நிறைமாத நிலவே வா வா...! கோலாகலமாக நடந்து முடிந்த நடிகை காயத்ரி யுவராஜின் வளைகாப்பு - வைரலாகும் போட்டோஸ்

தொலைக்காட்சி சீரியல்களில் நடித்து பிரபலமானவர் காயத்ரி. இவர் டான்ஸ் மாஸ்டர் யுவராஜ் என்பவரை காதலித்து திருமணம் செய்துகொண்டார். இந்த ஜோடிக்கு ஒரு மகனும் உள்ளார். நடிகை காயத்ரி கடந்த 2009-ம் ஆண்டு முதல் சீரியல்களில் நடித்து வருகிறார். இவர் முதன்முதலில் நடித்த சீரியல் தென்றல்.

சன் டிவியில் ஒளிபரப்பான இந்த சீரியலில் நிலா என்கிற கேரக்டரில் நடித்தார் காயத்ரி. இதையடுத்து அழகி, பொன்னூஞ்சல், மோகினி போன்ற தொடர்களிலும் நடித்தார். இவர் புகழ்பெற்ற சரவணன் மீனாட்சி தொடரின் மூன்றாவது சீசனில் முத்தழகு என்கிற கதாபாத்திரத்தில் நடித்திருந்தார். அந்த கேரக்டருக்கு மக்கள் மத்தியில் நல்ல வரவேற்பு கிடைத்தது.

இதையும் படியுங்கள்... யாழ்ப்பாணத்தில் யாழ் கானம்... சந்தோஷ் நாராயணனின் லைவ் கச்சேரி கேட்க ரெடியா!

இதையடுத்து நாம் இருவர் நமக்கு இருவர் சீரியலில் பிக்பாஸ் பிரபலம் ராஜுவுக்கு ஜோடியாக நடித்திருந்தார் காயத்ரி. இதனிடையே கடந்த சில மாதங்களுக்கு முன்னர் தான் கர்ப்பமாக இருக்கும் தகவலை வெளியிட்டார் காயத்ரி. முதல் குழந்தை பிறந்து 12 ஆண்டுகளுக்கு பின் கர்ப்பமான நடிகை காயத்ரிக்கு வாழ்த்துக்களும் குவிந்தன.

கர்ப்பமான பின்னரும் மீனாட்சி பொண்ணுங்க என்கிற சீரியலில் நடித்து வந்தார் காயத்ரி. தற்போது டெலிவெரி டைம் நெருங்கி வருவதால், அந்த சீரியலில் இருந்து விலகிவிட்டார் காயத்ரி. இந்த நிலையில், நடிகை காயத்ரியின் வளைகாப்பு நிகழ்வு கோலாகலமாக நடந்து முடிந்துள்ளது. இதில் ஏராளமான பிரபலங்கள் கலந்துகொண்டனர்.

அவர் கடைசியாக மீனாட்சி பொண்ணுங்க சீரியல் குழுவினர் ஒன்றாக வந்து காயத்ரியின் வளைகாப்பில் கலந்துகொண்டனர். அதேபோல் நடிகைகள் பவித்ரா ஜனனி, ஸ்ரீதேவி அசோக்குமார், ஷியாமலா ஆகியோரும் இந்த வளைகாப்பு நிகழ்வில் கலந்துகொண்டனர். அப்போது எடுத்த புகைப்படங்கள் இணையத்தில் வைரலாகி வருகிறது.

இதையும் படியுங்கள்... லெஜண்ட் சரவணனுக்கு ஆளுநர் தமிழிசை என்ன உறவு தெரியுமா? இது தெரியாம போச்சே !!