சம்பளத்தில் டபுள் செஞ்சுரி அடித்த தளபதி! கடைசி படத்துக்காக விஜய்க்கு வாரி வழங்கப்பட உள்ள சம்பளம் இத்தனை கோடியா
சினிமாவை விட்டு விலக முடிவெடுத்துள்ள நடிகர் விஜய், தான் நடிக்க உள்ள கடைசி படத்துக்காக பெரும் தொகையை சம்பளமாக வாங்க உள்ளாராம்.
Thalapathy Vijay
தமிழ் திரையுலகில் முன்னணி நடிகராக வலம் வருபவர் விஜய். இவர் நடிப்பில் தற்போது கோட் திரைப்படம் உருவாகி வருகிறது. வெங்கட் பிரபு இயக்கத்தில் பிரம்மாண்டமாக தயாராகும் இப்படத்தை ஏஜிஎஸ் நிறுவனம் தயாரிக்கிறது. இப்படத்தில் விஜய் உடன் சினேகா, லைலா, பிரசாந்த், பிரபுதேவா, அஜ்மல், நிதின் சத்யா, வைபவ் என மிகப்பெரிய நட்சத்திர பட்டாளமே நடிக்கிறது. யுவன் சங்கர் ராஜா இசையமைக்கும் இப்படத்தின் பணிகள் இறுதிக்கட்டத்தை எட்டி உள்ளன.
Vijay, Venkat Prabhu
கோட் படத்தின் ஷூட்டிங் முடியும் முன்னரே நடிகர் விஜய் கடந்த சில வாரங்களுக்கு முன்னர் ஒரு முக்கிய அறிவிப்பை வெளியிட்டார். அதன்படி தான் தமிழக வெற்றி கழகம் என்கிற அரசியல் கட்சியை தொடங்கி உள்ளதாகவும், அக்கட்சி வருகிற 2026-ம் ஆண்டு சட்டமன்ற தேர்தலில் போட்டியிடும் என்றும் அறிவித்து இருந்தார். அதோடு மற்றுமொரு அதிர்ச்சி தகவலையும் வெளியிட்டு இருந்தார். அது என்னவென்றால், தான் கமிட் ஆகியுள்ள தளபதி 69 படத்துக்கு பின் சினிமாவை விட்டு விலக உள்ளதாக விஜய் அறிக்கையில் குறிப்பிட்டு இருந்தார்.
இதையும் படியுங்கள்... வெற்றியும் இல்ல.. கார்த்தியும் இல்ல.. தளபதி 69 படத்தை இயக்கப்போவது வேற ஒரு இயக்குனராம் - தினம் ஒரு தகவல்!
Trivikram Srinivas
தளபதி 69 படத்துக்கு பின்னர் விஜய் சினிமாவில் நடிக்க மாட்டார் என்கிற தகவல் அவரது ரசிகர்களுக்கு கடும் அதிர்ச்சியை ஏற்படுத்தி உள்ளது. மறுபுறம் அவரது கடைசி படமான தளபதி 69-ஐ இயக்கப்போவது யார் என்கிற எதிர்பார்ப்பும் எகிறி இருந்தது. லேட்டஸ்ட் தகவல் படி தெலுங்கு திரையுலகில் முன்னணி இயக்குனராக வலம் வரும் திரிவிக்ரம் ஸ்ரீனிவாஸ் தான் தளபதி 69 படத்தை இயக்க உள்ளதாக தகவல் பரவி வருகின்றது.
Vijay last film salary
இந்த நிலையில், தளபதி 69 படத்துக்காக நடிகர் விஜய் வாங்க உள்ள சம்பளம் பற்றிய தகவல் கசிந்துள்ளது. அதன்படி இப்படத்திற்காக அவருக்கு ரூ.200 கோடி சம்பளம் வழங்கப்பட உள்ளதாம். விஜய்யின் கெரியரிலேயே அவர் வாங்கும் அதிக சம்பளம் இதுவாகும். தற்போது நடித்து வரும் கோட் படத்திற்கு ரூ.150 கோடி சம்பளம் வங்கியுள்ள விஜய், தளபதி 69 படம் மூலம் சம்பளத்தில் டபுள் செஞ்சுரியை எட்டி உள்ளது கோலிவுட்டில் ஹாட் டாப்பிக் ஆக பேசப்பட்டு வருகிறது.
இதையும் படியுங்கள்... சீக்கிரம் கட்டி முடிங்க பாஸ்... நடிகர் சங்கம் கட்டிடம் கட்ட ரூ.1 கோடி நிதியுதவி வழங்கினார் உதயநிதி ஸ்டாலின்
சேனலை கிளிக் செய்து பின்தொடரவும்
