ஏகப்பட்ட சூப்பர் ஸ்டார்ஸ்.. டோலிவுடின் பணக்கார குடும்பம் - சொத்து மதிப்பை கேட்டால் கிறுகிறுன்னு தான் வரும்!
Allu Konidela Family Net Worth : இந்திய திரையுலகை பொறுத்தவரை, பாலிவுட் உலகிற்கு அடுத்தபடியாக பணக்கார திரையுலகம் என்றால் அது டோலிவுட், அதாவது தெலுங்கு சினிமா உலகம் தான் என்றால் அது மிகையல்ல.
Allu Ramalingaiah
பாலிவுட் உலகில் உள்ள கபூர் மற்றும் கான் குடும்பத்தை போல, தெலுங்கு திரையுலகம் என்றால் அனைவருக்கும் சட்டென்று நினைவில் வருவது Allu Konidela குடும்பம் தான். ஆனால் பல தமிழ் ரசிகர்களுக்கு இந்த குடும்பத்தை தெரிந்திருக்க வாய்ப்பு கொஞ்சம் குறைவு தான், ஆனால் அந்த குடும்பத்தில் உள்ள உறுப்பினர்கள் அனைவரும் நமக்கு பரிட்சயமானவர்கள் தான்.
Allu Konidela குடும்பம் ஒரு பார்வை
கடந்த 1994 ஆம் ஆண்டு பிரபல இயக்குனர் சங்கர் இயக்கத்தில் வெளியான பிரபுதேவாவின் "காதலன்" என்ற திரைப்படத்தில் நடிகை நக்மா அவர்களின் தாத்தாவாக ஒருவர் நடித்திருப்பார். அவர் பெயர் அல்லு ராமலிங்கையா. தமிழ் திரையுலகில் பல திரைப்படங்களில் நடித்திருந்தாலும், இக்கால தலைமுறைக்கு தெரியாத ஒரு நடிகர் அவர்.
டிசம்பர் 24-ந் தேதி நடைபெற இருந்த கலைஞர் 100 நிகழ்ச்சி திடீரென தள்ளிவைப்பு - காரணம் என்ன?
Chiranjeevi with brothers
தெலுங்கு திரை உலகில் கொடி கட்டி பறந்த நடிகராக பல ஆண்டுகள் அந்த திரை துறையை ஆண்டு வந்த ஒரு நடிகர் தான் அல்லு ராமலிங்கையா. இவருக்கு மொத்தம் நான்கு குழந்தைகள் அவர்கள் அல்லு அரவிந்த், சுரேகா, வசந்தா மற்றும் பாரதி. இதில் சுரேகா திருமணம் செய்து கொண்டவர் தான் பிரபல தெலுங்கு நடிகர் சிரஞ்சீவி.
அதேபோல அல்லு ராமலிங்கையாவின் மூத்த மகனான அல்லு அரவிந்த் அவர்களுடைய மகன் தான் அல்லு அர்ஜுன். தற்பொழுது இந்த Allu Konidela குடும்பத்தில் மிகப்பெரிய நடிகர்களாக மற்றும் அரசியல்வாதிகளாக திகழ்ந்து வருவது சிரஞ்சீவி மற்றும் அவருடைய இளைய தம்பி பவன் கல்யாண் ஆகிய இருவரும் தான் என்பது நாம் அறிந்ததே.
Ram Charan and Allu Arjun
அதேபோல திரைத்துறையில் தற்பொழுது முன்னணி இளம் நடிகர்களாக வலம் வருவது சிரஞ்சீவியின் மகன் ராம் சரன். அல்லு அரவிந்த் அவர்களுடைய மகன் அல்லு அர்ஜுன் மற்றும் சிரஞ்சீவி அவர்களுடைய மற்றொரு தம்பி நாகேந்திர பாபுவின் மகன் வருண் தேஜ் ஆகியோர் தான். இன்னும் இந்த குடும்பத்தில் உள்ள உறுப்பினர்கள் பலர் திரைத்துறையில் பயணித்து வருகின்றனர்.
இந்த குடும்பத்தின் சொத்து மதிப்பு என்ன?
ராம் சரண் மற்றும் அவரது தந்தை சிரஞ்சீவி ஆகியோரின் சொத்து மதிப்பே சுமார் 1500 கோடியை தாண்டி உள்ள நிலையில், இந்த ஒட்டுமொத்த குடும்பத்தின் சொத்து மதிப்பு சுமார் 6000 கோடி என்று கூறப்படுகிறது. 68 வயதை கடந்துவிட்டபோதும் , சிரஞ்சீசி ஒரு படத்துக்கு 35 முதல் 50 கோடி வரை சம்பளமாக பெருகின்றாராம்.