சினிமாவை விட்டு விலகி 22 வருஷமாச்சு.. ஆனாலும் பல கோடிகளுக்கு அதிபதி - தலயின் நாயகி ஷாலினி - Net Worth எவ்வளவு?

Shalini Ajithkumar Net Worth : பிரபல நடிகையாக திகழ்ந்து வந்த நடிகை ஷாலினி அஜித்குமார் கடந்த 2001ம் ஆண்டுக்கு பிறகு படங்களில் நடிப்பதில் இருந்து ஓய்வு பெற்றார். 

Shalini Childhood

கடந்த 1979 ஆம் ஆண்டு கேரளாவில் பிறந்த பிரபல நடிகை ஷாலினி அஜித்குமார் மலையாளம், தெலுங்கு, தமிழ் மற்றும் கன்னடம் உள்ளிட்ட மொழிகளில் குழந்தை நட்சத்திரமாகவே 50க்கும் மேற்பட்ட திரைப்படங்களில் நடித்திருக்கிறார். அவர் முதல் முதலில் நாயகியாக தோன்றி நடித்த திரைப்படம் 1997 ஆம் ஆண்டு மலையாள மொழியில் வெளியான "Aniyathipraavu" என்கின்ற திரைப்படம் தான். இந்த திரைப்படம் தான் தமிழில் காதலுக்கு மரியாதை என்று அதே ஆண்டு ரீமேக் செய்யப்பட்டது.

Shalini ajithkumar

நாயகியாக வெகு சில திரைப்படங்கள் மட்டுமே நடித்திருக்கிறார் என்ற போதும் தமிழ் மற்றும் மலையாள மொழிகளில் மிகச் சிறந்த நடிகையாக திகழ்ந்து வந்தவர் ஷாலினி அஜித்குமார். கடந்த 1999 ஆம் ஆண்டு வெளியான தல அஜித் குமாரின் "அமர்க்களம்" என்கின்ற திரைப்படத்தின் படபிடிப்பின் போது தான் இவருக்கும் தல அஜித் குமார் அவர்களுக்கும் இடையே காதல் மலர்ந்தது. 

அதுதான் தல அஜித் அவர்களும் ஷாலினி அவர்களும் இணைந்து நடித்த முதல் மற்றும் கடைசி திரைப்படம் என்பதும் குறிப்பிடத்தக்கது. இந்த சூழ்நிலையில் கடந்த 2000வது ஆண்டு தல அஜித் அவர்களை திருமணம் செய்து கொண்ட ஷாலினி அவர்கள், கடந்த 2001 ஆம் ஆண்டு பிரசாந்த் நடிப்பில் வெளியான "பிரியாத வரம் வேண்டும்" என்கின்ற திரைப்படத்தோடு தனது திரை வாழ்க்கையை நிறைவு செய்தார்.

Amarkalam

நடிப்புலகத்தில் நாயகியாக அவர் உச்சத்தில் இருந்த காலகட்டத்தில் ஷாலினி ஒரு படத்திற்கு சுமார் 50 லட்சம் ரூபாய் வரை சம்பளம் பெற்றதாக தகவல்கள் கிடைத்திருக்கிறது. திருமணம் நடந்த பிறகு படங்களில் நடிக்கவில்லை என்றாலும் கூட சுமார் 50 கோடி ரூபாய்க்கு மேல் சொத்து மதிப்பு கொண்ட பணக்கார நடிகையாக தற்பொழுது திகழ்ந்து வருகிறார் ஷாலினி அஜித் குமார். அவருடைய கணவர் அஜித்குமாரின் சொத்து மதிப்பு சுமார் 200 கோடி ரூபாய்க்கு மேல் என்று கூறப்படுகிறது.