டெக்னாலஜியில் அடுத்த லெவலுக்கு செல்லும் கோலிவுட்.. டீ ஏஜிங் தொழில்நுட்பத்துடன் தயாராகும் 4 தரமான தமிழ் படங்கள்
வயதான நடிகர்களை இளமையாக காட்டப் பயன்படுத்தபடும் டீ ஏஜிங் டெக்னாலஜி எந்தெந்த தமிழ் படங்களில் பயன்படுத்தி வருகிறார்கள் என்பதை பார்க்கலாம்.
Tamil Movies using De Ageing Technology
காலத்திற்கு ஏற்ப சினிமாவில் பல்வேறு புதுப்புது தொழில்நுட்பங்கள் அறிமுகப்படுத்தப்படும். அந்த வகையில் தற்போது டீ ஏஜிங் தொழில்நுட்பம் தான் கோலிவுட்டில் பரவலாக பயன்படுத்தப்பட்டு வருகிறது. இந்த தொழில்நுட்பத்தின் மூலம் வயதான நடிகர்களை கூட இளமையாக காட்ட முடியும். அந்த வகையில் தற்போது தமிழில் தயாராகி வரும் படங்களில் எந்த படத்தில் இந்த தொழில்நுட்பம் பயன்படுத்தப்பட்டு வருகிறது என்பதை பார்க்கலாம்.
விக்ரம் 2 (Vikram 2)
எந்த ஒரு புது டெக்னாலஜியாக இருந்தாலும் அதை கோலிவுட்டுக்கு அறிமுகப்படுத்துவது கமல்ஹாசன் தான். அந்த வகையில் டீ ஏஜிங் டெக்னாலஜியையும் இவர் விட்டுவைக்கவில்லை. லோகேஷ் கனகராஜ் இயக்கிய விக்ரம் படத்திலேயே இந்த டீ ஏஜிங் டெக்னாலஜி பயன்படுத்தி கமல்ஹாசனின் இளமை பருவ காட்சிகள் உருவாக்கப்பட்டது. ஆனால் அது அப்படத்தில் இடம்பெறவில்லை. இருந்தாலும் அதை விக்ரம் படத்தின் இரண்டாம் பாகத்தில் கண்டிப்பாக பயன்படுத்துவார்கள் என கூறப்படுகிறது.
இதையும் படியுங்கள்... தொடர்ந்து அனிருத்தை புறக்கணிக்கும் தனுஷ், ரஜினி மகள்கள்..? பின்னணியில் இப்படி ஒரு காரணம் இருக்கா?
கோட் (goat)
வெங்கட் பிரபு இயக்கத்தில் விஜய் நடித்து வரும் திரைப்படம் கோட். இதில் நடிகர் விஜய் இரட்டை வேடத்தில் நடிக்கிறார். அதில் ஒன்று இளமையான தோற்றத்துடன் கூடிய கதாபாத்திரம் என்பதால் அதற்காக டீ ஏஜிங் டெக்னாலஜியை பயன்படுத்தி வருகிறார் வெங்கட் பிரபு. கோலிவுட்டில் டீ ஏஜிங் டெக்னாலஜியுடன் ரிலீஸ் ஆகும் முதல் படமாக கோட் இருக்கும் என எதிர்பார்க்கப்படுகிறது.
விடுதலை 2 (Viduthalai 2)
வெற்றிமாறன் இயக்கத்தில் வெளியாகி பிரம்மாண்ட வெற்றி பெற்ற திரைப்படம் விடுதலை. அதன் இரண்டாம் பாகம் தற்போது தயாராகி வருகிறது. இப்படத்தில் சூரி, விஜய் சேதுபதி, மஞ்சு வாரியர் என மிகப்பெரிய நட்சத்திர பட்டாளமே நடிக்கின்றனர். இப்படத்தில் விஜய் சேதுபதியின் இளம் வயது கதாபாத்திரத்திற்காக டீ ஏஜிங் டெக்னாலஜியை பயன்படுத்தி வருகிறார்களாம்.
தலைவர் 171 (Thalaivar 171)
ரஜினிகாந்தும், லோகேஷ் கனகராஜும் முதன்முறையாக இணைந்துள்ள திரைப்படம் தான் தலைவர் 171. சன் பிக்சர்ஸ் நிறுவனம் தயாரிக்க உள்ள இப்படத்தின் படப்பிடிப்பு வருகிற ஏப்ரல் மாதம் தொடங்கப்பட உள்ளது. இப்படத்திலும் டீ ஏஜிங் டெக்னாலஜியை பயன்படுத்தி ரஜினியை இளமையாக காட்ட முடிவெடுத்துள்ளாராம் லோகி.
இதையும் படியுங்கள்... Esha Deol Divorced: 42 வயதில்.. கணவரிடம் இருந்து விவாகரத்து பெரும் சூர்யா பட ஹீரோயின்! அதிர்ச்சியில் ரசிகர்கள்