விஷால் - எஸ்.ஜே.சூர்யா சிலுக்கோடு வந்து மாஸ் காட்டிய 'மார்க் ஆண்டனி' படத்தின் ஓடிடி ரிலீஸ் தேதி அறிவிப்பு!

இளம் ரசிகர்களை கவரும் விதத்தில், திரிஷா இல்லேனா நயன்தாரா, அன்பானவன் அடங்காதவன் அசராதவன், பஹீரா போன்ற படங்களை இயக்கிய ஆதிக் ரவிச்சந்திரன் இயக்கத்தில்  நடிகர் விஷால் ஹீரோவாக நடித்து வெளியான திரைப்படம் 'மார்க் ஆண்டனி'.

செப்டம்பர் 15-ஆம் தேதி வெளியான, இந்த படத்தில்.. விஷாலுக்கு ஜோடியாக நடிகை ரித்து வர்மா நடித்திருந்தார். எஸ்.ஜே.சூர்யா ஹீரோ விஷால் நடிப்பையே பீட் பண்ணும் லெவலுக்கு, முக்கிய ரோலில் நடித்திருந்தார். இவர்களை தவிர, செல்வராகவன், சுனில், அபிநயா என மிகப்பெரிய நட்சத்திர பட்டாளமே இப்படத்தில் நடித்திருந்தது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D

ஒரு போனை வைத்து, டைம் ட்ராவல் செய்யும் கதைக்களத்தில், மிகவும் சுவாரஸ்யமாக இந்த படத்தை இயக்கி இருந்தார் இயக்குனர் ஆதிக் ரவிச்சந்திரன். 35 முதல் 40 கோடி பட்ஜெட்டில் மிக பிரமாண்டமாக எடுக்கப்பட்ட இந்த படம்,  தமிழ், தெலுங்கு, கன்னடம், மலையாளம், இந்தி என பான் இந்தியா படமாக ரிலீஸ் ஆகி அனைத்து மொழி ரசிகர்கள் மத்தியிலும் நல்ல வரவேற்பை பெற்றது.

70ஸ் மற்றும் 80ஸ் காட்சிகள் இப்படத்தில் இடம்பெற்ற நிலையில், அப்போதைய ரசிகர்களின் கனவு தேவதை சில்க் ஸ்மிதா போலவே தோற்றம் கொண்ட டிக் டாக் பிரபலத்தை தேடி பிடித்து இந்த படத்தில் நடிக்க வைத்தது... படத்திற்கு கூடுதல் பலம் சேர்த்து. படம் வெளியாகி சுமார் 100 கோடிக்கு மேல் வசூல் செய்த நிலையில், தற்போது இந்த படத்தின் ஓடிடி ரிலீஸ் குறித்த அறிவிப்பு வெளியாகியுள்ளது.

அம்மாவை எரித்து கொன்ற அப்பா..! அவரும் குடிச்சே செத்துட்டாரு.. பலரும் அறிந்திடாத பிரதீப் ஆண்டனியின் சோகக்கதை!

அதன்படி தற்போது வெளியாகியுள்ள தகவலில், 'மார்க் ஆண்டனி’ திரைப்படம் அக்டோபர் 13ஆம் தேதி அதாவது வரும் வெள்ளி அன்று அமேசான் ப்ரைம் ஓடிடியில் தமிழ், தெலுங்கு என இரண்டு மொழிகளில் வெளியாகும் என அதிகாரப்பூர்வமாக அறிவிக்கப்பட்டுள்ளது. இதனால் ஓடிடியில் படம் பார்க்கும் ரசிகர்கள் உற்சாகத்தில் உள்ளனர்.