ஸ்டார் ஸ்போர்ட்ஸில் இருந்து விலகலா?... மீண்டும் விஜய் டிவிக்கு வந்ததன் ரகசியத்தை போட்டுடைத்த விஜே பாவனா
ஸ்டார் ஸ்போர்ட்ஸில் தொகுப்பாளினியாக பணியாற்றி வந்த பாவனா தற்போது மீண்டும் விஜய் டிவிக்கு திரும்பி உள்ளதால் ரசிகர்கள் குழப்பம் அடைந்துள்ளனர்.
)
FollowVJ Bhavana
ராஜ் டிவியில் தொகுப்பாளினியாக தன்னுடைய பயணத்தை தொடங்கிய பாவனா, ரசிகர்கள் மத்தியில் பிரபலமானது விஜய் டிவி மூலம் தான். அதில் டாப் டிரெண்டிங் நிகழ்ச்சிகளாக கருதப்படும் சூப்பர் சிங்கர், ஜோடி நம்பர் 1 ஆகியவற்றில் பாவனா தொகுப்பாளராக பணியாற்றி இருக்கிறார். இவர் சிவகார்த்திகேயன் உடன் சேர்ந்து ஹோஸ்ட் செய்த ஜோடி நம்பர் 1 நிகழ்ச்சியின் 6-வது சீசன் வேறலெவலில் ஹிட் அடித்தது. அதன்பின்னர் கடந்த 2017-ம் ஆண்டு விஜய் டிவியில் இருந்து விலகினார் பாவனா.
)
VJ Bhavana back to vijay tv
நிகில் ரமேஷ் என்பவரை திருமணம் செய்துகொண்ட பாவனா, விஜய் டிவியில் இருந்து விலகி ஸ்டார் ஸ்போர்ட்ஸில் தொகுப்பாளினியாக பணியாற்ற தொடங்கினார். இதன்காரணமாக மும்பையில் தன் கணவருடன் செட்டில் ஆன பாவனா, கடந்த 6 ஆண்டுகளாக விஜய் டிவி பக்கம் தலைகாட்டவே இல்லை. ஸ்டார் ஸ்போர்ட்ஸில் ஒளிபரப்பாகும் ஐபிஎல் கிரிக்கெட் மற்றும் சர்வதேச கிரிக்கெட் போட்டிகளுக்கு தொகுப்பாளராக பணியாற்றி வருகிறார் பாவனா.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Vijay TV anchor VJ Bhavana
இந்த நிலையில், 6 ஆண்டுகளுக்கு பின் தற்போது மீண்டும் விஜய் டிவிக்கு திரும்பி இருக்கிறார் பாவனா. இந்த வாரம் முதல் சூப்பர் சிங்கர் ஜூனியர் நிகழ்ச்சியை தான் தொகுத்து வழங்க இருப்பதாக பாவனா அறிவித்துள்ளார். இதைப்பார்த்த ரசிகர்கள் அப்போ ஸ்டார் ஸ்போர்ட்ஸில் இருந்து விலகிவிட்டீர்களா என கேள்வி எழுப்பினர். இதற்கு விஜே பாவனா விளக்கம் அளித்துள்ளார்.
Star Sports Anchor Bhavana
அந்த பதிவில், “6 வருஷம் ஆகிடுச்சு, உங்கள் கடிகாரத்தை ரீவைண்டு செய்ய வேண்டிய நேரம் இது. இந்த வாரம் சூப்பர் சிங்கர் நிகழ்ச்சியை பாருங்கள். அதில் 3 எபிசோடுக்கு மட்டும் கெஸ்ட் ஹோஸ்ட் ஆக நான் மீண்டும் திரும்பி வந்துள்ளது மகிழ்ச்சியாக உள்ளது. என்னை சமாதானப்படுத்தி திருப்பி அழைத்து வந்த சூப்பர் சிங்கர் டீமுக்கு நன்றி. இந்த மேடை நிரந்தரம் அல்ல தற்காலிகமானது தான். ஸ்டார் ஸ்போர்ட்ஸில் தொடங்கி உள்ள கபடி தான் என்னுடைய முக்கியமான வேலை” என குறிப்பிட்டு வதந்திகளுக்கு முற்றுப்புள்ளி வைத்துள்ளார் பாவனா.
இதையும் படியுங்கள்... பிக்பாஸ் அழைத்ததால் சிட்டாக பறந்த தினேஷ்... இனி கிழக்கு வாசல் சீரியலில் அவருக்குபதில் நடிக்கப்போவது இவர்தானாம்
சேனலை கிளிக் செய்து பின்தொடரவும்
