பு கிடைத்தது.

இதே போல் கன்னடத்தில் நீனெல்லோ நாணல்லே, பெங்காலியில் ஐ லவ் யூ, மணிப்பூரியில் நிங்கோல் தஜபா, ஒடியாவில் சுனா சாதே மோ ருபா சாதே, பஞ்சாபியில் தேரா மேரா கி ரிஷ்தா, பங்களாதேஷில் நிசாஷ் அமர் துமி என்ற பெயரிலும், நேபாளியில் , தி ஃப்ளாஷ் பேக்: ஃபர்கேரா ஹெர்டா என்ற பெயரிலும் ரீமேக் செய்யப்பட்டது. மேலும் இந்தியில் ராமையா வஸ்தாவய்யா என்று பெயரில் உருவானது.

மேலும் வெளியான நுவ்வோஸ்தானந்தே நேனோடண்டனா தென்னிந்தியத் திரைப்படங்களில் அதிக எண்ணிக்கையிலான பிலிம்பேர் விருதுகளைப் பெற்ற திரைப்படம் என்ற பெருமையைப் பெற்றுள்ளது.

ரோஹித் ஷெட்டியின் சிங்கம் மற்றும் த்ரிஷ்யம் போன்ற நன்கு அறியப்பட்ட பாலிவுட் திரைப்படங்கள் அதே தலைப்புகளுடன் வெற்றிகரமான தென்னிந்திய படங்களின் தழுவல் என்பது குறிப்பிடத்தக்கது. அஜய் தேவ்கன் நடித்த இந்தப் படங்கள் பரவலான வெற்றியைப் பெற்று பல்வேறு மொழிகளில் ரீமேக் செய்யப்பட்டன.

மேலும் அர்ஜுன் ரெட்டி போன்ற பல படங்கள் பல மொழிகளில் ரீமேக் செய்யப்பட்டுள்ளன. முதலில் தெலுங்கில் உருவான  அர்ஜுன் ரெட்டி தமிழ் மற்றும் மலையாளம் மற்றும் பாலிவுட்டில் ரீமேக் செய்யப்பட்டது. ரீமேக்குகள் பரவலாகப் பாராட்டப்பட்டன, பார்வையாளர்கள் மற்றும் விமர்சகர்களிடமிருந்து பாராட்டுகளைப் பெற்றன என்பது குறிப்பிடத்தக்கது.