அடுத்த 3 வருஷத்துக்கு கால்ஷீட் இல்ல... கமல் அம்புட்டு பிசி! கைவசம் 7 படங்களுடன் அலப்பறை கிளப்பும் உலகநாயகன்
69 வயதிலும் செம்ம பிசியான நடிகராக வலம் வந்துகொண்டிருக்கும் கமல்ஹாசன் தற்போது கைவசம் வைத்துள்ள 7 படங்களைப் பற்றி பார்க்கலாம்.
இந்தியன் 2 மற்றும் 3-ம் பாகம்
கமல்ஹாசன் கைவசம் உள்ள பிரம்மாண்ட பட்ஜெட் படங்களில் இந்தியன் 2 படமும் ஒன்று. இப்படத்தை ஷங்கர் இயக்கி உள்ளார். இப்படத்தின் இரண்டாம் பாகத்துக்கான ஷூட்டிங் முடிவடைந்துவிட்ட நிலையில், அடுத்ததாக இந்தியன் 3 படத்தின் படப்பிடிப்பு தற்போது நடைபெற்று வருகிறது. இந்த இரண்டு படங்களும் இந்த ஆண்டு ரிலீஸ் ஆகும் என எதிர்பார்க்கப்படுகிறது.
![article_image2](https://static-ai.asianetnews.com/images/01h3rra3phdq9xv2njrrm5xneg/fzc7icyx0aeixgi_300x300xt.jpg)
கல்கி 2898 AD
தெலுங்கு இயக்குனர் நாக் அஸ்வின் இயக்கத்தில் உருவாகி வரும் பான் இந்தியா திரைப்படம் தான் கல்கி 2898 AD. இப்படத்தில் பிரபாஸ் ஹீரோவாக நடிக்கிறார். அவருக்கு வில்லனாக நடிக்க கமல்ஹாசன் கமிட் ஆகி உள்ளார். இப்படத்தின் ஷூட்டிங்கும் இறுதிக்கட்டத்தை எட்டி உள்ளது. இப்படம் வருகிற மே மாதம் 9-ந் தேதி ரிலீஸ் ஆக உள்ளது.
தக் லைஃப்
கமல்ஹாசனின் லைன் அப்பில் உள்ள மற்றுமொரு முக்கியமான திரைப்படம் தக் லைஃப். இப்படத்தை மணிரத்னம் இயக்குகிறார். கமலும் மணிரத்னமும் நாயகன் படத்துக்கு பின்னர் மீண்டும் இணையும் படம் இது என்பதால் இதற்கு எதிர்பார்ப்பு அதிகரித்த வண்ணம் உள்ளது. இப்படத்தின் படப்பிடிப்பு இம்மாதம் தொடங்க உள்ளது.
KH 233
கமல்ஹாசனின் 233-வது படத்தை துணிவு படத்தின் இயக்குனர் எச்.வினோத் இயக்க உள்ளதாக கடந்த ஆண்டு அறிவிப்பு வெளியானது. இப்படத்திற்காக நடிகர் கமல்ஹாசன் துப்பாக்கி சுடுதல் பயிற்சியும் மேற்கொண்டு வந்தார். இப்படத்தின் அப்டேட் எதுவும் வெளியாகாவிட்டாலும் இதுவும் கமலின் லைன் அப்பில் உள்ள படங்களுள் ஒன்றாகும்.
KH 237
கமல் ஹாசனி லைன் அப்பில் உள்ள படங்களில் ஒரு சர்ப்ரைஸான திரைப்படம் என்றால் அது KH 237 தான். இப்படத்தை பிரபல ஸ்டண்ட் மாஸ்டர்களான அன்பறிவு ஆகியோர் இணைந்து இயக்க உள்ளனர். இப்படத்தின் மூலம் அவர்கள் இயக்குனர்களாக அறிமுகமாக உள்ளனர். இப்படம் அடுத்த ஆண்டு ரிலீஸ் ஆக உள்ளது.
விக்ரம் 2
கமல்ஹாசனின் கெரியரில் திருப்புமுனையை ஏற்படுத்திய படம் என்றால் அது விக்ரம் தான். லோகேஷ் கனகராஜ் இயக்கத்தில் கடந்த 2022-ம் ஆண்டு ரிலீஸ் ஆன இப்படம் பாக்ஸ் ஆபிஸில் ரூ.450 கோடி வசூலை வாரிக்குவித்து பிரம்மாண்ட வெற்றியை ருசித்தது. அப்பட வெற்றி விழாவில் விக்ரம் 2 கண்டிப்பாக உருவாகும் என்றும் அறிவித்திருந்தனர். அதனால் கமலின் லைன் அப்பில் அப்படமும் இருக்கிறது.
இதையும் படியுங்கள்... கேப்டன் மில்லர் படத்தை பார்த்து மெர்சலான அமைச்சர் உதயநிதி ஸ்டாலின் - அவரின் விமர்சனம் இதோ