Robo Shankar : ஊரே மெச்சும் அளவுக்கு மகள் திருமணத்தை ஜாம் ஜாம்னு நடத்தியது ஏன்? ரோபோ சங்கர் சொன்ன சீக்ரெட்

விஜய் டிவியில் கலக்கப்போவது யார், அது இது எது போன்ற காமெடி நிகழ்ச்சிகளில் கலந்துகொண்டதன் மூலம் மக்கள் மத்தியில் பேமஸ் ஆனவர் தான் ரோபோ சங்கர். சின்னத்திரையில் கிடைத்த பாப்புலாரிட்டியை பயன்படுத்தி வெள்ளித்திரைக்குள் நுழைந்த ரோபோ சங்கர், தனுஷின் மாரி, விஷணு விஷாலுடன் வேலைன்னு வந்துட்டா வெள்ளைக்காரன், அஜித்தின் விஸ்வாசம் போன்ற சூப்பர் ஹிட் படங்களில் நடித்து ரசிகர்களை மகிழ்வித்தார்.

ரோபோ சங்கரை போல் அவரது மகள் இந்திரஜாவும் சினிமாவில் நகைச்சுவை நடிகையாக அறிமுகமானார். அந்த வகையில் அவர் முதன்முதலில் நடித்த திரைப்படம் பிகில். அட்லீ இயக்கிய இப்படத்தில் பாண்டியம்மா என்கிற சிங்கப்பெண் கதாபாத்திரத்தில் நடித்து அசத்தினார் இந்திரஜா. இதையடுத்து முத்தையா இயக்கத்தில் வெளிவந்த விருமன் திரைப்படத்தில் நடிகர் சூரிக்கு ஜோடியாக நடித்தார் இந்திரஜா. இந்த இரண்டு படங்களுமே ஹிட் ஆனது.

இதையும் படியுங்கள்... வெறும் 250 ரூபா சம்பளம்... நாடகத்தில் இருந்து சினிமாவுக்கு தாவியது எப்படி? சிவாஜியின் பிளாஷ்பேக் பேட்டி

இதையடுத்து சினிமாவில் ஒரு ரவுண்டு வருவார் என எதிர்பார்க்கப்பட்ட நிலையில், திடீரென திருமணம் செய்துகொண்டார் இந்திரஜா. அவரின் திருமணம் கடந்த மார்ச் மாதம் 24-ந் தேதி மதுரையில் நடைபெற்றது. இதைத்தொடர்ந்து சென்னையில் செம்ம கிராண்ட் ஆக நடைபெற்ற இந்திரஜாவின் திருமண வரவேற்பு நிகழ்ச்சியில் ஒட்டுமொத்த கோலிவுட் பிரபலங்களும் படையெடுத்து வந்து கலந்துகொண்டனர். மகளின் திருமணத்திற்காக ரோபோ சங்கர் பல கோடி செலவு செய்திருந்தார்.

இந்நிலையில், மகளின் திருமணத்தை ஊரே மெச்சும் அளவுக்கு நடத்தியதற்கான காரணத்தை ரோபோ சங்கர் பேட்டி ஒன்றில் கூறி இருக்கிறார். அதன்படி அவர் கூறியதாவது : “என்னுடைய திருமணம் மிகவும் எளிமையாக நடந்தது. எனது திருமணத்தில் மனைவி வீட்டில் இருந்து சிலர் கலந்துகொண்டார்கள். என் வீட்டில் இருந்து நான் மட்டுமே கலந்துகொண்டேன். அந்த அளவு எளிமையாக நடந்ததால், மகளின் திருமணத்தை படு கிராண்டாக நடத்த ஆசைப்பட்டேன். அதன்படியே நடத்திவிட்டேன்” என ரோபோ சங்கர் தெரிவித்துள்ளார்.

இதையும் படியுங்கள்... ஏற்காட்டில் பேமிலியோடு ஜாலியாக டிரக்கிங் சென்ற கோலிவுட்டின் மஞ்சும்மல் பாய்ஸ்... வைரலாகும் போட்டோஸ்