நீக்கப்பட்ட அந்த 9 நிமிட காட்சி உடன் ஓடிடியில் வெளியாகிறது அனிமல் திரைப்படம் - எப்போ ரிலீஸ் தெரியுமா?

பாலிவுட்டில் கடந்த டிசம்பர் மாதம் திரைக்கு வந்த திரைப்படம் அனிமல். இப்படத்தில் ரன்பீர் கபூர் நாயகனாக நடித்திருந்தார். அவருக்கு ஜோடியாக நடிகை ராஷ்மிகா மந்தனா நடித்த இப்படத்தை சந்தீப் ரெட்டி வங்கா இயக்கி இருந்தார். இவர் அர்ஜுன் ரெட்டி படத்தை இயக்கியவர் ஆவார். இப்படம் பல்வேறு விமர்சனங்களையும் சர்ச்சைகளையும் சந்தித்தாலும், வசூல் ரீதியாக மிகப்பெரிய வெற்றிப்படமாகவே அமைந்தது.

அதன்படி வெறும் ரூ.100 கோடி பட்ஜெட்டில் எடுக்கப்பட்ட அனிமல் திரைப்படம் பாக்ஸ் ஆபிஸில் ரூ.900 கோடிக்கு மேல் வசூலை வாரிக்குவித்து, கடந்த ஆண்டு அதிகம் வசூலித்த டாப் 5 படங்களின் பட்டியலில் இணைந்தது. அனிமல் திரைப்படம் தியேட்டரில் ரிலீஸ் ஆகி கிட்டத்தட்ட இரண்டு மாதங்கள் ஆக உள்ள நிலையில், இன்னும் இப்படத்தை ஓடிடி ரிலீஸ் செய்யாமல் வைத்திருந்தனர்.

இதையும் படியுங்கள்... கெத்து காட்டிய அட்லீ.. மெர்சல் செய்த அனிமல்! ஃபுல் லிஸ்ட் இதோ!

இதற்கு காரணம் வழக்கு தான். டி சீரிஸ் நிறுவனத்திற்கும் சினி ஒன் ஸ்டூடியோஸ் நிறுவனத்திற்கும் இடையேயான நிதி பிரச்சனை காரணமாக இருவரும் நீதிமன்றத்திற்கு சென்றதால் அப்பிரச்சனை முடியும் வரை அனிமல் திரைப்படத்தை ஓடிடியில் ரிலீஸ் செய்ய தடை விதிக்கப்பட்டு இருந்தது. சமீபத்தில் இந்த பிரச்சனையில் சுமூக தீர்வு எட்டப்பட்டதால் தற்போது அனிமல் திரைப்படம் ஓடிடி ரிலீசுக்கு தயாராகி வருகிறது.

அதன்படி வருகிற ஜனவரி 26-ந் தேதி குடியரசு தினத்தன்று நெட்பிளிக்ஸ் ஓடிடி தளத்தில் அனிமல் திரைப்படம் தமிழ், தெலுங்கு, இந்தி, மலையாளம், கன்னடம் ஆகிய ஐந்து மொழிகளில் வெளியாக உள்ளதாம். இதில் கூடுதல் சிறப்பு என்னவென்றால் தியேட்டர் வெர்ஷனில் இருந்து கத்திரி போட்டு தூக்கப்பட்ட 9 நிமிட காட்சிகளுடன் இந்த படத்தை ஓடிடியில் வெளியிட உள்ளார்களாம். 

இதையும் படியுங்கள்... அயோத்தியில் இருந்து அப்டேட் உடன் வந்த மொய்தீன் பாய்... லால் சலாம் படத்தின் ஆடியோ லாஞ்ச் தேதி அறிவிப்பு