Rakul Preet Singh Wedding: காதலரை கரம் பிடிக்கும் ரகுல் ப்ரீத் சிங்! திருமணம் எப்போது? வைரலாகும் பத்திரிக்கை!
நடிகை ரகுல் ப்ரீத் சிங், காதலர் ஜாக்கி பக்னானியை திருமணம் செய்து கொள்ள உள்ள நிலையில், இவரின் திருமண பத்திரிக்கை தற்போது சமூக வலைத்தளத்தில் வைரலாகி வருகிறது.
தன்னுடைய 19 வயதில், நடிகையாக அறிமுகமான ரகுல் ப்ரீத் சிங் ஆரம்பத்தில் திரையுலகில் நிலையான இடத்தை பிடிக்க கடுமையாக போராடினாலும், இவருக்கு தெலுங்கு திரையுலகம் வாய்ப்புகளையும், வெற்றி படங்களையும் அல்லி கொடுத்தது. அடுத்தடுத்து பல முன்னணி தெலுங்கு ஹீரோக்களுக்கு ஜோடி போட்ட ரகுல் ப்ரீத் சிங், ராசி இல்லாத நடிகை என ஒதுக்கிய தமிழ் சினிமாவை மீதும் தன் பக்கம் திருப்பினார்.
தமிழில், 'தடையறத் தாக்க', 'என்னமோ ஏதோ' போன்ற தோல்வி படங்களில் நடித்த இவர், பின்னர் இயக்குனர் எச்.வினோத் இயக்கத்தில் கார்த்தி நடிப்பில் உருவான 'தீரன் அதிகாரம் ஒன்று' படத்தில் ரீ-என்ட்ரி கொடுத்தார். இந்த படம் சூப்பர் டூப்பர் ஹிட் அடித்தது. இந்த படத்தை தொடர்ந்து மீண்டும் கார்த்திக்கு ஜோடியாக தேவ், சூர்யாவுக்கு ஜோடியாக NGK போன்ற படங்களில் நடித்தார்.
Simran Dance Video: கிழிந்த பேன்டில் தக தகவென தாண்டவம் ஆடிய சிம்ரன்! வைரலாகும் வீடியோ..!
சமீபத்தில் ரகுல் ப்ரீத் சிங் சிவகார்த்திகேயனுக்கு ஜோடியாக நடித்த, 'அயலான்' திரைப்படம் வெளியானது. இதை தொடர்ந்து பிரமாண்ட இயக்குனர் ஷங்கர் இயக்கத்தில் உருவாகியுள்ள 'இந்தியன் 2' படத்திலும் முக்கிய கதாபாத்திரத்தில் நடித்துள்ளார்.
கடந்த 3 வருடங்களாக, தென்னிந்திய திரையுலகை தாண்டி... பாலிவுட் திரையுலகிலும் அதிக கவனம் செலுத்தி வந்தார் ரகுல் ப்ரீத் சிங். மேலும் கடந்த இரண்டு ஆண்டுகளுக்கு மேலாக, பிரபல தயாரிப்பாளரும், நடிகருமான ஜாக்கி பக்னானியை ரகுல் காதலித்து வருவதோடு.... அவ்வப்போது இருவரும் டேட்டிங் செய்து வருவதையும் வழக்கமாக வைத்துள்ளனர்.
இந்த ஆண்டு இவர்களின் திருமணத்தை நடத்த... இருவரின் பெற்றோர் முடிவு செய்த நிலையில்... தற்போது இந்த தகவலை உறுதி செய்யும் விதமாக, ரகுல் ப்ரீத் சிங்கின் திருமண பத்திரிக்கை தற்போது சமூக வலைத்தளத்தில் வைரலாகி வருகிறது. இதில் ரகுல் ப்ரீத் சிங் மற்றும் ஜாக்கி பக்னானி திருமணம் பிப்ரவரி 21-ஆம் தேதி நடைபெற உள்ளதாக தெரிவிக்கப்பட்டுள்ளது. சமூக வலைத்தளத்தில் வெட்டிக் கார்டு வைரலாகி வரும் நிலையில், ரசிகர்கள் பலர் தங்களின் வாழ்த்துக்களை தெரிவித்து வருகிறார்கள் என்பது குறிப்பிடத்தக்கது.