பல எலும்பு முறிவுகள்.. தசை நார் கிழிவு! 'மிஷன் சேப்டர் 1' படத்திற்கு அருண் விஜய் பட்ட வலி வேதனையின் போட்டோஸ்!
நடிகர் அருண் விஜய், 'மிஷன் சேப்டர் 1' படத்தில் ஸ்டண்ட் காட்சியில் நடித்த போது பட்ட வலி, வேதனைகளை புகைப்படம் மூலம் தெரிவித்து, இப்படத்தின் வெற்றிக்கு நன்றி தெரிவித்துள்ளார்.
பழம்பெரும் நடிகர் விஜயகுமாரின் மகனான அருண் விஜய்... நடிக்க ஆரம்பித்த போது சரியான வாய்ப்புகள் கிடைக்காமல், ஒரு கட்டத்தில் திண்டாடினார். இவர் நடித்த படங்கள் அடுத்தடுத்து தோல்வியடைந்த போதிலும், நடிப்பு மீது இவருக்கு இருந்த ஆர்வமும், விடாமுயற்சியும் 'என்னை அறிந்தால்' படத்தில் அஜித்துடன் நடிக்கும் வாய்ப்பை பெற்று தந்தது.
இந்த படத்தில் அருண் விஜய் நடிக்க கரணம் அஜித்தின் சிவாரிசு தான். இதை தொடர்ந்து, அருண் விஜய் கதை தேர்வில் கூடுதல் கவனம் செலுத்த துவங்கிய நிலையில்... இவர் நடித்த குற்றம் 23, தடம், செக்க சிவந்த வானம், மாஃபியா, சினம், யானை போன்ற படங்கள் ரசிகர்கள் மத்தியில் நல்ல வரவேற்பை பெற்று, அருண் விஜய்யை முன்னணி ஹீரோவாக மாற்றியது.
கதைக்காகவும், தன்னுடைய கதாபாத்திரத்திற்காகவும் ரிஸ்க் எடுத்து டூப் போடாமல் நடிப்பதை வழக்கமாக வைத்துள்ளார் அருண் விஜய். அந்த வகையில் இவர் நடிப்பில் சமீபத்தில் வெளியான திரைப்படம், 'மிஷன் சாப்டர் 1' தன்னுடைய மகளை காப்பாற்ற போராடும், தந்தையாக அருண் விஜய் நடிக்க, நிமிஷா சஜயன் அருண் விஜய்க்கு ஜோடியாக நடித்திருந்தார். எமி ஜாக்சன் போலீஸ் அதிகாரியாக மிரட்டி இருந்தார்.
இயக்குனர் ஏ.எல்.விஜய் இயக்கத்தில், லைகா நிறுவனம் தயாரித்திருந்த இந்த திரைப்படம் பொங்கல் பண்டிகையை முன்னிட்டு ஜனவரி 12-ஆம் தேதி வெளியானது. கேப்டன் மில்லர், அயலான், போன்ற இரண்டு பிரமாண்ட படங்களின் ரிலீஸுடன் இந்த படமும் வெளியானதால், மிக குறைவான தியேட்டர்களை ஒதுக்கப்பட்டது. ஆனால் கேப்டன் மில்லர், அயலான் போன்ற படங்கள் சுமாரான விமர்சனங்களை பெற்ற நிலையில், 'மிஷன் சாப்டர் 1' படத்திற்கு கிடைத்த பாசிட்டிவ் விமர்சனம் இப்படத்தை வெற்றிப்படமாக மாற்றியது.
சைலண்டாக ஹிட் அடித்த இப்படம் தற்போது சுமார் 400கும் மேற்பட்ட திரையரங்குகளில் ஓடிக்கொண்டிருக்கிறது. இந்நிலையில் இந்த படத்தின் வெற்றிக்கு நன்றி சொல்லும் விதமாக, அருண் விஜய் வெளியிட்ட புகைப்படங்கள் ரசிகர்கள் கண்களையே கலங்க வைத்துள்ளது.
படப்பிடிப்பில் தனக்கு அடிப்பட்டபோது எடுத்து கொண்ட புகைப்படங்களை வெளியிட்டு, MissionChapter1 க்கு நீங்கள் கொடுத்த மாபெரும் வெற்றியானது, ஸ்டண்ட் செய்யும் போது பல எலும்பு முறிவுகள் மற்றும் தசைநார் கிழிந்ததால் கடந்த 2 மாதங்களாக நான் அனுபவித்த வலியை மறக்கச் செய்தது. விரைவில் தயாராகி மீண்டும் செயலில் இறங்க உங்கள் அன்பு என்னை மேலும் வலிமையாகியுள்ளது.அனைவர்க்கும் நன்றி என தெரிவித்துள்ளார்.