தெலுங்கில் விஜய்க்கு இவ்வளவு மவுசா... பாலய்யா படத்தையே பாக்ஸ் ஆபிஸில் பஞ்சராக்கி பறக்கவிட்ட லியோ

நடிகர் விஜய் - இயக்குனர் லோகேஷ் கனகராஜ் கூட்டணியில் வெளியாகி உள்ள படம் லியோ. தமிழில் உருவான இப்படத்தை தெலுங்கு, இந்தி, கன்னடம், மலையாளம் ஆகிய மொழிகளிலும் டப்பிங் செய்து பான் இந்தியா படமாக வெளியிட்டுள்ளனர். இப்படம் தமிழ்நாடு மற்றும் கேரளாவில் போட்டியின்றி ரிலீஸ் ஆனாலும், ஆந்திரா, தெலுங்கானா மற்றும் கர்நாடகா உள்ளிட்ட மாநிலங்களில் பலத்த போட்டிக்கு மத்தியில் தான் ரிலீஸ் ஆகி உள்ளது.

குறிப்பாக ஆந்திராவில் லியோ படத்துக்கு போட்டியாக பாலகிருஷ்ணா நடித்த பகவந்த் கேசரி என்கிற திரைப்படம் ரிலீஸ் ஆகி உள்ளது. தமிழ்நாட்டில் ரஜினிக்கு எந்த அளவுக்கு மாஸ் இருக்கிறதோ, அதே அளவு ஆந்திரா மற்றும் தெலுங்கானாவில் மாஸ் கொண்ட நடிகர் பாலாகிருஷ்ணா. அவரது படத்துக்கு போட்டியாக லியோ ரிலீஸ் ஆனதால் விஜய் படத்தின் வசூல் பாதிக்கும் என கருதப்பட்டது. ஆனால் முதல் நாள் நிலவரம் அப்படியே உல்டாவாக உள்ளது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D

ஆந்திராவில் லியோ படத்துக்கு தாறுமாறான வரவேற்பு கிடைத்துள்ளது. அங்கு லியோ படத்தை வாங்கி வெளியிட்டுள்ள சித்தாரா நிறுவனம் அப்படம் தெலுங்கில் மட்டும் ரூ.16 கோடி வசூலை வாரிக்குவித்து உள்ளதாக அதிகாரப்பூர்வமாக அறிவித்துள்ளார். மறுபுறம் இதற்கு போட்டியாக வெளிவந்த பாலகிருஷ்ணாவின் பகவந்த் கேசரி திரைப்படம் உலகளவில் மொத்தமாகவே ரூ.20 கோடி தான் வசூலித்துள்ளது. இதன்மூலம் ஆந்திராவில் பகவந்த் கேசரியை பாக்ஸ் ஆபிஸில் பின்னுக்கு தள்ளி உள்ளது லியோ.

இன்று லியோ படத்துக்கு போட்டியாக மற்றொரு தெலுங்கு படம் ரிலீஸ் ஆகி உள்ளது. ரவி தேஜா நடித்த டைகர் நாகேஸ்வர் ராவ் என்கிற திரைப்படம் இன்று வெளியாகி உள்ளதால், லியோ படத்தின் பாக்ஸ் ஆபிஸ் வேட்டைக்கு சிக்கல் ஏற்பட்டு உள்ளது. இதையெல்லாம் மீறி பாக்ஸ் ஆபிஸில் லியோ தொடர்ந்து மாஸ் காட்டுமா என்பதை பொறுத்திருந்து தான் பார்க்க வேண்டும்.

இதையும் படியுங்கள்... செத்தா உன் படத்துல தான் சாகணும்னு ஆசைப்பட்ட பிரபலம்... கூட்டிட்டு வந்து கதையை முடித்த லோகேஷ் கனகராஜ்