சீரியல் நடிகர் உடனான பிக்பாஸ் அர்ச்சனாவின் ரகசிய காதல் வெளிச்சத்துக்கு வந்தது- லவ் ஜோடியின் லவ்லி போட்டோஸ் இதோ

தொகுப்பாளினியாக மீடியாவில் அறிமுகமான அர்ச்சனா, விஜய் டிவியில் ஒளிபரப்பான ராஜா ராணி 2 சீரியலில் வில்லியாக நடித்ததன் மூலம் மக்கள் மத்தியில் பேமஸ் ஆனார். அந்த சீரியலில் அவரின் நடிப்புக்கு பாராட்டு கிடைத்ததோடு, விஜய் டெலிவிஷன் விருதுகள் நிகழ்ச்சியில் சிறந்த நடிகைக்கான விருதையும் வென்று அசத்தினார். ராஜா ராணி சீரியல் ஹிட் ஆனதை தொடர்ந்து சினிமாவில் நுழைய ஆசைப்பட்ட அர்ச்சனா, சீரியல்களில் நடிப்பதை நிறுத்தினார்.

இடையே ஆல்பம் சாங் ஒன்றில் நடித்த அவருக்கு சினிமாவில் எதிர்பார்த்த வாய்ப்புகள் கிடைக்காததால் பிக்பாஸ் நிகழ்ச்சியில் கலந்துகொண்டார். அந்நிகழ்ச்சியில் வைல்டு கார்டு எண்ட்ரியாக உள்ளே வந்த அர்ச்சனா, முதல் வாரம் அழுமூஞ்சி என பெயரெடுத்தாலும், அடுத்த வாரம் முதல் தன்னை அழ வைத்தவர்களை தனி ஆளாக இருந்து விரட்டியடித்தார். அந்த எபிசோடால் அர்ச்சனாவுக்கான ரசிகர்கள் கூட்டமும் பெருகத் தொடங்கியது.

இதையும் படியுங்கள்... புர்ஜ் கலிஃபாவில் சொந்த அபார்ட்மெண்ட்... கோடிகளில் புரளும் மோகன்லால் இத்தனை கோடி சொத்துக்களுக்கு அதிபதியா?

அந்நிகழ்ச்சியில் பல்வேறு தடைகளை தாண்டி பைனல் வரை சென்ற அர்ச்சனா அதிக வாக்குகள் வித்தியாசத்தில் வெற்றி பெற்றார். அவருக்கு ரூ.50 லட்சத்துக்கான காசோலை, ஒரு புது கார், வீடு ஆகியவை பரிசாக வழங்கப்பட்டன. பிக்பாஸ் டைட்டில் ஜெயித்த அர்ச்சனா, காதல் சர்ச்சையிலும் சிக்கினார். அவரும் பாரதி கண்ணம்மா சீரியல் நடிகர் அருண் பிரசாத்தும் காதலிப்பதாக ஏற்கனவே அரசல் புரசலாக செய்திகள் வெளிவந்த வண்ணம் இருந்தன.

இதுவரை ரகசியமாக காதலித்து வந்த இந்த ஜோடி, தற்போது ஜோடியாக ஒரு விழாவில் பங்கேற்றுள்ளனர். அப்போது எடுக்கப்பட்ட புகைப்படங்கள் இணையத்தில் வைரலாகி வருகின்றன. இதைப்பார்த்த நெட்டிசன்கள் விரைவில் திருமணம் செய்துகொள்ளப் போகிறீர்களா என கேள்வி எழுப்பி வருகின்றனர். அர்ச்சனா - அருண் பிரசாத் ஜோடியின் சமீபத்திய புகைப்படங்கள் தான் தற்போது இன்ஸ்டாகிராம், ட்விட்டர் போன்ற சமூக வலைதளங்களில் டிரெண்டாகி வருகிறது.

இதையும் படியுங்கள்... Baakiyalakshmi : போதும்டா சாமி ஆள விடுங்க... பாக்கியலட்சுமி சீரியலில் இருந்து திடீரென விலகிய முக்கிய பிரபலம்