மகனின் முதல் பிறந்தநாளை கிராண்ட் ஆக கொண்டாடிய சூப்பர் சிங்கர் அஜய் கிருஷ்ணா... குவிந்த விஜய் டிவி ஸ்டார்ஸ்

விஜய் டிவியில் நடத்தப்படும் ரியாலிட்டி ஷோக்களில் மிகவும் பேமஸ் ஆன ஷோவாக இருந்து வருவது சூப்பர் சிங்கர் நிகழ்ச்சி. சூப்பர் சிங்கர் நிகழ்ச்சி ஜூனியர்களுக்கு தனியாகவும், சீனியர்களுக்கு தனியாகவும் நடத்தப்பட்டு வருகிறது. இந்நிகழ்ச்சியின் மூலம் பல்வேறு திறமையான பாடகர்கள் கண்டறியப்பட்டு அவர்கள் தற்போது சினிமாவில் முன்னணி பின்னணி பாடகர்களாக வலம் வந்து கொண்டிருக்கிறார்கள். அதுமட்டுமின்றி இந்த நிகழ்ச்சிக்கு உலகளவில் ரசிகர்களும் உள்ளனர்.

சூப்பர் சிங்கர் நிகழ்ச்சியில் ஜெயிப்பவர்கள் மட்டுமின்றி, அதில் போட்டியாளர்களாக கலந்துகொண்டாலே அவர்கள் பேமஸ் ஆகிவிடுவார்கள். அப்படி சூப்பர் சிங்கர் நிகழ்ச்சியில் போட்டியாளராக கலந்துகொண்டதன் மூலம் பிரபலமானவர் தான் அஜய் கிருஷ்ணா. அதிலும் இவரிடம் மற்றுமொரு ஸ்பெஷல் டேலண்ட்டும் உள்ளது. குறிப்பாக பிரபல பின்னணி பாடகர் உதித் நாராயணனின் குரலில் பாடல்கள் பாடுவதில் வல்லவராக திகழ்ந்து வருகிறார். 

இதையும் படியுங்கள்... ஸ்டார் ஸ்போர்ட்ஸில் இருந்து விலகலா?... மீண்டும் விஜய் டிவிக்கு வந்ததன் ரகசியத்தை போட்டுடைத்த விஜே பாவனா

சூப்பர் சிங்கர் நிகழ்ச்சிக்கு பின்னர் வெளிநாடுகளில் நடத்தப்படும் இசை நிகழ்ச்சிகள் மற்றும் விஜய் டிவி ஷோக்களில் கலந்துகொண்டு பாடல்கள் பாடி வரும் அஜய் கிருஷ்ணா, கடந்த 2022-ம் ஆண்டு காதல் திருமணம் செய்துகொண்டார். இவர் தன்னுடைய ரசிகையான ஜெசி என்பவரையே காதலித்து திருமணமும் செய்துகொண்டார். 

அஜய் கிருஷ்ணா - ஜெசி ஜோடிக்கு கடந்த ஆண்டு பிப்ரவரி மாதம் அழகான ஆண் குழந்தை பிறந்தது. அந்த குழந்தைக்கு அயான் எனவும் பெயரிட்டனர். இந்த நிலையில், தங்களின் தங்கமகன் அயானின் முதல் பிறந்தநாளை அஜய் கிருஷ்ணா மற்றும் ஜெசி ஜோடி கிராண்ட் ஆக கொண்டாடி உள்ளனர்.

அயானின் பிறந்தநாள் விழாவில் சூப்பர்சிங்கர் பிரபலங்களான மானசி, பரத், குக் வித் கோமாளி பிரபலம் குரேஷி, பாடகர் மனோ, சின்னத்திரை காமெடி நடிகர் நாஞ்சில் விஜய் உள்பட ஏராளமான பிரபலங்கள் கலந்துகொண்டு வாழ்த்துக்களை தெரிவித்தனர். அப்போது எடுத்த போட்டோஸ் இணையத்தில் வைரலாகி வருகிறது.

இதையும் படியுங்கள்... பிளாக் கலர் ட்ரான்ஸ்பரெண்ட் ட்ரெஸ்ஸில் கிளாமர் போஸ்.. பாண்டியன் ஸ்டோர்ஸ் நடிகை காவ்யாவா இது?