ஆபத்தாய் மாறிய அழகு! பிரபல பாடகியின் உயிரை பறித்த காஸ்மெட்டிக் அறுவை சிகிச்சை! அதிர்ச்சியில் ரசிகர்கள்!
உடல் எடையை குறைக்க காஸ்மெட்டிக் அறுவை சிகிச்சை செய்து கொண்டு, தன்னுடைய அழகை மெருகேற்ற முயன்ற பிரபல பாடகி பரிதாபமாக உயிரிழந்துள்ள சம்பவம் அதிர்ச்சியை ஏற்படுத்தியுள்ளது.
சமீப காலமாக, பிரபலங்கள் முதல் அழகை விரும்பும் பெண்கள் பலர் காஸ்மெட்டிக் அறுவை சிகிச்சை மூலம், தங்களின் அழகை மெருகேற்றி கொள்ளவும், உடல் எடையை குறைக்கவும் ஆர்வம் காட்டுகிறார்கள். இது போன்ற அறுவை சிகிச்சைகள் மருத்துவ நோக்கத்திற்காக முதலில் பயன்படுத்தப்பட்ட நிலையில், தற்போது இதன் பின் விளைவுகள் பற்றி கவலைப்படாமல் பலர் பயன்படுத்த துவங்கி விட்டனர்.
இந்த காஸ்மெட்டிக் அறுவை சிகிச்சையின் ஒரு பிரிவான liposuction surgery உடலில் உள்ள கொழுப்பை உரியும் சிகிச்சையை மேற்கொண்ட பிரபல பாடகி உயிரிழந்துள்ளார். பிரேசிலை சேர்ந்த பிரபல பாடகி, liposuction surgery அறுவை செய்த இவர் தன்னுடைய, 42 வயதில் உயிரிழந்துள்ளார்.
பாப் பாடகியான இவரை ரசிகர்கள் டேனி லீ என்று அழைப்பது வழக்கம். இவரின் முழு பெயர் (டேனியல் பொன்சேகா மச்சாடோ). தன்னுடைய உடல் கட்டை அழகாக வைத்து கொள்ள, இவர் வயிறு மற்றும் பிட்டத்தில் உள்ள கொழுப்பை நீக்கி, மார்பகங்களை சிறியதாக மாற்ற டேனி லீ சிகிச்சை மேற்கொண்டார்.
இவர் கொழுப்பை அகற்றும் 'லிபோசக்ஷன்' அறுவை சிகிச்சை மேற்கொண்ட போது, உடல்நிலை பாதிக்கப்பட்டதாக கூறப்படுகிறது. பின்னர் அவசர சிகிச்சை பிரிவில் அனுமதிக்கப்பட்டு இவருக்கு சிகிச்சை அளித்தபோதும், சிகிச்சை பலன் இன்றி உயிரிழந்தார். டேனி லீ தன்னுடைய கணவர் மற்றும் ஏழு வயது மகளுடன் வாழ்த்து வந்தது குறிப்பிடத்தக்கது.
அமேசான் காடுகளின் ஒரு பகுதியான அஃபுவாவில் பிறந்த டேனி லீ ஐந்து வயதிலிருந்தே இசை பயிற்சி செய்து வருகிறார். அனைத்து திறமை நிகழ்ச்சிகளுக்கும் பிரபலமான டேனி லீ, 'ஐ அம் ஃப்ரம் தி அமேசான்...' பாடல் மூலம் மிகவும் பிரபலமானவர். இவரின் மரணம் தற்போது பல ரசிகர்களை அதிர்ச்சியடைய செய்துள்ளது.
சேனலை கிளிக் செய்து பின்தொடரவும்
