ஐபிஎல் 2024 பரிசுத் தொகை எவ்வளவு? கடந்த ஆண்டு ரூ.20 கோடி, இந்த ஆண்டு ரூ.25 கோடியா?

முதல் முதலாக கடந்த 2008 ஆம் ஆண்டு ஐபிஎல் சீசன் தொடங்கப்பட்டது. அந்த சீசனில் ராஜஸ்தான் ராயல்ஸ் அணி சாம்பியன் பட்டத்தைத் தட்டிச் சென்றது. முதல் 2 சீசன்களாக வெற்றி பெற்ற அணிக்கு ரூ. 4.8 கோடியும், 2ஆவது இடம் பிடித்த அணிக்கு ரூ.2.4 கோடியும் பரிசுத் தொகையாக வழங்கப்பட்டது.

அதன் பிறகு, ஐபிஎல் கிரிக்கெட் மீதான எதிர்பார்ப்பு, ஸ்பான்ஸர்கள் காரணமாக பரிசுத் தொகையும் அதிகமாக வழங்கப்பட்டது. உலகளவில் முக்கியமான போட்டியாக கருதப்படும் ஐபிஎல் கிரிக்கெட்டிற்கு கடந்த 15 ஆண்டுகளாக இல்லாத வகையில் கடந்த 2023 ஆம் ஆண்டில் வெற்றி பெறும் அணிக்கு ரூ.20 கோடியும், 2ஆவது இடம் பிடிக்கும் அணிக்கு ரூ.13 கோடியும் பரிசுத் தொகை வழங்கப்பட்டது.

மேலும், 3ஆவது இடம் பிடித்த மும்பை இந்தியன்ஸ் அணிக்கு ரூ.7 கோடியும், 4ஆவது இடம் பிடித்த லக்னோ சூப்பர் ஜெயிண்ட்ஸ் அணிக்கு ரூ.6.5 கோடியும் பரிசாக வழங்கப்பட்டது. அதோடு கடந்த 2023 ஆம் ஆண்டு மொத்தமாக ரூ.46.50 கோடி என்று அறிவிக்கப்பட்டது. இனிவரும் காலங்களில் ஸ்பான்ஸர்கள், ஐபிஎல் மீதான எதிர்பார்ப்பு காரணமாக கூடுதலாக வழங்கப்படும் என்று பிசிசிஐ முடிவெடுத்துள்ளதாக கூறப்பட்டது.

அதுமட்டுமின்றி அதிக ரன்கள் எடுத்தவர்கள் (ஆரஞ்சு கேப்), அதிக விக்கெட்டுகள் எடுத்தவர்களுக்கு (பர்பிள் கேப்) தலா ரூ.15 லட்சமும், வளர்ந்து வரும் வீரருக்கான விருதுக்கு ரூ.20 லட்சமும், மதிப்புமிக்க வீரருக்கான விருதுக்கு ரூ.12 லட்சமும், சூப்பர் ஸ்டிரைக்கர் விருதுக்கு ரூ.15 லட்சமும், கேம் சேஞ்சர் விருதுக்கு ரூ.12 லட்சமும் வழங்கப்பட்டது.

கடந்த சீசனில் சாம்பியனான சென்னை சூப்பர் கிங்ஸ் அணிக்கு ரூ.20 கோடியும், 2ஆம் இடம் பிடித்த குஜராத் டைட்டன்ஸ் அணிக்கு ரூ.13 கோடியும் பரிசுத் தொகை வழங்கப்பட்டது. அதே தொகையும் இந்த ஆண்டும் வெற்றி பெறும் அணிக்கு ரூ.20 கோடியும், 2ஆவது இடம் பிடிக்கும் அணிக்கு ரூ.13 கோடியும் பரிசுத் தொகை வழங்கப்படும் என்று எதிர்பார்க்கப்படுகிறது.