ஜெயிலரில் கேமியோ ரோலில் நடிக்கவே ரூ.4 கோடி சம்பளம் வாங்கிய ஷிவாண்ணாவின் மொத்த சொத்து மதிப்பு இத்தனை கோடியா?
ஜெயிலர் படத்தில் 5 நிமிட கேமியோ ரோலில் நடித்து மாஸ் காட்டிய பிரபல கன்னட நடிகர் ஷிவ ராஜ்குமாரின் சொத்து மதிப்பு குறித்து இந்த தொகுப்பில் பார்க்கலாம்.
Shiva Rajkumar
கன்னட திரையுலக ஜாம்பவான் ராஜ்குமாரின் மூத்த மகன் தான் ஷிவ ராஜ்குமார். இவர் தன் தந்தையைப் போலவே சினிமாவில் மாஸ் நடிகராக உருவெடுத்து சூப்பர்ஸ்டாராகவும் வலம் வருகிறார். ஷிவ ராஜ்குமாருக்கு புனீத் ராஜ்குமார் என்கிற சகோதரரும் இருந்தார். அவர் கடந்த 2021-ம் ஆண்டு திடீரென ஏற்பட்ட மாரபடைப்பால் மரணமடைந்தார். இவரும் கன்னட திரையுலகில் முன்னணி நடிகராக வலம் வந்தவர் ஆவார்.
ஷிவ ராஜ்குமாரை அவரது ரசிகர்கள் செல்லமாக ஷிவாண்ணா என்று தான் அழைப்பார்கள். அந்த அளவுக்கு ரசிகர்கள் இவர்மீது அன்பு வைத்துள்ளனர். கன்னட திரையுலகில் மட்டும் பிரபலமாக இருந்த ஷிவ ராஜ்குமாரை இன்று பான் இந்தியா அளவில் பாப்புலர் ஆக்கிய திரைப்படம் தான் ஜெயிலர். இப்படத்தில் 5 நிமிட கேமியோ ரோலில் மட்டும் வந்தாலும், அதகளம் செய்துவிட்டார் ஷிவ ராஜ்குமார்.
Shivanna
ஜெயிலர் படத்தின் வெற்றிக்கு பின்னர் ஷிவ ராஜ்குமாருக்கு கோலிவுட்டில் பட வாய்ப்புகள் குவிந்த வண்ணம் உள்ளன. இவர் நடிப்பில் அடுத்ததாக கேப்டன் மில்லர் திரைப்படம் ரிலீஸ் ஆக உள்ளது. அருண் மாதேஸ்வரன் இயக்கிய இப்படத்தில் நடிகர் தனுஷுக்கு வில்லனாக நடித்துள்ளார் ஷிவாண்ணா. இப்படம் வருகிற டிசம்பர் மாதம் திரைக்கு வருகிறது. இதுதவிர பிரபுசாலமன் இயக்கத்திலும் ஒரு படத்தில் நடிக்க உள்ளார்.
இதையும் படியுங்கள்... கொள்ளை அழகு.. கமல்ஹாசனின் ரீல் மகளா இது? எஸ்தரின் ஓணம் போட்டோஸ் வைரல்..
Shiva Rajkumar net worth
இப்படி செம்ம பிசியான நடிகராக வலம் வரும் ஷிவ ராஜ்குமாரின் சொத்து மதிப்பு பற்றி தற்போது பார்க்கலாம். அதன்படி இவரது சொத்து மதிப்பு ரூ.210 கோடிக்கு மேல் இருக்கும் என கூறப்படுகிறது. அதுமட்டுமின்றி அவர் ஒரு படத்துக்கு ரூ.5 கோடிக்கு மேல் சம்பளமாக வாங்கி வருகிறாராம். சமீபத்தில் ஜெயிலர் படத்தில் 5 நிமிட கேமியோ ரோலில் நடிக்க அவருக்கு ரூ.4 கோடி சம்பளமாக வழங்கப்பட்டு இருந்தது.
Shivarajkumar RCB
தயாரிப்பு நிறுவனம் நடத்தி வரும் ஷிவ ராஜ்குமார், ஆதரவற்றவர்களுக்கு உதவிகளையும் செய்து வருகிறார். இதுதவிர ஐபிஎல் 11-வது சீசனில் ராயல் சேலஞ்சர்ஸ் பெங்களூரு அணிக்கு விளம்பர தூதராகவும் ஷிவ ராஜ்குமார் இருந்துள்ளார். கடந்த 1983-ம் ஆண்டு மாருதி 800 கார் அறிமுகம் செய்யப்பட்டபோது அந்த காரை வாங்கிய இரண்டாவது கன்னட நடிகர் என்கிற பெருமைக்கு சொந்தக்காரரும் இவர்தான்.
shivarajkumar captain miller
30 ஆண்டுகளுக்கு மேலாக சினிமாவில் நடித்து வரும் ஷிவ ராஜ்குமார் இதுவரை 120க்கும் மேற்பட்ட படங்களில் நடித்திருக்கிறார். இவருக்கு கீதா என்கிற மனைவியும் நிவேதிதா, நிருபமா என்கிற மகள்களும் உள்ளனர். இவர் சென்னை மெட்ராஸ் யுனிவர்சிட்டியில் தான் தன்னுடைய கல்லூரி படிப்பை முடித்தார் என்பது குறிப்பிடத்தக்கது.
இதையும் படியுங்கள்... காதலியை அறிமுகப்படுத்த போகிறாரா விஜய் தேவரகொண்டா.. குஷி நாயகனின் குண்டக்க மண்டக்க பதிவால் கன்பியூஸ் ஆன ரசிகாஸ்
சேனலை கிளிக் செய்து பின்தொடரவும்
