Salaar Day 3 Box Office: திரையரங்கில் வசூல் மழை..! மூன்றே நாளில் 400 கோடியை நெருங்கும் பிரபாஸின் 'சலார்'!
இயக்குனர் பிரசாத் நீல் இயக்கத்தில், பிரபாஸ் மற்றும் பிரித்விராஜ் சுகுமாரன் நடிப்பில் அண்மையில் வெளியான 'சலார் பார்ட் 1' திரைப்படத்தின் மூன்றாவது நாள் வசூல் குறித்த தகவல் தற்போது வெளியாகி உள்ளது.
தொடர்ந்து தோல்வி படங்களை கொடுத்து வந்த நடிகர் பிரபாஸ், முதல் முறையாக இயக்குனர் பிரசாந்த் நீல் இயக்கத்தில் நடித்திருந்த திரைப்படம் 'சலார்'. ஹோம்பலே ஃபிலிம்ஸ் தயாரிப்பில், மிகப்பிரமாண்ட பொருட்செலவில் உருவான இந்த படத்தில்... மலையாள நடிகர் பிரித்திவிராஜ் ஹீரோவுக்கு நிகரான முக்கிய கதாபாத்திரத்தில் நடித்துள்ளார்.
டிசம்பர் 22 ஆம் தேதி, உலகம் முழுவதும் தமிழ், தெலுங்கு, ஹிந்தி, மலையாளம், கன்னடம், ஆகிய மொழிகளில் பான் இந்தியா படமாக இப்படம் வெளியான நிலையில், மூன்றே நாட்களில் இப்படம் சுமார் 300 கோடிக்கு மேல் வசூலித்து... உலக அளவில் 400 கோடியை நெருங்கி வருவதாக திரைப்பட வர்த்தக நிபுணர்கள் கூறி உள்ளனர்.
மேலும் தொடர்ந்து இப்படத்திற்கு பாசிட்டிவ் விமர்சனங்கள் கிடைத்து வருவதால், இன்று கிறிஸ்துமஸ் விடுமுறை என்பதாலும் கண்டிப்பாக இப்படம் 5 நாட்களுக்குள் 500 கோடியை எட்டும் என திரையரங்க உரிமையாளர்கள் நம்பிக்கை தெரிவித்துள்ளனர்.
கே ஜி எஃப் பட இயக்குனர் பிரஷாந்த் நீல் இந்த படத்தை விறுவிறுப்பான கதைக்களம் கொண்ட ஆக்ஷன் பவர் பேக் திரைப்படமாக இயக்கி உள்ளார். மேலும் பிரபாஸ் மற்றும் பிரித்விராஜின் நடிப்பு ரசிகர்கள் மனதை கொள்ளையடித்துள்ளது. இந்த படத்தில் பிரபாஸுக்கு ஜோடியாக நடிகை ஸ்ருதிஹாசன் நடித்துள்ளார். மேலும் முக்கிய கதாபாத்திரத்தில் ஜெகபதிபாபு, மைம் கோபி, ஸ்ரேயா ரெட்டி, பாபி சிம்ஹா, ஜான் விஜய் உள்ளிட்ட பல நடித்துள்ளனர். இந்த படத்தின் இரண்டாம் பாகத்தின் படப்பிடிப்பு மற்றும் ரிலீஸ் தேதி குறித்த தகவல்கள் விரைவில் வெளியாகும் என தெரிவிக்கப்பட்டுள்ளது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
சேனலை கிளிக் செய்து பின்தொடரவும்
