தளபதியின் 'GOAT' படத்தில் இணைந்த எதிர்நீச்சல் சீரியல் நடிகை? வெளியான புகைப்படத்தால்.. குழப்பத்தில் ரசிகர்கள்!

தளபதி விஜய், லோகேஷ் கனகராஜ் இயக்கத்தில் நடித்த லியோ திரைப்படம் கடந்த ஆண்டு வெளியானது. இந்த படத்தின் வெற்றியை தொடர்ந்து, தற்போது பிரபல இயக்குனர் வெங்கட் பிரபு இயக்கத்தில் 'கிரேட் ஆஃப் ஆல் டைம்ஸ்' என்கிற படத்தில் நடித்து வருகிறார்.
 

தற்போது இந்த படத்தின் படப்பிடிப்பு பரபரப்பாக நடந்து வருகிறது. இந்த படத்தில் விஜயுடன் இணைந்து முக்கிய கதாபாத்திரத்தில் நடிகர் பிரபுதேவா மற்றும் பிரசாந்த் ஆகியோர் நடித்து வருகின்றனர். அது மட்டும் இன்றி, நடிகை லைலா மற்றும் சினேகாவும் நடிக்கின்றனர். இரட்டை வேடத்தில் நடிக்கும் அப்பா விஜய்க்கு ஜோடியாக சினேகா நடிப்பதாகவும் கூறப்படுகிறது.

Anna Serial: செம்ம காண்டான சௌந்திரபாண்டி.. ஷண்முகம் கொடுத்த வாக்கு யாருக்கு தெரியுமா? அண்ணா சீரியல் அப்டேட்!

அதே போல் மகன் விஜய்க்கு ஜோடியாக நடிகை மீனாட்சி சவுத்ரி நடிக்கிறார். மிகப்பெரிய பொருட்செலவில் உருவாகி வரும் இந்த படத்தில் இருந்து, இதுவரை மூன்று போஸ்டர்கள் வெளியாகி ரசிகர்கள் மத்தியில் நல்ல வரவேற்பை பெற்றது. இதைத்தொடர்ந்து 'கோட்' படத்தில் இருந்து, முதல் சிங்கிள் பாடல் விரைவில் வெளியாகும் என அறிவிப்பு வெளியாகி உள்ளது. இந்த பாடல் விஜய் பாடிய பாடலாக இருக்கலாம் என கூறப்படுகிறது.
 

'GOAT' படம் குறித்து அடுத்தடுத்து பல சுவாரஸ்ய தகவல்கள் வெளியாகி வரும் நிலையில், தற்போது இந்த படத்தில் 'எதிர்நீச்சல்' சீரியலில் 'ஈஸ்வரி' என்கிற கதாபாத்திரத்தில்,  லீடு ரோலில் நடித்து வரும் கனிகா இணைந்துள்ளதாக கூறப்படுகிறது. இந்த சந்தேகம் எழ காரணம், கனிகா இயக்குனர் வெங்கட் பிரபுவுடன் எடுத்து கொண்டுள்ள லேட்டஸ்ட் புகைப்படம் தான். ஆனால் இதுகுறித்து தற்போது வரை எந்த ஒரு அதிகார பூர்வ தகவலும் வெளியாகாத நிலையில், கூடிய சீக்கிரம் இதுகுறித்து கனிகா தெரிவிப்பார் என எதிர்பார்க்கப்படுகிறது.

இதயத்தில் அடக்க முடியாத அளவுக்கு அன்பு.! சாய் பல்லவியின் தங்கை பூஜா வெளியிட்ட நிச்சயதார்த்த போட்டோஸ்!
 

நடிகை கனிகா தமிழ் சினிமாவில் 'பைவ் ஸ்டார்' படத்தின் மூலம் ஹீரோயினாக அறிமுகமானவர். இதைத் தொடர்ந்து, மாதவனுடன் எதிரி, சேரனுக்கு ஜோடியாக ஆட்டோகிராப், அஜித்துக்கு ஜோடியாக வரலாறு என பல படங்களில் நடித்துள்ளார். தமிழ் மட்டும் இன்றி, தெலுங்கு, கன்னடம், மலையாளம், போன்ற தென்னிதியை மொழி படங்களில் நடித்து பிரபலமானவர். திருமணத்திற்கு பின்பும் தொடர்ந்து சினிமாவில் குணச்சித்திர வேடத்தில் நடித்து வருகிறார். குறிப்பாக எதிர்நீச்சல் சீரியல் மூலம் இவருக்கு ரசிகர்கள் அதிகரித்துள்ளனர் என்பது குறிப்பிடத்தக்கது.