தன் ராசாத்தியுடன் ராத்திரியில் ரொமாண்டிக் வாக் சென்ற விக்கி - வைரலாகும் நயன்தாராவின் வெகேஷன் கிளிக்ஸ்

கோலிவுட்டின் லேடி சூப்பர்ஸ்டாராக வலம் வருபவர் நயன்தாரா. தற்போது 40 வயதை நெருங்கி வரும் நயன்தாரா, கடந்த 20 ஆண்டுகளுக்கு மேலாக தமிழ் சினிமாவில் டாப் ஹீரோயினாக கோலோச்சி வருகிறார். இதுவரை தமிழ், தெலுங்கு, மலையாளம் ஆகிய மொழிகளில் மட்டும் நடித்து வந்த நயன்தாரா, கடந்த ஆண்டு பாலிவுட்டிலும் காலடி எடுத்து வைத்தார். இந்தியில் அவர் முதன்முதலில் ஹீரோயினாக நடித்த ஜவான் திரைப்படம் பிளாக்பஸ்டர் ஹிட் ஆனது.

அட்லீ இயக்கிய அப்படத்தில் ஷாருக்கானுக்கு ஜோடியாக நடித்திருந்தார் நயன்தாரா. அப்படம் பாக்ஸ் ஆபிஸில் ரூ.1000 கோடிக்கு மேல் வசூலையும் வாரிக்குவித்தது. ஜவான் படத்தின் வெற்றியை தொடர்ந்து நடிகை நயன்தாராவின் சம்பளமும் தற்போது ஜெட் வேகத்தில் உயர்ந்துவிட்டது. தற்போது ஒரு படத்துக்கு ரூ.12 கோடி வரை சம்பளம் வாங்கி வருகிறார் நயன். கோலிவுட்டில் அதிக சம்பளம் வாங்கும் நடிகைகள் பட்டியலிலும் அவர் தான் முதலிடத்தில் உள்ளார்.

இதையும் படியுங்கள்... கிருத்திகா உதயநிதி இயக்கத்தில் ஜெயம் ரவி நடிக்கும் 'காதலிக்க நேரமில்லை' படப்பிடிப்பு நிறைவு! போட்டோஸ்!

நயன்தாராவுக்கு சினிமாவை போல், காதல் வாழ்க்கையும் சக்சஸ்புல்லாக அமைந்துள்ளது. அவர் தன்னுடைய காதலனான விக்னேஷ் சிவனை கடந்த 2022-ம் ஆண்டு திருமணம் செய்துகொண்டார். இந்த ஜோடிக்கு இரட்டை ஆண் குழந்தைகளும் உள்ளன. காதலிக்கும் போது விக்னேஷ் சிவன் உடன் வெளிநாட்டுக்கு சுற்றுலா செல்வதை வழக்கமாக வைத்திருந்த நயன்தாரா, திருமணத்துக்கு பின்னரும் அதனை தவறாமல் பின்பற்றி வருகிறார்.

அந்த வகையில் தற்போது நயன் - விக்கி ஜோடி சீனாவுக்கு சுற்றுலா சென்றுள்ளது. அங்குள்ள ஹாங் காங் நகரில் இருவரும் ஜாலியாக விடுமுறையை கொண்டாடி வருகின்றனர். அடுத்தமாதம் விக்கி நயன் ஜோடியின் இரண்டாவது திருமண நாள் வருவதால் அதனை கொண்டாடவே அவர்கள் சீனாவுக்கு சுற்றுலா சென்றிருக்கிறார்கள். அங்கு இரவில் மழைப்பொழிவுக்கு நடுவே ஆளே இல்லாத சாலையில் இருவரும் ஜோடியாக ரொமாண்டிக் வாக் சென்றபோது எடுத்த புகைப்படங்கள் வைரலாகி வருகிறது.

இதையும் படியுங்கள்... Raayan Postponed : மீண்டும்... மீண்டுமா? தனுஷின் 50வது படம் ‘ராயன்’ ரிலீஸ் தேதி மறுபடியும் மாற்றம்..?