13 வயதில் ஹீரோயின்.. ரஜினி, கமலை தன்னுடைய நடிப்பால் மிரள வைத்த இதில் இருக்கும் 53 வயது நடிகை யார் தெரியுமா?
80-பதுகளில் ஹீரோயினாக அறிமுகமாகி, தற்போது வரை வெயிட்டான ரோலை தேர்வு செய்து நடித்து வரும் பிரபல நடிகை குழந்தையாக இருக்கும் போது எடுக்கப்பட்ட புகைப்படம் வைரலாக பார்க்கப்பட்டு வருகிறது.
1970 ஆம் ஆண்டு, சென்னையில் பிறந்தவர் தான் நடிகை ரம்யா கிருஷ்ணன். இவர் பிரபல நடிகரும், முன்னாள் மாநிலங்களவை உறுப்பினருமான சோ ராமசாமியின் நெருங்கிய உறவினர் ஆவார். தன்னுடைய 13 வயதிலேயே நடிக்க துவங்கிய ரம்யா கிருஷ்ணன், பின்னர் தமிழ், தெலுங்கு, மலையாளம், கன்னடம், ஹிந்தி, என ஐந்து மொழிகளிலும் கவனம் செலுத்த துவங்கினார்.
![article_image2](https://static-ai.asianetnews.com/images/01hw8na5t5pk54a1bqdyvy1m02/asianet-news--54-_300x169xt.jpg)
ரம்யா கிருஷ்ணனின் தந்தை, தெலுங்கு பேசும் குடும்பத்தை சேர்ந்தவர். இவருடைய தாயார் தமிழ் பிராமணர். இவருடைய மாமா நடிகர் என்பதால், சிறு வயதிலேயே பரதநாட்டியம், குச்சிப்புடி போன்ற கலைகளில் கைதேர்ந்தார் ரம்யா கிருஷ்ணன். வாய்ப்பு தேடுவதற்கு முன்பே ரம்யா கிருஷ்ணனை தேடி பட வாய்ப்புகள் வர துவங்கியது.
அதன்படி தன்னுடைய 13 வயதில், தமிழில் வெளியான 'வெள்ள மனசு என்கிற படத்தில் ஹீரோயினாக நடித்தார். இதைத் தொடர்ந்து பார்த்த ஞாபகம் இல்லையோ, படிக்காதவன், முதல் வசந்தம், சர்வம் சக்தி மயம், ஜல்லிக்கட்டு, ஆண்களை நம்பாதே, பேர் சொல்லும் பிள்ளை உள்ளிட்ட பல படங்களில் நடித்தார். இவர் ஹீரோயினாக நடித்த படங்களை விட, வில்லியாக நடித்த 'படையப்பா' திரைப்படம் ரம்யா கிருஷ்ணன் வாழ்க்கையில் திருப்புமுனையை ஏற்படுத்தியது.
அதே போல் இயக்குனர் ராஜமௌலி நடிப்பில் இரண்டு பாகங்களாக வெளியான 'பாகுபலி' படத்தில் இவர் ஏற்று நடித்த ராஜமாதா கதாபாத்திரம் மாஸ்டர் பீஸாக அமைந்தது. இந்த இரு படங்களுமே ரசிகர்கள் மத்தியில் பாராட்டுகளையும், பல்வேறு விருதுகளையும் வாங்கி குவித்தார் ரம்யா கிருஷ்ணன்.
தொடர்ந்து சினிமாவில் தன்னுடைய தனித்துவமான நடிப்பை வெளிப்படுத்தி வரும் இவர், கடந்த 2003 ஆம் ஆண்டு வம்ஷி என்பவரை திருமணம் செய்து கொண்டார். இவருக்கு தற்போது மகன் ஒருவரும் உள்ளார். திருமணமாகி குழந்தை பெற்ற பின்னும், தொடர்ந்து சினிமாவில் கவனம் செலுத்தி வரும் நடிகை ரம்யா கிருஷ்ணனின்.. குழந்தை பருவ புகைப்படம் ஒன்று சமூக வலைதளத்தில் வைரலாகி வருகிறது.
இதில் தன்னுடைய சகோதரி மற்றும் அம்மாவுடன் ரம்யா கிருஷ்ணா இருப்பதை பார்க்க முடிகிறது. இந்த புகைப்படத்திற்கு ரசிகர்கள் தங்களுடைய லைக்குகளை குவித்து வருகின்றனர்.
ரம்யா கிருஷ்ணா கடைசியாக நடிகர் மகேஷ்பாபு நடிப்பில் சில மாதங்களுக்கு முன்பு வெளியான 'குண்டூர் காரன்' என்கிற படத்தில் வலுவான கதாபாத்திரத்தில் நடித்திருந்தார். மேலும் இவர் தற்போது தமிழில் நடித்துள்ள பார்ட்டி உள்ளிட்ட சில படங்கள் ரிலீசுக்கு தயாராகி உள்ளது குறிப்பிடத்தக்கது.