புதிய நாடாளுமன்றத்தில் நுழைந்ததும் தமன்னாவுக்கு வந்த அரசியல் ஆசை... நடிகைகளின் வருகையால் வெடித்த சர்ச்சை

புதிய நாடாளுமன்ற கட்டிடம் திறக்கப்பட்டதும் வரலாற்று சிறப்புமிக்க, 33 சதவீத இட ஒதுக்கீடும் நிறைவேற்றப்பட்டுள்ளது. இது மகளிருக்கான இட ஒதுக்கீடு என்பதனால், இந்திய திரையுலகைச் சேர்ந்த நடிகைகள் சிலர் சிறப்பு அழைப்பாளர்களாக அழைக்கப்பட்டு இருந்தனர். கோலிவுட்டில் தற்போது உச்சத்தில் இருக்கும் நடிகை தமன்னாவுக்கும் புதிய நாடாளுமன்ற கட்டிடத்திற்கு வருகை தர அழைப்பு விடுக்கப்பட்டு இருந்தது.

அதை ஏற்றுக்கொண்டு நாடாளுமன்றம் சென்ற தமன்னா, புதிய கட்டிடத்தை பார்வையிட்டார். பிரம்மாண்ட கட்டிடத்தை பார்த்து பிரம்மித்துபோன தமன்னா, அதன்பின் சொன்ன பரபர அரசியல் கருத்துகளும் பேசு பொருள் ஆகி உள்ளன. அதன்படி அவர் கூறுகையில், மகளிருக்கான இட ஒதுக்கீடு மசோதா என்பது ஒரு நல்ல முயற்சி, இதன்மூலம் சாமானியர்களும் அதிகளவில் அரசியலுக்கு வர தூண்டுகிறது என பேசினார்.

இதையும் படியுங்கள்... உயிரோடு இருக்கும் போதே தனக்கு தானே சிலை வைத்த நடிகர் விஜயகுமார்.. அவரின் வீட்டை பார்த்திருக்கீங்களா?

தமன்னாவுடன் நடிகைகள் குஷ்பு, திவ்யானந்தா, ஷெஹனாஸ் கில் உள்ளிட்டவர்களும் நாடாளுமன்றத்துக்கு சிறப்பு அழைப்பாளர்களாக வந்திருந்தனர். தமன்னா நாடாளுமன்றத்துக்கு வந்ததுமட்டுமின்ற அரசியல் ஆசை குறித்து அவர் பேசியதெல்லாம் எக்ஸ் தளத்தில் டாப் டிரெண்டிங்கில் உள்ளன. இதேபோல் பாலிவுட் பிரபலங்களான கங்கனா ரனாவத், ஈஷா குப்தா ஆகியோர் முதல் நாளே நாடாளுமன்றத்துக்கு அழைக்கப்பட்டு இருந்தனர்.

நாடாளுமன்றம் வந்த அவர்களுக்கு இனிப்புகள் வழங்கி வரவேற்றார் மத்திய அமைச்சர் அனுராக் தாக்கூர். நடிகைகள் நாடாளுமன்றம் சென்றதும், அவர்கள் நாடாளுமன்றத்தில் எடுத்த புகைப்படங்களும் சமூக வலைதளங்களில் வைரலாகி வருகின்றன. அதேநேரத்தில், நாடாளுமன்றத்துக்கு குடியரசுத் தலைவரே இதுவரை அழைக்கப்படாத போது, நடிகைகள் அழைக்கப்பட்டது ஏன் என்கிற கேள்வியும் எதிர்க்கட்சிகள் தரப்பில் எழுப்பப்பட்டு வருகின்றன. 

இதையும் படியுங்கள்... ஆடையை இன்னும் மேல தூக்கு.. ஆடிஷன் சென்றபோது கேவலமாக நடந்து கொண்ட டாப் இயக்குனர் - தெறித்து ஓடிய சீரியல் நடிகை