பிக்பாஸ் அழைத்ததால் சிட்டாக பறந்த தினேஷ்... இனி கிழக்கு வாசல் சீரியலில் அவருக்குபதில் நடிக்கப்போவது இவர்தானாம்
பிக்பாஸ் வாய்ப்பு கிடைத்ததால் கிழக்கு வாசல் சீரியலில் இருந்து விலகிய தினேஷுக்கு பதிலாக நடிக்கபோகும் நடிகர் பற்றிய அப்டேட் வெளியாகி உள்ளது.
kizhakku vasal serial
பிக்பாஸ் நிகழ்ச்சியில் கலந்துகொண்டால் பெயரும் புகழும் ஈஸியாக கிடைத்துவிடும். ஆனால் அந்த பெயரையும் புகழையும் அந்த போட்டியாளர்கள் எந்த அளவுக்கு பயன்படுத்திக் கொள்கிறார்கள் என்பது தான் முக்கியம். பிக்பாஸ் மூலம் பாப்புலர் ஆன ஓவியா அதனை சரியாக பயன்படுத்திக் கொள்ளாததால் தற்போது ஆள் அட்ரஸே தெரியாமல் காணாமல் போய்விட்டார். அதேவேளையில் இந்நிகழ்ச்சி மூலம் அறிமுகமாகி மக்கள் மத்தியில் பிரபலமான ஹரிஷ் கல்யாண் தற்போது தமிழ் சினிமாவில் டாப் ஹீரோவாக வலம் வந்துகொண்டிருக்கிறார்.
Dinesh
ஹரிஷ் கல்யாண் போன்று பிக்பாஸ் வாய்ப்பை பயன்படுத்திக் கொள்ள வேண்டும் என்கிற கனவுடன் தான் பல போட்டியாளர்கள் பிக்பாஸ் வீட்டுக்குள் நுழைகின்றனர். அப்படி ஒரு போட்டியாளர் தான் தினேஷ். சின்னத்திரை சீரியல்கள் நடித்து பிரபலமான தினேஷ், அடுத்தகட்டத்திற்கு செல்ல வேண்டும் என்கிற முனைப்போடு பிக்பாஸ் நிகழ்ச்சியில் களமிறங்கி உள்ளார். இவர் வைல்டு கார்டு போட்டியாளராக உள்ளே வந்து கலக்கிக் கொண்டிருக்கிறார்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Srindhar replace dinesh
தினேஷ் பிக்பாஸ் நிகழ்ச்சிக்கு செல்வதற்காக தான் நடித்து வந்த கிழக்கு வாசல் சீரியலில் இருந்து பாதியிலேயே விலகிச் சென்றார். கிழக்கு வாசல் சீரியலில் தினேஷுக்கு பதிலாக யார் நடிக்கபோகிறார்கள் என்கிற எதிர்பார்ப்பு ரசிகர்கள் மத்தியில் இருந்து வந்தது. இந்த நிலையில் தினேஷுக்கு பதிலாக கிழக்கு வாசல் சீரியலில் நடிக்க உள்ள நடிகர் யார் என்பதை விஜய் டிவியே அறிவித்துவிட்டது. அதன்படி தினேஷ் நடித்து வந்த அர்ஜுன் கேரக்டரில் அவருக்கு சசிந்தர் நடிக்க உள்ளாராம்.
Vijay TV Kizhakku vasal serial
அர்ஜுன் கேரக்டர் வெளிநாடு செல்வதாக காட்டி இருந்தனர். அதன்பின்னர் தான் தினேஷ் பிக்பாஸ் நிகழ்ச்சிக்கு சென்றார். அதனால் அவர் பிக்பாஸில் இருந்து வந்ததும் அவரின் அர்ஜுன் கேரக்டர் மீண்டும் சீரியலில் நுழையும் என எதிர்பார்க்கப்பட்ட நிலையில், தற்போது அவருக்கு பதிலாக வேறொரு நடிகருடன் இந்த சீரியல் ஒளிபரப்பாகி வருவதால் ரசிகர்கள் ஷாக் ஆகிப்போய் உள்ளனர். கிழக்கு வாசல் சீரியலை நடிகை ராதிகா தான் தயாரித்து வருகிறார். இந்த தொடரில் நடிகர் விஜய்யின் தந்தை எஸ்.ஏ.சந்திரசேகரும் முக்கிய கதாபாத்திரத்தில் நடிக்கிறார் என்பது குறிப்பிடத்தக்கது.
இதையும் படியுங்கள்... கொட்டும் மழையிலும் குவியும் வசூல்... பாக்ஸ் ஆபிஸில் பிக் அப் ஆன அன்னபூரணி - 2 நாட்களில் இத்தனை கோடி கலெக்ஷனா?
சேனலை கிளிக் செய்து பின்தொடரவும்
