பிரமாண்ட இயக்குனர் ஷங்கர் பாணியில்... அடுத்த பட ஹீரோவை டிக் செய்த அட்லீ! படம் குறித்து நடந்த பேச்சுவார்த்தை!
பிரபல முன்னணி நடிகரை மும்பையில் சந்தித்து, இயக்குனர் அட்லீ அடுத்த படம் குறித்து பேச்சுவார்த்தை நடத்தியதாக தகவல் வெளியாகியுள்ளது.
Atlee Next Movie
இயக்குனர் அட்லீ தன்னுடைய குருவான, இயக்குனர் ஷங்கர் பாணியில் டோலிவுட் ஹீரோவை வைத்து தன்னுடைய அடுத்த படத்தை இயக்க உள்ளதாக கூறப்படுகிறது. மேலும் இதற்கான பேச்சுவார்த்தை நடந்து முடிந்துவிட்டதாக புதிய தகவல் ஒன்று வெளியாகி வைரலாகி வருகிறது.
Atlee Debut Direction in Raja Rani
தமிழில் கடந்த 2013 ஆம் ஆண்டு வெளியான, 'ராஜா ராணி' படத்தின் மூலம் இயக்குனராக திரையுலகில் அறிமுகமானவர், பிரம்மாண்ட இயக்குனர் ஷங்கரின் உதவியாளரான அட்லீ. முதல் படத்திலேயே லேடி சூப்பர் ஸ்டார் நயன்தாரா, ஆர்யா, ஜெய், நஸ்ரியா, போன்ற முன்னணி நடிகர் - நடிகைகளை வைத்து இயக்கி இருந்தார் அட்லீ. இந்த படம் ரசிகர்கள் மத்தியில் நல்ல வரவேற்பை பெற்று வெற்றி பெற்ற நிலையில், 'மௌன ராகம' படத்தின் மாடர்ன் வெர்ஷனை போல் உள்ளதாக விமர்சனங்களும் வெளியானது.
அல்ட்ரா மாடர்ன் உடையில்.. படுக்கையறை முதல்.. பாத் டப் வரை! கீர்த்தி சுரேஷின் லேட்டஸ்ட் போட்டோ ஷூட்!
Sharukkhan acting jawan
இதைத் தொடர்ந்து தளபதி விஜயை வைத்து தெறி, மெர்சல், பிகில், என அடுத்தடுத்து மூன்று படங்களை இயக்கினார். இந்த மூன்று படங்களும், ரசிகர்கள் மத்தியில் நல்ல வரவேற்பை பெற்ற நிலையில், அடுத்ததாக அட்லீ யாரை வைத்து இயக்குவார் என்கிற கேள்விகளும் எழுந்தது. ஆனால் திடீர் என பாலிவுட் நடிகர் ஷாருக்கானை வைத்து படம் இயக்க உள்ளதை அட்லீ உறுதி செய்தார்.
Jawan movie Shooting
அதன்படி 'ஜவான்' படத்தின் அறிவிப்பு கடந்த 2019 ஆம் ஆண்டு வெளியான நிலையில், லாக்டவுன் மற்றும் ஷாருக்கானின் சொந்த பிரச்சனை காரணமாக இப்படம் துவங்குவதற்கு மிகவும் காலதாமதமானது. பல்வேறு போராட்டங்களுக்கு பின்னர் ஒரு வழியாக இந்த படத்தை இயக்கி முடித்தார் அட்லீ.
Jawan Create Record:
ரசிகர்களின் மிகப்பெரிய எதிர்பார்ப்புக்கு மத்தியில், பான் இந்தியா படமாக 'ஜவான்' செப்டம்பர் 7-ஆம் தேதி வெளியான நிலையில், இதுவரை சுமார் 1000 கோடி வசூல் செய்து சாதனை படைத்துள்ளது. இந்த தகவலை இப்படத்தை தயாரித்த ரெட் சில்லிஸ் என்டர்டைன்மென்ட் நிறுவனம் உறுதி செய்துள்ளது. இந்த தகவல் ஷாருக்கானின் ரசிகர்களை உச்சகட்ட மகிழ்ச்சியில் ஆழ்த்தியுள்ளது.
Atlee next movie hero:
ஜவான் படத்தின் இமாலய வெற்றிக்கு பின்னர், தன்னுடைய அடுத்த பட அறிவிப்பு இப்போது வெளியாக வாய்ப்பில்லை என்றும், தன்னுடைய மகனுடன் நேரம் செலவிட உள்ளதாக அட்லீ அறிவித்த போதிலும், அவ்வப்போது அட்லீயின் அடுத்த படம் குறித்த தகவல்கள் சமூக வலைத்தளத்தில் வெளியான வண்ணம் உள்ளது. அதன்படி தற்போது வெளியாகியுள்ள தகவலில், அட்லீ தன்னுடைய அடுத்த படத்தை பிரபல டோலிவுட் ஹீரோ அல்லு அர்ஜுனை வைத்து தான் இயக்க உள்ளதாக கூறப்படுகிறது.
Atlee join hands with Allu arjun
அல்லு அர்ஜுன் - அட்லீ இருவரும் சந்தித்து கொண்டதாகவும், இப்படம் குறித்த பேச்சு வார்த்தை மும்பையில் நடந்து முடிந்துள்ளதாகவும் கூறப்படுகிறது. இந்த தகவல் வெளியானதை தொடர்ந்து, ரசிகர்கள் பலர், தன்னுடைய குருவான ஷங்கர், எப்படி தற்போது டோலிவுட் நடிகர் ராம் சரணை வைத்து இயக்கி உள்ளாரோ.. அதே பாணியில் அட்லீயும் தன்னுடைய அடுத்த பட ஹீரோவை தேர்வு செய்துள்ளதாக கூறி வருகிறார்கள். இப்படி வெளியாகியுள்ள இந்த தகவல் எந்த அளவுக்கு, உண்மை என்பதை பொறுத்திருந்து பார்ப்போம்.