புயலே வந்தாலும் குறையாத புதுபட ரிலீஸ்... இந்த வாரம் மட்டும் தியேட்டர் மற்றும் ஓடிடியில் இத்தனை படங்கள் ரிலீஸா?
மிக்ஜாம் புயல் தாக்கினாலும் புதுப்படங்களின் வரவு குறையாமல் உள்ளது. இந்த வாரம் தியேட்டர் மற்றும் ஓடிடியில் ரிலீசாகும் படங்கள் பற்றி இந்த தொகுப்பில் பார்க்கலாம்.
Theatre release movies
சென்னையை புரட்டிப் போட்ட மிக்ஜாம் புயல் காரணமாக கடந்த வாரம் ரிலீஸ் ஆன அன்னபூரணி, பார்க்கிங், நாடு போன்ற திரைப்படங்கள் கடும் பாதிப்பை சந்தித்துள்ளன. அப்படங்களுக்கு இந்த வார இறுதியில் வரும் கலெக்ஷன் நம்பிக்கை அளிக்கும் என எதிர்பார்க்கப்பட்ட நிலையில், அதற்கு ஆப்பு வைக்கும் விதமாக இந்த வாரம் ஏராளமான புதுப்படங்கள் ரிலீஸ் ஆக உள்ளன. அதன் விவரங்களை இந்த தொகுப்பில் பார்க்கலாம்.
![article_image2](https://static-ai.asianetnews.com/images/01hh09dgqqsxy2vbc5r0r8539g/hi-nanna-review-jpg_300x171xt.jpg)
ஹாய் நான்னா
நானி நடிப்பில் பான் இந்தியா படமாக ரிலீஸ் ஆகி உள்ள திரைப்படம் ஹாய் நான்னா. இப்படத்தில் நானிக்கு ஜோடியாக மிருணாள் தாக்கூர் நடித்துள்ளார். செளரியா இயக்கியுள்ள இப்படம் இன்று டிசம்பர் 7-ந் தேதி தமிழ், தெலுங்கு, இந்தி, கன்னடம் ஆகிய மொழிகளில் ரிலீஸ் ஆகி உள்ளது. இப்படத்திற்கு ஹேஷம் அப்துல் வஹாப் இசையமைத்து உள்ளார்.
காஞ்சூரிங் கண்ணப்பன்
காமெடி நடிகரான சதீஷ், கடந்த ஆண்டு வெளிவந்த நாய் சேகர் படம் மூலம் ஹீரோவாக அறிமுகமானார். அப்படத்தின் வெற்றிக்கு பின்னர் அவர் ஹீரோவாக நடித்துள்ள திரைப்படம் தான் காஞ்சூரிங் கண்ணப்பன். இப்படத்தை செல்வின்ராஜ் சேவியர் இயக்கி உள்ளார். ஏஜிஎஸ் நிறுவனம் இப்படத்தை தயாரித்து உள்ளது. இப்படம் டிசம்பர் 8-ந் தேதி திரைக்கு வர உள்ளது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
சிறு பட்ஜெட் படங்கள்
இந்த வாரம் திரையரங்குகளில் அவள் பெயர் ரஜினி, தீ இவன், கட்டில் ஆகிய மூன்று சிறு பட்ஜெட் படங்களும் ரிலீஸ் ஆக உள்ளன. இதில் அவள் பெயர் ரஜினி திரைப்படத்தில் காளிதாஸ் ஜெயராம் ஹீரோவாக நடித்துள்ளார். தீ இவன் படத்தில் நவரச நாயகன் கார்த்தி நடித்துள்ளார். அதேபோல் கட்டில் படத்தில் ஸ்ருஷ்டி டாங்கே கதாநாயகியாக நடித்திருக்கிறார். இந்த மூன்று படங்களும் டிசம்பர் 8-ந் தேதி திரைக்கு வர உள்ளன.
முத்து & ஆளவந்தான்
புதுப்படங்கள் இப்படி வரிசைகட்டி நிற்க அதற்கு போட்டியாக ரஜினி மற்றும் கமல்ஹாசனின் கிளாசிக் ஹிட் படங்களான முத்து மற்றும் ஆளவந்தான் ஆகிய படங்களும் டிசம்பர் 8-ந் தேதி ரீ-ரிலீஸ் ஆக உள்ளன. இந்த இரண்டு படங்களும் டிஜிட்டலில் மெருகேற்றப்பட்டு புதுப்பொலிவுடன் ரிலீஸ் ஆக உள்ளன.
ஓடிடி ரிலீஸ் படங்கள்
தீபாவளிக்கு தியேட்டரில் ரிலீஸ் ஆன படங்கள் அனைத்தும் இந்த வாரம் ஓடிடிக்கு வருகின்றன. அதன்படி ஜிகர்தண்டா டபுள் எக்ஸ் திரைப்படம் நெட்பிளிக்ஸிலும், ரெய்டு திரைப்படம் ஆஹா ஓடிடி தளத்திலும் வருகிற டிசம்பர் 8-ந் தேதி ரிலீஸ் ஆக உள்ளன. மறுபுறம் கார்த்தியின் ஜப்பான் திரைப்படம் மட்டும் டிசம்பர் 11-ந் தேதி நெட்பிளிக்ஸ் ஓடிடி தளத்தில் ரிலீஸ் ஆக உள்ளது.
இதையும் படியுங்கள்... இப்பகூட பிசினஸுக்கு தான் முக்கியத்துவமா? வெள்ள நிவாரண உதவி வழங்கி சர்ச்சையில் சிக்கிய நயன்தாரா..!