பாலியல் வழக்கில் சிக்கிய முதல் கணவன்... விவாகரத்து செய்துவிட்டு மறுமணத்துக்கு தயாரான ஷங்கர் மகள் - மாப்ள இவரா?
தமிழ் திரையுலகில் பிரம்மாண்ட இயக்குனராக வலம் வரும் ஷங்கர், அவரது மகள் ஐஸ்வர்யாவுக்கு இரண்டாவது திருமண ஏற்பாடுகளை செய்து வருகிறார்.
Shankar daughter Aishwarya
ஜென்டில்மேன் படம் மூலம் அறிமுகமாகி, அடுத்தடுத்து காதலன், இந்தியன், அந்நியன், ஜீன்ஸ், சிவாஜி, பாய்ஸ், நண்பன், எந்திரன் போன்ற பிரம்மாண்ட வெற்றி படங்களை கொடுத்து பிரம்மாண்ட இயக்குனர் என பெயரெடுத்தவர் ஷங்கர். அவருக்கு ஐஸ்வர்யா, அதிதி என்ற மகள்களும், அர்ஜித் என்கிற மகனும் உள்ளனர். இதில் ஷங்கரின் மகள்கள் இருவருமே மருத்துவம் படித்துள்ளனர். இளைய மகள் அதிதி மட்டும் படித்து முடித்ததும் சினிமாவுக்குள் நுழைந்துவிட்டார்.
Aditi shankar
கடந்த ஆண்டு முத்தையா இயக்கத்தில் வெளிவந்த விருமன் படம் மூலம் கோலிவுட்டில் ஹீரோயினாக காலடி எடுத்து வைத்தார் அதிதி. இதையடுத்து சிவகார்த்திகேயனுக்கு ஜோடியாக மாவீரன் படத்தில் நடித்த அவர், தற்போது விஷ்ணு வர்தன் இயக்கத்தில் உருவாகி வரும் புதுப்படம் ஒன்றில் நடித்து வருகிறார். இப்படத்தில் நடிகர் முரளியின் மகன் ஆகாஷுக்கு ஜோடியாக நடிக்கிறார் அதிதி. இப்படத்தின் படப்பிடிப்பு விறுவிறுப்பாக நடைபெற்று வருகிறது.
Aishwarya shankar, Rohit
சினிமா பக்கம் தலைகாட்டாமல் இருக்கும் ஷங்கர் மூத்த மகளான ஐஸ்வர்யா, கடந்த 2021-ம் ஆண்டு ரோஹித் என்பவரை திருமணம் செய்துகொண்டர். இவர்களது திருமணம் கொரோனா ஊரடங்கு சமயத்தில் நடந்ததால் இதில் நெருங்கிய உறவினர்கள் மற்றும் நண்பர்கள் மட்டுமே கலந்துகொண்டனர். ஐஸ்வர்யாவின் முதல் கணவர் ரோஹித் ஒரு கிரிக்கெட் வீரரும் கூட, இவர் பாண்டிச்சேரி அணிக்காக ரஞ்சி போட்டியில் விளையாடியும் உள்ளார்.
இதையும் படியுங்கள்... இந்தியன் 2 மட்டுமல்ல.. ராம் சரணை வைத்து மாஸ்டர் பிளான் போட்ட இயக்குனர் சங்கர் - "கேம் சேஞ்சர்" அப்டேட் இதோ!
Aishwarya shankar first marriage
திருமணமான சில மாதங்களிலேயே ஷங்கரின் மருமகன் ரோஹித், பாலியல் வழக்கு ஒன்றில் சிக்கினார். அவர் நடத்தி வரும் கிரிக்கெட் பயிற்சி மையத்தில் பயிற்சி பெற வந்த பெண்களுக்கு பாலியல் தொல்லை கொடுத்ததாக புகார் எழுந்ததை அடுத்து அவர் மீது போக்ஸோ சட்டத்தின் கீழ் நடவடிக்கையும் எடுக்கப்பட்டது. இந்த புகாரில் சிக்கியதை அடுத்து கணவனை பிரிந்து வாழ்ந்து வந்தார் ஷங்கர் மகள் ஐஸ்வர்யா. அவர்கள் விவாகரத்து செய்துவிட்டதாகவும் தகவல்கள் பரவின.
Aishwarya Shankar, Tarun karthik
தற்போது அதனை உறுதிப்படுத்தும் விதமாக ஷங்கர் மகள் ஐஸ்வர்யாவுக்கு விரைவில் இரண்டாவது திருமணம் நடைபெற உள்ளது. அவருக்கு தருண் கார்த்திகேயன் என்பவருடன் திருமணம் நிச்சயமாகி உள்ளது. இவர்களது திருமண நிச்சயதார்த்தம் எளிய முறையில் நடைபெற்று உள்ளது. தன் அக்காவின் திருமண நிச்சயதார்த்தத்தின் போது எடுத்த புகைப்படத்தை தன்னுடைய இன்ஸ்டாகிராம் பக்கத்தில் பகிர்ந்து வாழ்த்துக்களை தெரிவித்துள்ளார் அதிதி. ஐஸ்வர்யாவின் இரண்டாவது கணவர் தருண், சினிமாவில் உதவி இயக்குனராக பணியாற்றி வருகிறாராம். அதுமட்டுமின்றி இவர் பாடகர், பாடலாசிரியர் என பன்முகத்திறமை கொண்டவராம். இவர்களது திருமணம் விரைவில் நடைபெற உள்ளது.
இதையும் படியுங்கள்... நடிப்புக்கு டாட்டா காட்டிட்டு.. படிப்புக்கேத்த டாக்டர் வேலைக்கு போய்ட்டாரா அதிதி ஷங்கர்! வைரலாகும் போட்டோ!