அஜித்துக்கு ஜோடியாக நடித்த பின்... ஆள் அட்ரஸே தெரியாமல் காணாமல் போன 5 ஹீரோயின்ஸ் பற்றி பார்க்கலாம்

கோலிவுட்டில் மாஸ் நடிகராக வலம் வரும் அஜித்துடன் ஜோடி சேர்ந்து நடித்த பின்னர் சினிமாவை விட்டு விலகிய நடிகைகள் பற்றி இந்த தொகுப்பில் பார்க்கலாம்.

Ajith

தமிழ் திரையுலகில் எந்தவித சினிமா பின்புலமும் இன்றி தன்னுடைய சொந்த உழைப்பால் முன்னுக்கு வந்து தற்போது கோலிவுட்டின் மிகப்பெரிய ஆளுமையாக திகழ்ந்து வருபவர் அஜித். அவர் ஏராளமான ஹிட் படங்களை கொடுத்திருக்கிறார். அந்த வகையில் அஜித்துடன் ஜோடி சேர்ந்து நடித்து பிரபலமாக இருந்தபோதே சினிமாவை விட்டு விலகிச் சென்ற நாயகிகள் பற்றி இந்த தொகுப்பில் பார்க்கலாம்.

மானு (Maanu)

நடிகர் அஜித்தின் கெரியரில் மிகப்பெரிய திருப்புமுனையை ஏற்படுத்திய திரைப்படம் என்றால் அது காதல் மன்னன் தான். இந்த படத்தில் அஜித்துக்கு ஜோடியாக மானு நடித்திருந்தார். இந்த திலோத்தமா என்கிற கேரக்டரில் நடித்து தமிழ் ரசிகர்களின் மனதில் இடம்பிடித்த மானு, டாக்டர் ஒருவரை திருமணம் செய்துகொண்டு சினிமாவுக்கு முழுக்கு போட்டார். தற்போது மானு சிங்கப்பூரில் செட்டில் ஆகிவிட்டார்.

ஹிரா (Heera)

நடிகர் அஜித்துடன் காதல் கோட்டை படத்தில் சேர்ந்து நடித்தவர் ஹிரா. இவர் சினிமாவில் மட்டுமல்லாமல் ரியல் லைஃபிலும் அஜித்தை உருகி உருகி காதலித்தார். காதல் கோட்டை படத்தில் இவர்கள் காதல் கைகூடாதது போல் நிஜத்திலும் தோல்வியில் முடிந்தது. அப்படத்துக்கு பின் தொழிலதிபர் ஒருவரை திருமணம் செய்துகொண்ட ஹிரா, பின்னர் அவரை விவாகரத்து செய்து பிரிந்துவிட்டார். தற்போது அமெரிக்காவில் வசித்து வருகிறார் ஹிரா.

இதையும் படியுங்கள்... Ajith Photo: ஸ்லிம் ஃபிட்! ஸ்டைலிஷ் லுக்... அல்டிமேட் ஸ்டார் அஜித்தின் ரீசென்ட் போட்டோவை வெளியிட்ட ஷாலினி!

வசுந்தரா தாஸ் (Vasundhera Das)

சரவணன் சுப்பையா இயக்கிய சிட்டிசன் திரைப்படத்தில் அஜித்தை துரத்தி துரத்தி காதலிக்கும் கதாபாத்திரத்தில் நடித்து மக்களின் மனதை கொள்ளைகொண்டவர் தான் வசுந்தரா தாஸ். இவர் நடிப்பு மட்டுமல்ல பாடகியாகவும் தன் திறமையை நிரூபித்தார். சிட்டிசன் படத்துக்கு பின்னர் டிரம்ஸ் கலைஞர் ஒருவரை திருமணம் செய்துகொண்டதால் சினிமாவில் இருந்து விலகினார்.

பிரியங்கா உபேந்திரா (Priyanka Upendra)

நடிகர் அஜித்துடன் ராஜா படத்தில் ஜோடியாக நடித்தவர் தான் பிரியங்கா உபேந்திரா. அப்படத்துக்கு பின்னர் தமிழ் படங்களில் தலைகாட்டாமல் இருந்த பிரியங்கா, கன்னட நடிகர் உபேந்திராவை திருமணம் செய்துகொண்டு செட்டில் ஆனார். இவர் தமிழ் மட்டுமின்றி கன்னடம், பெங்காலி போன்ற பிறமொழி படங்களிலும் நடித்திருக்கிறார்.

கனிகா (Kaniha)

கே.எஸ்.ரவிக்குமார் இயக்கிய வரலாறு படத்தில் அஜித்துக்கு ஜோடியாக நடித்தவர் தான் கனிகா. இவர் அப்படத்துக்கு பின்னர் திருமணம் செய்துகொண்டு கணவருடன் கேரளாவில் செட்டில் ஆனார். இந்த தம்பதிக்கு ஒரு ஆண் குழந்தையும் உள்ளது. மகன் வளர்ந்த பின்னர் மீண்டும் நடிப்புக்கு திரும்பிய கனிகாவுக்கு சினிமாவில் எதிர்பார்த்த வாய்ப்பு கிடைக்காததால் சின்னத்திரையில் நடித்து வருகிறார். தற்போது கனிகா எதிர்நீச்சல் தொடரில் நடிக்கிறார்.

இதையும் படியுங்கள்... சினிமாவை விட்டு விலகி 22 வருஷமாச்சு.. ஆனாலும் பல கோடிகளுக்கு அதிபதி - தலயின் நாயகி ஷாலினி - Net Worth எவ்வளவு?