பிக்பாஸ் பிரபலம் ஷெரீனாவுக்கு பாலியல் தொல்லை.. கார் டிரைவர் அதிரடி கைது - விசாரணையில் வெளிவந்த திடுக் தகவல்

கமல்ஹாசன் தொகுத்து வழங்கிய பிக்பாஸ் நிகழ்ச்சியின் ஆறாவது சீசனில் போட்டியாளராக கலந்துகொண்டதன் மூலம் பிரபலமானவர் ஷெரீனா. மாடல் அழகியான இவர், தமிழ் படங்களிலும் நடித்துள்ளார். குறிப்பாக சமுத்திரக்கனி இயக்கத்தில் வெளியாகி ஹிட் ஆன விநோதய சித்தம் திரைப்படத்தில் ஷெரீனாவும் முக்கிய கேரக்டரில் நடித்திருந்தார். இவர் சினிமா மட்டுமின்றி சொந்தமாக அழகு நிலையம் ஒன்றையும் நடத்தி வருகிறார்.

பெங்களூருவை சேர்ந்த ஷெரீனா தற்போது சென்னையில் வசித்து வருகிறார். சென்னை ராயப்பேட்டையில் உள்ள ஜிபி சாலை உள்ள அடுக்குமாடி குடியிருப்பில் ஷெரீனா வசித்து வரும் நிலையில், அவரது மேலாளரான கவுரி ஜெகநாதன் என்பவர் அண்ணாசாலை போலீஸ் ஸ்டேஷனில் கடந்த ஜனவரி மாதம் 20-ந் தேதி புகார் ஒன்றை அளித்திருந்தார். அந்த புகாரில் ஷெரீனாவிடம் கார் டிரைவராக வேலை பார்த்த கார்த்திக் என்பவர் செல்போனில் தொடர்பு கொண்டு கொலை மிரட்டல் விடுப்பதாக குறிப்பிட்டிருந்தார்.

இதையும் படியுங்கள்... சீரியலை இழுத்து மூடிய விஜய் டிவி... சர்ச்சைக்குரிய நடிகருடன் சன் டிவிக்கு தாவிய பிக்பாஸ் கேப்ரியல்லா

அதுமட்டுமின்றி பாலியல் சில்மிஷத்தில் ஈடுபட முயன்றதாகவும் புகார் அளித்திருந்தார். இதையடுத்து வழக்குப்பதிவு செய்து விசாரணை நடத்திய போலீசார் தலைமறைவாக இருந்த டிரைவர் கார்த்திக் மற்றும் அவரது நண்பர் இளையராஜா ஆகிய இருவரையும் கைது செய்தனர். மயிலாடுதுறையில் பிடிபட்ட இருவரையும் சென்னைக்கு அழைத்து வந்து விசாரணை நடத்தி உள்ளனர். அப்போது பல திடுக்கிடும் தகவல்களை இருவரும் கூறி இருக்கின்றனர்.

கார் டிரைவர் கார்த்திக் உடன் ஏற்பட்ட பிரச்சனை காரணமாக அவரை வேலையை விட்டு ஷெரீனா நிறுத்தியதால் ஆத்திரமடைந்த கார்த்திக், தனது நண்பன் இளையராஜா உடன் சேர்ந்து செல்போனில் ஷெரீனாவை தொடர்பு கொண்டு பாலியல் தொல்லை கொடுத்ததோடு, கொலை மிரட்டல் விடுத்ததும் விசாரணையில் தெரியவந்தது. இதையடுத்து இருவரையும் நீதிமன்றத்தில் ஆஜர்படுத்திய போலீசார் அவர்களை சிறையில் அடைத்துள்ளனர். 

இதையும் படியுங்கள்... விவாகரத்தான வில்லி நடிகையுடன் தீரா காதலில் சன் டிவி சீரியல் ஹீரோ! வைரலாகும் ரொமான்டிக் போட்டோஸ்!