ஜவானில் பிரியாமணியை காலி பண்ணிய அட்லீ... ராமையா வஸ்தாவையா பாடலால் லீக்கான சீக்ரெட்
அட்லீ இயக்கத்தில் பிரம்மாண்டமாக உருவாகி இருக்கும் ஜவான் திரைப்படத்தில் பிரியாமணியின் கேரக்டர் குறித்த முக்கிய தகவல் லீக் ஆகி உள்ளது.
jawan
பருத்திவீரன் படத்தின் மூலம் பிரபலமானவர் பிரியாமணி. அமீர் இயக்கிய இப்படத்தில் அவர் நடித்த முத்தழகு கேரக்டர் இன்றளவும் ரசிகர்கள் மனதில் நீங்கா இடம் பிடித்து உள்ளது. அதுமட்டுமின்றி அந்த கேரக்டருக்காக பிரியாமணிக்கு தேசிய விருதும் கிடைத்தது. பருத்திவீரன் படத்துக்கு பின் நடிகை பிரியாமணியால் தமிழில் பெரியளவில் சோபிக்க முடியவில்லை. இதனால் தெலுங்கு, இந்தி போன்ற பிறமொழி படங்களில் கவனம் செலுத்த தொடங்கினார்.
Jawan movie
நடிகை பிரியாமணி நடிப்பில் தற்போது ஜவான் திரைப்படம் தயாராகி வருகிறது. இப்படத்தை அட்லீ இயக்கி உள்ளார். இப்படத்தில் ஷாருக்கான் ஹீரோவாக நடித்திருக்கிறார். ஜவான் திரைப்படம் வருகிற செப்டம்பர் 7-ந் தேதி திரைக்கு வர உள்ளது. அப்படத்தின் ரிலீஸ் நெருங்கி வருவதால் அதிலிருந்து அப்டேட்டுகளும் ஒவ்வொன்றாக வெளியிடப்பட்டு வருகின்றன. அந்த வகையில் நேற்று ராமையா வஸ்தாவையா என்கிற பாடலை படக்குழு வெளியிட்டது.
இதையும் படியுங்கள்... ஜெயிலரில் கேமியோ ரோலில் நடிக்கவே ரூ.4 கோடி சம்பளம் வாங்கிய ஷிவாண்ணாவின் மொத்த சொத்து மதிப்பு இத்தனை கோடியா?
shah rukh khan, Priyamani
ஷாருக்கான் மற்றும் நயன்தாராவின் கண்கவர் நடனத்துடன் கூடிய இப்பாடலை அனிருத்தும் ரக்ஷிதாவும் பாடி இருந்தனர். இப்பாடல் யூடியூப்பில் டிரெண்டாகி வரும் நிலையில், இப்பாடலில் ஒளிந்துள்ள முக்கியமான விஷயத்தை கண்டுபிடித்து அதனை நெட்டிசன்கள் லீக் பண்ணி உள்ளனர். ஜவான் படத்தில் நடிகை பிரியாமணி, ஷாருக்கானின் டீம் மேட் ஆக நடித்துள்ளார் என்பது அதன் டீசர் மூலமே தெரியவந்தது.
Netizens tweet
ஆனால் ராமையா வஸ்தாவையா பாடலின் இறுதியில் ஷாருக்கான் தன்னுடைய டீம் உடன் நிற்கும் புகைப்படமும் இடம்பெற்று இருந்தது. அதில் பிரியாமணி மட்டும் இல்லாததை நோட் பண்ணிய ரசிகர்கள், ஒருவேளை படத்தில் பிரியாமணியை கொன்றுவிடுவார்களோ என கேள்வி எழுப்பி வருகின்றனர். அட்லீ இதற்கு முன் இயக்கிய ராஜா ராணியில் நஸ்ரியாவும், தெறியில் சமந்தாவும், மெர்சலில் நித்யா மேனன் கேரக்டரும் இறந்த பிறகு தான் படமே சூடுபிடிக்கும், அதேபோல் ஜவானிலும் பிரியாமணி இறக்கும் காட்சி வேறலெவல் டுவிஸ்டாக இருக்கும் என எதிர்பார்க்கப்படுகிறது.
இதையும் படியுங்கள்... காதலியை அறிமுகப்படுத்த போகிறாரா விஜய் தேவரகொண்டா.. குஷி நாயகனின் குண்டக்க மண்டக்க பதிவால் கன்பியூஸ் ஆன ரசிகாஸ்