தியேட்டரில் ரஜினியின் லால் சலாமுக்கே தண்ணிகாட்டி வரும் லவ்வர்; அதற்குள் ஓடிடிக்கு வருகிறதா? எப்போ ரிலீஸ்?
மணிகண்டன் நடிப்பில் கடந்த பிப்ரவரி 9-ந் தேதி திரைக்கு வந்து வெற்றிநடை போட்டுக்கொண்டிருக்கும் லவ்வர் திரைப்படத்தின் ஓடிடி ரிலீஸ் தேதி பற்றிய அப்டேட் வந்துள்ளது.
lover movie manikandan
சில்லு கருப்பட்டி, ஜெய் பீம், குட் நைட் என தரமான படங்களை தேர்வு செய்து நடித்து, தமிழ் சினிமாவின் நம்பிக்கை நட்சத்திரமாக திகழ்ந்து வருபவர் மணிகண்டன். இவர் நடிப்பில் அண்மையில் ரிலீஸ் ஆன திரைப்படம் தான் லவ்வர். இப்படம் கடந்த பிப்ரவரி 9-ந் தேதி திரைக்கு வந்தது. ரொமாண்டிக் திரைப்படமான இதனை பிரபுராம் வியாஸ் இயக்கி இருந்தார். ஐஸ்வர்யா ரஜினிகாந்த் இயக்கிய லால் சலாம் படத்துக்கு போட்டியாக லவ்வர் படம் ரிலீஸ் ஆனது.
lal salaam, lover
லவ்வர் திரைப்படத்திற்கு ஆரம்பத்தில் குறைந்த அளவிலான திரையரங்குகள் மட்டுமே ஒதுக்கப்பட்டு இருந்தாலும், போகப்போக படத்துக்கு பாசிடிவ் விமர்சனங்கள் குவிந்த வண்ணம் இருந்ததால் திரையரங்குகளின் எண்ணிக்கையும் அதிகரிக்கப்பட்டது. இதனால் இப்படம் நாளடைவில் பிக் அப் ஆகி, பாக்ஸ் ஆபிஸில் வசூலையும் வாரிக்குவித்தது. முதல் மூன்று நாட்களிலேயே ரூ.3 கோடி அளவு வசூலை அள்ளியது இப்படம்.
இதையும் படியுங்கள்... தியேட்டரில் கூட்டமின்றி காத்துவாங்கும் லால் சலாம்; லாபத்தை அள்ளிக்குவிக்கும் லவ்வர் - 4 நாள் வசூல் நிலவரம் இதோ
lover movie
ரஜினி நடித்த படத்துக்கு போட்டியாக ரிலீஸ் ஆனாலும் பாக்ஸ் ஆபிஸில் அதற்கு போட்டியாக லவ்வர் படம் வசூலித்தது பலரையும் ஆச்சர்யத்தில் ஆழ்த்தியது. அதுமட்டுமின்றி லவ்வர் படம் காதலர் தினத்தை ஒட்டி ரிலீஸ் ஆனதால், இதற்கு காதலர்கள் மத்தியில் ஏகோபித்த வரவேற்பு கிடைத்தது. இந்நிலையில் லவ்வர் படத்தின் ஓடிடி ரிலீஸ் பற்றிய தகவல் வெளிவந்துள்ளது.
Lover movie OTT release
அதன்படி லவ்வர் திரைப்படத்தின் ஓடிடி உரிமையை டிஸ்னி பிளஸ் ஹாட்ஸ்டார் நிறுவனம் கைப்பற்றி உள்ளது. அந்நிறுவனம் இப்படத்தை வருகிற மார்ச் மாதம் 8-ந் தேதி ஓடிடியில் ரிலீஸ் செய்ய திட்டமிட்டு உள்ளதாக தகவல்கள் தெரிவிக்கின்றன. திரையரங்கை போல் ஓடிடியிலும் லவ்வர் படத்திற்கு அமோக வரவேற்பு கிடைக்கும் என எதிர்பார்க்கப்படுகிறது.
இதையும் படியுங்கள்... சம்பளத்தில் டபுள் செஞ்சுரி அடித்த தளபதி! கடைசி படத்துக்காக விஜய்க்கு வாரி வழங்கப்பட உள்ள சம்பளம் இத்தனை கோடியா