இசையமைப்பாளர் மட்டுமல்ல தியேட்டர் பிசினஸிலும் கொடிகட்டி பறக்கும் ஹாரிஸ் ஜெயராஜின் Net Worth இத்தனை கோடியா?
இசையமைப்பாளர் ஹாரிஸ் ஜெயராஜ் இன்று தனது 49-வது பிறந்தநாளை கொண்டாடி வரும் நிலையில், அவரின் சொத்து மதிப்பு பற்றி இந்த தொகுப்பில் பார்க்கலாம்.
Harris Jayaraj
சென்னையில் பிறந்து வளர்ந்தவரான ஹாரிஸ் ஜெயராஜ், தன் தந்தையும் கிட்டார் இசைக்கலைஞர் என்பதால் சிறுவயதில் இருந்தே கிட்டார் வாசிப்பதில் ஆர்வம் காட்டி வந்துள்ளார். இதையடுத்து புரோகிராமராக தமிழ், தெலுங்கு, இந்தி, கன்னடம், மலையாளம், பெங்காளி, ஒரியா என பல்வேறு மொழிகளை சேர்ந்த 25 இசையமைப்பாளர்களிடம் பணியாற்றி இருக்கிறார். இவர் இசையமைப்பாளராக அறிமுகமாகும் முன் புரோகிராமராக 600 படங்களுக்கு மேல் பணியாற்றி உள்ளார். இதில் யுவன் சங்கர் ராஜா, ஏ.ஆர்.ரகுமான் ஆகியோரின் படங்களிலும் ஹாரிஸ் பணியாற்றினார்.
Music Director Harris Jayaraj
இதையடுத்து கடந்த 2001-ம் ஆண்டு கவுதம் மேனன் இயக்கத்தில் மாதவன், ரீமா சென் நடிப்பில் வெளியாகிய மின்னலே படம் மூலம் இசையமைப்பாளராக அறிமுகமானார். முதல் படத்திலேயே தான் கற்றுக்கொண்ட மொத்த வித்தையையும் இறக்கினார் ஹாரிஸ். அப்படத்தின் பாடல்கள் அனைத்தும் காலம்கடந்து இன்றளவும் கொண்டாடப்படும் அளவுக்கு மிகப்பெரிய ஹிட் அடித்தன. அதுமட்டுமின்றி அப்படத்திற்காக சிறந்த இசையமைப்பாளருக்கான பிலிம்பேர் விருதையும் வென்றார் ஹாரிஸ் ஜெயராஜ்.
Harris Jayaraj Birthday
பின்னர் மஜ்னு, 12பி, சாமுராய், சாமி, கோவில், காக்க காக்க, செல்லமே, அந்நியன், கஜினி, வேட்டையாடு விளையாடு, தாம் தூம், வாரணம் ஆயிரம் என 10 ஆண்டுகளில் இவர் இசையமைத்த அனைத்து படங்களிலும் பாடல்கள் வேறலெவல் ஹிட் அடித்ததோடு, ஏ.ஆர்.ரகுமானுக்கு போட்டியாக ஹாரிஸ் ஜெயராஜை உயர்த்தியது. பின்னர் 2010 -ம் ஆண்டுக்கு பின் கோ, ஓகே ஓகே, துப்பாக்கி, என்னை அறிந்தால் என ஒரு ஐந்து ஆண்டுகள் ஆதிக்கம் செலுத்திய ஹாரிஸின் வேகம், 2015ம் ஆண்டுக்கு பின் குறைந்தது.
Harris Jayaraj salary
அதன்பின்னர் வருடத்துக்கு ஒரு படம், அல்லது இரண்டு படம் என பணியாற்றி வருகிறார். கடைசியாக ஹாரிஸ் ஜெயராஜ் இசையில் தி லெஜண்ட் திரைப்படம் வெளிவந்தது. தற்போது அவர் கைவசம் ஜெயம் ரவி நாயகனாக நடிக்கும் பிரதர் மற்றும் சீயான் விக்ரம் - கவுதம் மேனன் கூட்டணியில் உருவாகி உள்ள துருவ நட்சத்திரம் ஆகிய திரைப்படங்கள் மட்டுமே உள்ளன. இதில் துருவ நட்சத்திரம் திரைப்படம் நீண்ட நாட்களாகவே ரிலீஸ் ஆகாமல் கிடப்பில் உள்ளது.
இதையும் படியுங்கள்... ஜெயிலுக்குள் கம்பி எண்ணும் சௌந்தரபாண்டி.. செம்ம மாஸ் என்ட்ரி கொடுத்த பாண்டியம்மா - அண்ணா சீரியல் அப்டேட்
Harris Jayaraj age
இந்த நிலையில், இசையமைப்பாளர் ஹாரிஸ் ஜெயராஜ் இன்று தனது 49-வது பிறந்தநாளை கொண்டாடி வருகிறார். அவருக்கு சமூக வலைதளங்களில் வாழ்த்துக்களும் குவிந்த வண்ணம் உள்ளன. இந்த நிலையில், அவரின் சொத்து மதிப்பு பற்றி தற்போது பார்க்கலாம். அதன்படி இசையமைப்பாளர் ஹாரிஸ் ஜெயராஜ் ஒரு படத்துக்கு இசையமைக்க ரூ.3 கோடி வரை சம்பளம் வாங்கி வருகிறாராம்.
Harris Jayaraj business
அதுமட்டுமின்றி இவர் தியேட்டர் பிசினஸிலும் கல்லாகட்டி வருகிறார். இவருக்கு சொந்தமாக தஞ்சாவூரில் ஒரு மல்டிபிளக்ஸ் தியேட்டர் உள்ளது. இந்த தியேட்டரை கடந்த 2018-ம் ஆண்டு விலைக்கு வாங்கினார் ஹாரிஸ். ஆரம்பத்தில் இந்த தியேட்டரை சிவாஜி கணேசன் தான் நடத்தி வந்துள்ளார். சாந்தி தியேட்டராக இருந்த இதை பின்னர் ஜிவி என்கிற நிறுவனம் வாங்கி மல்டிபிளக்ஸ் ஆக கட்டியது. 5 ஸ்கிரீன்களை கொண்ட அந்த தியேட்டரை ஹாரிஸ் ஜெயராஜ் வாங்கி தற்போது நடத்தி வருகிறார்.
Harris Jayaraj Net Worth
தஞ்சாவூர் மட்டுமின்றி சென்னையிலும் இவருக்கு சொந்தமாக தியேட்டர் உள்ளதாக கூறப்படுகிறது. இப்படி தியேட்டர் பிசினஸிலும் கொடிகட்டிப்பறந்து வரும் ஹாரிஸ் ஜெயராஜுக்கு சென்னையில் ஒரு சொகுசு பங்களாவும் உள்ளது. நீச்சல் குளத்துடன் கூடிய அந்த பங்களாவின் மதிப்பு ரூ.30 கோடி இருக்கும் என கூறப்படுகிறது. அதுமட்டுமின்றி தன் வீட்டிலேயே இசைக்கூடத்தையும் வைத்திருக்கிறார் ஹாரிஸ் ஜெயராஜ்.
இப்படி இசையமைப்பாளாராக மட்டுமின்றி தியேட்டர் ஓனராகவும் கோடி கோடியாய் சம்பாதித்து வரும் ஹாரிஸ் ஜெயராஜின் சொத்து மதிப்பு மட்டும் ரூ.150 கோடிக்கு மேல் இருக்கும் என கூறப்படுகிறது. இவரிடம் பிஎம்டபிள்யூ போன்ற சொகுசு கார்கள் இருந்தாலும், ஹாரிஸ் ஜெயராஜுக்கு மிகவும் பேவரைட்டானது அவரிடம் உள்ள ஹம்மர் கார் தானாம்.
இதையும் படியுங்கள்... ஒரே படத்தால் ஓஹோனு மாறிய வாழ்க்கை... கேஜிஎப் நாயகன் யாஷின் வியக்கவைக்கும் சொத்து மதிப்பு இதோ