அயலானுக்காக ஒரு ரூபா கூட வாங்காத SK... ஆனா தனுஷ் அப்படி இல்ல - கேப்டன் மில்லருக்காக வாங்கிய சம்பளம் இவ்வளவா?

தமிழ் சினிமாவில் 2024-ம் ஆண்டு பொங்கல் பண்டிகைக்கு களமிறங்கி இருக்கும் படங்களில் இரண்டு முக்கியமான படங்கள் என்றால் அது தனுஷின் கேப்டன் மில்லரும், சிவகார்த்திகேயனின் அயலான் திரைப்படமும் தான். இந்த இரண்டும் படங்களுமே பிரம்மாண்ட பட்ஜெட்டில் எடுக்கப்பட்ட படங்களாகும். இதில் கேப்டன் மில்லர் படத்தை சத்யஜோதி பிலிம்ஸ் நிறுவனம் தயாரித்து இருந்தது. அதேபோல் அயலான் திரைப்படத்தை கேஜேஆர் ஸ்டூடியோஸ் நிறுவனம் தயாரித்திருந்தது.

அயலான் படத்தை இன்று நேற்று நாளை படத்தின் இயக்குனர் ரவிக்குமார் இயக்கி இருந்தார். அவர் இயக்கிய இரண்டாவது படம் இதுவாகும். கடந்த 2018-ம் ஆண்டு தொடங்கப்பட்ட இப்படம் சுமார் 6 வருட காத்திருப்புக்கு பின்னர் இன்று தான் திரையரங்குகளில் ரிலீஸ் ஆகி உள்ளது. தமிழ் சினிமாவில் இதுவரை இல்லாத வகையில் சுமார் 4 ஆயிரத்திற்கும் அதிகமான விஎப் எக்ஸ் காட்சிகளுடன் இப்படத்தை பிரம்மாண்டமாக வெளியிட்டுள்ளனர்.

இதையும் படியுங்கள்... அயலான் vs கேப்டன் மில்லர்... பொங்கல் ரேஸில் மிரட்டியது யார்? சொதப்பியது யார்? டுவிட்டர் விமர்சனம் இதோ

மறுபுறம் கேப்டன் மில்லர் திரைப்படம் ஒரு வரலாற்று கதையம்சம் கொண்ட படமாக வெளியாகி உள்ளது. அருண் மாதேஸ்வரன் இயக்கியுள்ள இப்படத்தில் தனுஷ் உடன் ஷிவ ராஜ்குமார், பிரியங்கா மோகன், ஜான் கொக்கேன் என மிகப்பெரிய நட்சத்திர பட்டாளமே நடித்துள்ளது. இப்படத்திற்கு ஜிவி பிரகாஷ் குமார் இசையமைத்து உள்ளார். இப்படமும் இன்று உலகமெங்கும் பிரம்மாண்டமாக ரிலீஸ் ஆகி நல்ல வரவேற்பை பெற்று வருகிறது.

இந்த இரண்டு படங்களில் அயலான் படத்தில் நடித்ததற்காக நடிகர் சிவகார்த்திகேயன் ஒரு ரூபாய் கூட சம்பளமாக வாங்கவில்லை. இப்படத்தை திரைக்கு கொண்டு வர வேண்டும் என்பதற்காக அவர் தன் சம்பளத்தையே தியாகம் செய்துள்ளார். மறுபுறம் கேப்டன் மில்லர் படத்தில் நடித்ததற்காக நடிகர் தனுஷ் ரூ.15 கோடி சம்பளமாக வாங்கி உள்ளதாக கூறப்படுகிறது. அவர் தமிழில் கடைசியாக நடித்த திருச்சிற்றம்பலம் படத்திற்காக அவருக்கு ரூ.12 கோடி சம்பளம் வழங்கப்பட்ட நிலையில், அதிலிருந்து ரூ.3 கோடி கூடுதலாக கேப்டன் மில்லர் படத்துக்கு வாங்கி இருக்கிறார் தனுஷ்.

இதையும் படியுங்கள்... உதயநிதியின் சப்போர்ட் உடன்.. இந்தி எதிர்ப்பு போராட்டத்தில் இறங்கிய கீர்த்தி சுரேஷ்- வைரலாகும் ரகு தாத்தா டீசர்