Rashid Khan: அதிர்ச்சி... பிரபல பாடகர் உஸ்தாத் ரஷித் கான் மரணம்! சோகத்தில் மூழ்கிய ரசிகர்கள்!
பத்மஸ்ரீ விருது பெற்ற, பாடகர் உஸ்தாத் ரஷித் கான் புற்றுநோய் காரணமாக உயிரிழந்த சம்பவம் ரசிகர்களை சோகத்தில் ஆழ்த்தியுள்ளது.
மியூசிக் மேஸ்ட்ரோ என ரசிகர்களாலும், பிரபலங்களாலும் அழைக்கப்படும், உஸ்தாத் ரஷீத் கான் தனது 55வது வயதில் இன்று (செவ்வாய் கிழமை) 3:45 மணிக்கு காலமானார். கடந்த சில வருடங்களாக புரோஸ்டேட் புற்றுநோயால் அவதிப்பட்டு வந்த ரஷித் கான், கொல்கத்தாவில் உள்ள பீர்லெஸ் மருத்துவமனையில் சிகிச்சை பெற்று வந்த நிலையில், சிகிச்சை பலனின்றி உயிரிழந்தார்.
இவரது உடல் இன்று மாலை 6 மணி வரை பொதுமக்கள் அஞ்சலிக்காக வைக்கப்படும் என அவரது குடும்பத்தினர் தெரிவித்துள்ள நிலையில், இதை தொடர்ந்து அவரது உடல் கொல்கத்தாவில் உள்ள பீஸ் ஹேவனுக்கு அனுப்பப்பட உள்ளது. நாளை இவரது இறுதி சடங்குகள் குடும்ப முறைப்படி நடைபெற உள்ளன.
இந்தி தயாரிப்பாளரிடம் சம்பளம் வாங்கலாமா? விஜய் சேதுபதிக்கு தமிழக பாஜக தலைவர் அண்ணாமலை கேள்வி!
ஜூலை 1-ஆம் தேதி 1968 இல் பிறந்த உஸ்தாத் ரஷித் கான், ஹிந்துஸ்தானி இசை பாரம்பரியத்தின்... பாரம்பரிய இசைக்கலைஞர் ஆவார். அவர் ராம்புரா- சஹாஸ்வான் கரானாவைச் சேர்ந்தவர் மற்றும் கரானாவின் நிறுவனர் இனாயத் ஹுசைன் கானின் பேரன் ஆவார். பாரத ரத்னா பண்டிட் பீம்சென் ஜோஷி ஒருமுறை ரஷித் கானின் குரலை இந்திய குரல் இசையின் எதிர்கால நம்பிக்கை என்று பாராட்டினார்.
2022 ஆம் ஆண்டில், மத்திய அரசு இவருக்கு நாட்டின் மூன்றாவது உயரிய குடிமகன் விருதான பத்ம பூஷன் விருதை வழங்கி கௌரவித்தது. இவர் ஒரு ஹிந்துஸ்தானி இசை கலைஞராக இருந்தாலும், ஃப்யூஷன், பாலிவுட், டோலிவுட் போன்ற பல மொழி படங்களில் பிரபலமான பாடல்களையும் பாடியுள்ளார். இவரின் மறைவு திரையுலகினர் மற்றும் ரசிகர்கள் மத்தியில் சோகத்தை ஏற்படுத்தியுள்ளது. இவருக்கு மனைவி இரு மகள்கள் மற்றும் ஒரு மகன் உள்ளது குறிப்பிடத்தக்கது.