மாமன்னன் மாரி செல்வராஜின் அடுத்த படம்... துருவ் விக்ரமுக்கு ஜோடியாக நடிக்கும் பிரேமம் பட நடிகை
மாரி செல்வராஜ் இயக்கத்தில் கபடியை மையமாக வைத்து உருவாகும் படத்தில் துருவ் விக்ரமுக்கு ஜோடியாக பிரேமம் பட நடிகை நடிக்க உள்ளாராம்.
Dhruv Vikram Mari selvaraj
இயக்குனர் ராமிடம் உதவி இயக்குனராக பணியாற்றியவர் மாரி செல்வராஜ். இவர் கடந்த 2018-ம் ஆண்டு வெளிவந்த பரியேறும் பெருமாள் படம் மூலம் கோலிவுட்டில் இயக்குனராக அறிமுகமானார். முதல் படத்திலேயே சாதிய ஒடுக்குமுறை பற்றி உரக்க பேசி கவனம் ஈர்த்த மாரி செல்வராஜ், அடுத்ததாக தனுஷுடன் கூட்டணி அமைத்து கர்ணன் படத்தை இயக்கினார். இப்படமும் சமூகத்தில் மிகப்பெரிய தாக்கத்தை ஏற்படுத்தியதோடு வசூலையும் வாரிக்குவித்தது.
Mari Selvaraj next Movie
கர்ணன் படத்தின் வெற்றியை தொடர்ந்து உதயநிதி ஸ்டாலின் மற்றும் வடிவேலுவை வைத்து மாமன்னன் படத்தை இயக்கினார். இதுவரை நகைச்சுவை வேடங்களில் நடித்து வந்த வடிவேலுவை சீரியஸான ரோலில் நடிக்க வைத்து அதில் வெற்றியும் கண்டார். இப்படத்தில் வில்லனாக மிரட்டிய பகத் பாசிலுக்கும் பாராட்டுக்கள் கிடைத்தன. மாமன்னன் திரைப்படம் கடந்த ஆண்டு ரிலீஸ் ஆகி பாக்ஸ் ஆபிஸில் ரூ.80 கோடி வசூலித்து இருந்தது.
இதையும் படியுங்கள்... கேஜிஎப் படத்தில் யாஷுக்கு முன் ராக்கி பாய் ஆக நடிக்க இருந்தது இந்த பாலிவுட் பிரபலமா? நல்ல வேள அவர் நடிக்கல!
Dhruv vikram
மாமன்னன் படத்தை அடுத்து வாழை என்கிற சிறு பட்ஜெட் படத்தை இயக்கி உள்ளார் மாரி செல்வராஜ். இதில் திவ்யா துரைசாமி, கலையரசன் ஆகியோர் நடித்துள்ளனர். இப்படம் ஷூட்டிங் முடிந்து ரிலீசுக்கு தயாராகி வருகிறது. இதனிடையே தன்னுடைய அடுத்த பட வேலைகளில் பிசியாகி இருக்கிறார் மாரி செல்வராஜ். அதன்படி அவர் அடுத்ததாக துருவ் விக்ரமை வைத்து கபடி வீரர் ஒருவரின் வாழ்க்கை வரலாற்றை படமாக்க உள்ளார் என பல ஆண்டுகளுக்கு முன்பே அறிவிப்பு வெளியானது.
Anupama Parameswaran
அப்படம் கிடப்பில் போடப்பட்டிருந்த நிலையில், தற்போது அதை கையில் எடுத்துள்ள மாரி செல்வராஜ் அடுத்த மாதம் முதல் ஷூட்டிங்கை தொடங்க உள்ளார். பா.இரஞ்சித் தான் இப்படத்தை தயாரிக்க உள்ளார். இப்படத்தின் ஆரம்பக்கட்ட பணிகள் விறுவிறுப்பாக நடைபெற்று வரும் நிலையில், இதில் ஹீரோயின் யார் என்பது குறித்த அப்டேட் கசிந்துள்ளது. அதன்படி பிரேமம் படத்தில் நடித்து பிரபலமான அனுபமா பரமேஸ்வரன் தான் இப்படத்தில் துருவ் விக்ரமுக்கு ஜோடியாக நடிக்க உள்ளாராம்.
இதையும் படியுங்கள்... ரன் முதல் நான் கடவுள் வரை; ஸ்ரீகாந்த் நடிக்க மறுத்து பிளாக்பஸ்டர் ஹிட்டான படங்கள் இத்தனயா! ஷாக்கிங் லிஸ்ட் இதோ