அட எந்திரிங்கப்பா! காலில் விழுந்த புதுமண ஜோடி... பதறிப்போய் கண்கலங்கிய ராஷ்மிகா மந்தனா

கன்னட நடிகையான ராஷ்மிகா, தற்போது தமிழ், தெலுங்கு, இந்தி என பல்வேறு மொழிகளில் பிசியாக நடித்து வருகிறார். ரசிகர்களால் நேஷனல் கிரஸ் என அழைக்கப்படும் ராஷ்மிகா தற்போது அனிமல் என்கிற இந்தி படத்தில் நடித்து முடித்துள்ளார். இப்படம் வருகிற நவம்பர் மாதம் திரைக்கு வர உள்ளது. அனிமல் படத்தை அர்ஜுன் ரெட்டி படத்தின் இயக்குனர் சந்தீப் வங்கா இயக்கி உள்ளார். இப்படத்தில் ரன்பீர் கபூருக்கு ஜோடியாக நடித்துள்ளார் ராஷ்மிகா.

இதையடுத்து புஷ்பா படத்தின் இரண்டாம் பாகத்தில் நடித்து வருகிறார் ராஷ்மிகா. சுகுமார் இயக்கும் இப்படத்தில் அல்லு அர்ஜுன் ஜோடியாக ஸ்ரீவள்ளி என்கிற கதாபாத்திரத்தில் நடிக்கிறார் ராஷ்மிகா. புஷ்பா 2 படத்தின் படப்பிடிப்பு விறுவிறுப்பாக நடைபெற்று வருகிறது. இதுதவிர தனுஷின் டி51 படத்திலும் ஹீரோயினாக நடிக்க கமிட் ஆகி உள்ளார் ராஷ்மிகா. இப்படத்தை சேகர் கம்முலா இயக்க உள்ளார். அதேபோல் தமிழிலும் ரெயின்போ என்கிற படத்தை கைவசம் வைத்துள்ளார்.

இதையும் படியுங்கள்... 18 வருஷத்துக்கு முன்னாடி பார்த்த அதே அழகு.. மெழுகு சிலை தோத்துரும் - வைரலாகும் ஸ்ரீதேவி விஜயகுமாரின் கிளிக்ஸ்!

இப்படி நிற்க கூட நேரம் இல்லாமல் கோலிவுட், பாலிவுட், டோலிவுட் என பறந்து பறந்து நடித்து வரும் ராஷ்மிகா, அண்மையில் தன்னுடைய உதவியாளரின் திருமணத்தில் கலந்துகொண்டார். அப்போது எடுத்த புகைப்படங்கள் இணையத்தில் வெளியாகி படு வைரல் ஆகி வருகின்றன. திருமணத்திற்கு வாழ்த்து தெரிவிக்க வந்த ராஷ்மிகாவை பார்த்ததும் மணமக்கள் இருவரும் சட்டென காலில் விழுந்தனர்.

இதை சற்றும் எதிர்பார்க்காத ராஷ்மிகா, பதறிப்போனார். உதவியாளர் சாயின் அன்பால் நெகிழந்துபோன ராஷ்மிகா ஒரு கட்டத்தில் கண்கலங்கினார். பின்னர் இருவரையும் மலர்களை தூவி வாழ்த்திய ராஷ்மிகா, அவர்களுடன் புகைப்படம் எடுத்துக்கொண்டார். ஆரஞ்ச் நிற சேலையில் வந்த நடிகை ராஷ்மிகாவின் புகைப்படங்கள் தற்போது சமூக வலைதளங்களில் காட்டுத்தீ போல் பரவி வருகின்றன.

இதையும் படியுங்கள்... காசுக்காக எப்படி வாய்கூசாம பொய் சொல்றாங்க பாருங்க... பிக்பாஸ் போனதால் அம்பலமான கிரணின் ஃபிராடு வேலை!