இளமை திரும்புதே.. மீண்டும் ரஜினியை யங் லுக்கிற்கு கொண்டுவரும் லோகேஷ்! தலைவர் 171-ல் செம்ம சர்ப்ரைஸ் வெயிட்டிங்

மாநகரம், மாஸ்டர், கைதி, விக்ரம், லியோ என தொடர்ந்து ஐந்து மாஸ் ஹிட் படங்களை கொடுத்து தமிழ் சினிமாவின் தவிர்க்க முடியாத இயக்குனராக உருவெடுத்துள்ளார் லோகேஷ் கனகராஜ். அவர் இயக்கத்தில் அடுத்ததாக உருவாக உள்ள திரைப்படம் தலைவர் 171. இப்படத்தில் சூப்பர்ஸ்டார் ரஜினிகாந்த் ஹீரோவாக நடிக்க உள்ளார். லோகேஷ் கனகராஜ் இயக்கத்தில் ரஜினிகாந்த் நடிக்கும் முதல் திரைப்படம் இதுவாகும். இப்படத்தை சன் பிக்சர்ஸ் நிறுவனம் தயாரிக்கிறது.

இப்படத்திற்கு அனிருத் தான் இசையமைக்க உள்ளார். தலைவர் 171 படத்தின் ஸ்கிரிப்ட் தயார் செய்யும் பணிகளில் தீவிரமாக ஈடுபட்டுள்ளார் லோகேஷ். இப்படத்தின் படப்பிடிப்பு வருகிற ஏப்ரல் அல்லது மே மாதம் தொடங்கப்பட உள்ளதாக கூறப்படுகிறது. நடிகர் ரஜினிகாந்த் தற்போது ஞானவேல் இயக்கும் வேட்டையன் பட ஷூட்டிங்கில் பிசியாக உள்ளார். அப்பட ஷூட்டிங் முழுவதுமாக நிறைவடைந்ததும் தலைவர் 171-ல் அவர் நடிக்க திட்டமிட்டுள்ளார்.

இதையும் படியுங்கள்... இப்போ 4 படம் லைனில் இருக்கு.. 73 வயதிலும் குறையாத சூப்பர் ஸ்டார் ரஜினியின் வேகம் - என்னென்ன படங்கள் தெரியுமா?

தலைவர் 171 திரைப்படத்தை ரஜினியின் கெரியரில் இதுவரை காணாத வகையில் மிகவும் வித்தியாசமான படமாக எடுக்க உள்ளதாக லோகேஷ் கனகராஜ் கூறி உள்ளார். அதன் ஒருபகுதியாக இப்படத்தில் டீ ஏஜிங் டெக்னாலஜியை பயன்படுத்த உள்ளதாக கூறப்படுகிறது. அதன்படி இப்படத்தில் ரஜினிகாந்தை இளமை தோற்றத்தில் காட்ட உள்ளாராம் லோகி. இதற்காக ரஜினிகாந்தும் அவரும் அமெரிக்க செல்லவும் திட்டமிட்டு இருக்கிறார்களாம்.

விஜய் நடிப்பில் தற்போது உருவாகி வரும் கோட் படத்திலும் டீ ஏஜிங் டெக்னாலஜி பயன்படுத்தி விஜய்யின் இளமை கதாபாத்திரத்தை உருவாக்கி இருக்கின்றனர். இப்படத்தில் நடிகர் விஜய் இரட்டை வேடத்தில் நடிப்பதால் அதில் ஒரு கதாபாத்திரத்திற்கு டீ ஏஜிங் பயன்படுத்தி உள்ளனர். தற்போது தலைவர் 171லும் டீ ஏஜிங் பயன்படுத்த உள்ளதாக கூறப்படுவதால், இதிலும் ரஜினி இரட்டை வேடத்தில் நடிக்க போகிறாரா என்கிற கேள்வி எழுந்துள்ளது.

இதையும் படியுங்கள்... மூன்றாவது முறை.. மாஸ் நடிகருக்கு பக்காவா ஒரு ஸ்கெட்ச் போடும் லோகேஷ் கனகராஜ் - தலைவர் 171 வில்லன் அவர் தானா?