தியேட்டரில் கூட்டமின்றி காத்துவாங்கும் லால் சலாம்; லாபத்தை அள்ளிக்குவிக்கும் லவ்வர் - 4 நாள் வசூல் நிலவரம் இதோ

ரஜினிகாந்தின் படங்கள் தொடர்ந்து தோல்வியை சந்தித்து வந்த நிலையில், கடந்த ஆண்டு நெல்சன் இயக்கத்தில் அவர் நடித்த ஜெயிலர் திரைப்படம் அவருக்கு மிகப்பெரிய கம்பேக் படமாக அமைந்தது. சன் பிக்சர்ஸ் நிறுவனம் தயாரித்திருந்த அப்படம் பாக்ஸ் ஆபிஸில் ரூ.650 கோடிக்கு மேல் வசூலை வாரிக்குவித்து சாதனை படைத்தது. ஜெயிலர் படத்தின் அமோக வெற்றியை தொடர்ந்து ரஜினிகாந்த் நடித்த திரைப்படம் தான் லால் சலாம்.

ஐஸ்வர்யா ரஜினிகாந்த் இயக்கியுள்ள இப்படத்தில் நடிகர் ரஜினிகாந்த், மொய்தீன் பாய் என்கிற கேரக்டர் ரோலில் நடித்திருந்தார். அவர் நடித்திருப்பதால் இப்படத்தின் பிசினஸ் பெரிய அளவில் இருக்கும் என நம்பி ரூ.40 கோடி பட்ஜெட்டை வாரி இறைத்து இப்படத்தை பிரம்மாண்டமாக தயாரித்து இருந்தது லைகா நிறுவனம். ரிலீசுக்கு முன்னர் இது நேரடி ரஜினி படம் போலவே புரமோஷனும் செய்தனர். இவ்வளவு வேலைகள் செய்தும் லால் சலாமிற்கு எதிர்பார்த்த வரவேற்பு கிடைக்கவில்லை.

இதையும் படியுங்கள்... காதலர் தின ஸ்பெஷலாக தமிழ்நாட்டில் ரீ-ரிலீஸாகும் பிளாக்பஸ்டர் ஹிட் காதல் படங்கள் - அதன் லிஸ்ட் இதோ

முதல் மூன்று நாட்களில் ரூ.13 கோடி வசூலித்து இருந்த லால் சலாம் திரைப்படம். நான்காம் நாளான நேற்று வெறும் ரூ.1 கோடி மட்டுமே வசூலித்து இருக்கிறது. இதே நிலை நீடித்தால் இப்படம் ரூ.25 கோடி கூட வசூலிக்காது என கூறப்படுகிறது. ரஜினிகாந்த் நடித்தும் பாக்ஸ் ஆபிஸில் லால் சலாம் படம் திணறி வருவது கோலிவுட்டையே அதிர்ச்சியில் ஆழ்த்தி உள்ளது. மறுபுறம் இப்படத்துக்கு போட்டியாக ரிலீஸ் ஆன லவ்வர் திரைப்படம் சக்கைப்போடு போட்டு வருகிறது.

சின்ன பட்ஜெட்டில் எடுக்கப்பட்ட இப்படத்தில் மணிகண்டன் ஹீரோவாக நடித்துள்ளார். குட் நைட் படத்தின் வெற்றிக்கு பின் அவர் நடித்துள்ள படம் இது என்பதால் இதற்கும் ரசிகர்கள் மத்தியில் எதிர்பார்ப்பு இருந்தது. அதுமட்டுமின்றி காதலர் தினத்தை ஒட்டி இப்படம் ரிலீஸ் ஆகி இருப்பதால் காதலர்களை கவரும் படமாக லவ்வர் அமைந்துள்ளது. இதனால் இப்படத்தின் வசூலும் கணிசமாக குவிந்த வண்ணம் உள்ளது. இப்படம் நான்கு நாட்களில் ரூ.3.5 கோடி வசூலை வாரிக்குவித்து வெற்றிநடைபோட்டு வருகிறது.

இதையும் படியுங்கள்... தோல்வியில் முடிந்த முதல் காதல்... தேவதை போல் வந்த நயன்- முன்னாள் காதலி பற்றி முதன்முறையாக பேசிய விக்னேஷ் சிவன்