'புஷ்பா 2' படத்தில் சமந்தாவுக்கு பதில் ஐட்டம் டான்ஸ் ஆடும் 22 வயது இளம் நடிகை! சம்பளம் மட்டும் இத்தனை கோடியா?
இயக்குனர் சுகுமார் இயக்கத்தில், அல்லு அர்ஜுன் நடிப்பில் கடந்த 2022 ஆண்டு வெளியான திரைப்படம், 'புஷ்பா தி ரைஸ்', படத்தின் வெற்றியை தொடர்ந்து படத்தின் இரண்டாம் பாகம் பரபரப்பாக உருவாகி வருகிறது.
'புஷ்பா ' படம் வெளியான போது கலவையான விமர்சனங்களுக்கு ஆளான போதும், இப்படம் சுமார் 500 கோடி வசூல் சாதனை செய்தது. அது மட்டும் இன்றி, இப்படத்தில் நடித்திருந்த அல்லு அர்ஜுனுக்கு சிறந்த நடிகருக்கான தேசிய விருதும் கிடைத்தது. இதன் மூலம் தெலுங்கு திரையுலகில், சிறந்த நடிகருக்கான தேசிய விருதை பெரும் முதல் நடிகர் என்கிற அந்தஸ்தையும் பெற்றார் அல்லு அர்ஜுன்.
![article_image2](https://static-ai.asianetnews.com/images/01hkvr63vhvnev55jrejwmp48k/Allu-Arjun-Pushpa-2-New-Update-9-1704959610737_300x399xt.jpg)
இந்த படத்தில் அல்லு அர்ஜுனுக்கு ஜோடியாக ஸ்ரீ வள்ளி என்கிற கதாபாத்திரத்தில் ராஷ்மிக்கா மந்தனா கவர்ச்சிக்கு குறை வைக்காமல் நடித்திருந்தார். ராஷ்மிக்கா டான்ஸ் ஆடிய சாமி பாடல், முதல் ஸ்ரீ வள்ளி பாடல் வரை அனைத்துமே ரசிகர்கள் மனதை கவர்ந்திருந்தாலும், ஒரே ஐட்டம் டான்சில் ரசிகர்களை ஃபிளாட் ஆக்கினார் சமந்தா.
இந்த பாடலுக்கு எதிராக சில ஆண்கள் போர் கொடி தூக்கினாலும்... பல பெண்கள் இந்த பாடலுக்கு ஆதரவு தெரிவித்தனர். மேலும் சமந்தாவின் ரசிகர்கள், அல்லு அர்ஜுனுக்கு டஃப் கொடுக்கும் விதத்தில், சமந்தாவுக்கு கட்டவுட் வைத்து இந்த பாடலை வரவேற்றனர்.
பட்டி தொட்டி எங்கும் சமந்தா ஆடிய 'ஓ சொல்றியா மாமா' தெறிக்கவிட்டதால், இரண்டாம் பாகத்திலும் சமந்தாவை படக்குழு அணுகிய போது... மயோசிட்டிஸ் பிரச்சனை காரணமாக சமந்தா அந்த வாய்ப்பை மறுத்து விட்டதாக கூறப்பட்டது.
எனவே சமந்தாவுக்கு பதில் இரண்டாம் பாகத்தில் இடம்பெறும் ஐட்டம் பாடலுக்கு யார் டான்ஸ் ஆடுவார் என்கிற மிகப்பெரிய எதிர்பார்ப்பு இருந்தது. இதுகுறித்து, தற்போது வெளியாகியுள்ள தகவலில்.. 22 வயதான இளம் நடிகை தான் அந்த வாய்ப்பை தட்டி பறித்துள்ளாராம்.
Sreeleela
தற்போது தெலுங்கு திரையுலகில் சென்சேஷனல் நடிகையாக இருப்பவர் ஸ்ரீ லீலா, பல இளம் ஹீரோக்களுக்கும் , முன்னணி நடிகர்களுக்கும் ஜோடி போட்டு வரும் இவர், புஷ்பா தி ரூல் படத்தில் ஐட்டம் டான்ஸ் ஆடுவதற்கு, சம்பளமாக சுமார் ரூ.2 கோடி கொடுக்கப்பட உள்ளதாக கூறப்படுகிறது.