படிப்பில் மட்டுமல்ல விளையாட்டிலும் சூர்யா மகள் கில்லி தான்... பதக்கம் வென்று பெற்றோருக்கு பெருமை சேர்த்த தியா
சூர்யா - ஜோதிகா தம்பதியின் மகள் தனது பள்ளியில் நடைபெற்ற விளையாட்டு போட்டியில் வெற்றிபெற்று பதக்கம் பெற்றபோது எடுத்த புகைப்படம் வைரலாகிறது.
Suriya, Diya, Jyothika
தமிழ் திரையுலகில் நட்சத்திர ஜோடியாக வலம் வருபவர்கள் சூர்யா - ஜோதிகா. காதல் திருமணம் செய்துகொண்ட இவர்களுக்கு தியா என்கிற மகளும், தேவ் என்கிற மகனும் உள்ளனர். இவர்கள் இருவருமே தற்போது மும்பையில் படித்து வருகின்றனர். இதில் சூர்யாவின் மகளான தியா, படிப்பில் சிறந்து விளங்கி வருபவர் என்பது அனைவரும் அறிந்ததே. இதற்கு சான்று அவரது 10ம் வகுப்பு மதிப்பெண் தான்.
![article_image2](https://static-ai.asianetnews.com/images/01h4dn117hz6bnc7vmmz1gdmfy/jyothika_300x375xt.jpg)
Suriya family
இவர் தனது பத்தாம் வகுப்பு பொதுத்தேர்வில் கணிதத்தில் நூற்றுக்கு நூறு மதிப்பெண் பெற்றிருந்தார். அதோடு, அறிவியலில் 98, ஆங்கிலத்தில் 99, தமிழில் 95, சமூக அறிவியலில் 95 என அனைத்து பாடங்களிலும் நல்ல மதிப்பெண்களை பெற்று பர்ஸ்ட் கிளாஸில் பாஸ் ஆகி இருந்தார். 10-ம் வகுப்பு வரை சென்னையில் படத்த தியா, பின்னர் 11-ம் வகுப்பு முதல் மும்பையில் பயின்று வருகிறார்.
இதையும் படியுங்கள்... வெற்றிமாறனின் ரியல் அன்பு கேங் இவங்கதான்... குடும்பத்தோடு ஃபாரின் ட்ரிப் சென்ற வெற்றிமாறனின் கலக்கல் கிளிக்ஸ்
Suriya daughter Diya won medal
படிப்பில் கெட்டிக்காரியாக இருக்கும் தியா, தற்போது விளையாட்டிலும் தன்னுடைய திறமையை நிரூபித்து பதக்கத்தை வென்றிருக்கிறார். தியாவின் பள்ளியில் ஸ்போர்ட்ஸ் டே சமீபத்தில் நடைபெற்றது. அதனைக் காண சூர்யாவும், ஜோதிகாவும் நேரில் சென்றிருந்தனர். அப்போது ஸ்போர்ட்ஸ் டீம் கேப்டனாக இருந்த தியா அசத்தலாக விளையாடி பதக்கத்தை வென்றிருக்கிறார்.
Diya Suriya
பதக்கம் வென்ற மகிழ்ச்சியோடு தன்னுடைய பெற்றோருடன் சேர்ந்து உற்சாகம் பொங்க போட்டோ ஒன்றை எடுத்துள்ளார் தியா. அந்த போட்டோ தான் தற்போது இணையத்தில் வைரலாகி வருகிறது. மகளின் வெற்றியை குடும்பத்தோடு சேர்ந்து கொண்டாடியுள்ள நடிகர் சூர்யா - ஜோதிகா ஜோடியில் லேட்டஸ்ட் போட்டோவுக்கு லைக்குகள் குவிந்து வருவதோடு, பதக்கம் வென்ற தியாவுக்கு வாழ்த்துக்களும் குவிந்து வருகின்றன.
இதையும் படியுங்கள்... அஜித்துக்கு ஜோடியாக நடித்த பின்... ஆள் அட்ரஸே தெரியாமல் காணாமல் போன 5 ஹீரோயின்ஸ் பற்றி பார்க்கலாம்