வசூலில் அடித்து நொறுக்கும் 'குஷி'.. உலகம் முழுவதும் மூன்றே நாட்களில் இத்தனை கோடி கலக்ஷனா? அதிகார பூர்வ தகவல்!
நடிகர் விஜய் தேவரகொண்டா மற்றும் சமந்தா நடிப்பில் வெளியான 'குஷி' திரைப்படம் மூன்று நாட்களில் உலகம் முழுவதும் எவ்வளவு வசூல் செய்துள்ளது, என்பது குறித்த அதிகாரப்பூர்வ தகவலை படக்குழு வெளியிட்டுள்ளது.
நடிகர் விஜய் தேவரகொண்டா மற்றும் சமந்தா இருவரும் முதல்முறையாக இணைந்து நடித்திருந்த, குஷி திரைப்படத்தை இயக்குனர் சிவா நிர்வாண இயக்கி இருந்தார். மைத்ரேயி மூவி மேக்கர்ஸ் நிறுவனம் பிரம்மாண்டமாக இப்படத்தை தயாரித்திருந்தது.
வழக்கமான காதல் கதையை அடிப்படையாக வைத்து இப்படம் எடுக்கப்பட்டிருந்த நிலையில், இந்த படத்தின் கதையை விறுவிறுப்புடன் கொண்டு சென்ற விதம், ரசிகர்களை கவர்ந்துள்ளதாக கூறப்படுகிறது. மேலும் ஒரு தரப்பினர் இந்த படத்திற்கு பாசிட்டிவ் விமர்சனங்களை தெரிவித்து வந்தாலும், மற்றொரு தரப்பினர் வழக்கம்போல் இப்படத்தில் உள்ள சில குறைகளை சுட்டிக்காட்டி தங்களுடைய நெகட்டிவ் விமர்சனங்களையும் பதிவு செய்து வருகிறார்கள்.
கிட்ட தட்ட அலைபாயுதே படம் போல் இருப்பதாக ரசிகர்கள் கூறி வரும் நிலையில், முதல் நாளில் இருந்தே, ரசிகர்கள் மத்தியில் இப்படத்திற்கு நல்ல வரவேற்பு கிடைத்து வருகிறது. ரசிகர்கள் மத்தியில் கிடைத்து வரும் வரவேற்பையும், விமர்சனங்களையும் கண்டு, முதல் நாளே இப்படத்தின் வெற்றியை கேக் வெட்டியும் பட்டாசு வெடித்தும் படகு குழுவினர் உற்சாகத்துடன் கொண்டாடினர்.
குஷி திரைப்படம் வெளியாகி மூன்று நாட்கள் ஆகும் நிலையில், இப்படத்தின் வசூல் விவரம் குறித்த அதிகாரப்பூர்வ தகவலை படக்குழு அறிவித்துள்ளது. அதன்படி குஷி திரைப்படம், மூன்று நாட்களில் 70.23 கோடி வசூலித்துள்ளதாக அறிவிக்கப்பட்டுள்ளது. இந்த தகவல் சமந்தா மற்றும் விஜய் தேவரகொண்டா ரசிகர்கள் மத்தியில் வைரலாக பார்க்கப்பட்டு வருகிறது.
சேனலை கிளிக் செய்து பின்தொடரவும்
