சீரியலை இழுத்து மூடிய விஜய் டிவி... சர்ச்சைக்குரிய நடிகருடன் சன் டிவிக்கு தாவிய பிக்பாஸ் கேப்ரியல்லா

3 படத்தில் குழந்தை நட்சத்திரமாக நடித்தவர் கேப்ரியல்லா. இவர் விஜய் டிவி நடன நிகழ்ச்சிகளில் பங்கேற்று தன் நடனத் திறமையை வெளிப்படுத்தி அசத்தினார். இதையடுத்து பிக்பாஸ் நிகழ்ச்சியின் 4-வது சீசனில் கலந்துகொண்ட கேப்ரியல்லா, ரூ.5 லட்சம் பணப்பெட்டியுடன் அந்நிகழ்ச்சியை விட்டு வெளியேறினார். பிக்பாஸ் நிகழ்ச்சிக்கு பின்னர் சீரியலில் ஹீரோயினாக நடிக்கும் வாய்ப்பு கேப்ரியல்லாவுக்கு வந்தது.

இதையடுத்து ஈரமான ரோஜாவே சீரியலின் இரண்டாம் பாகத்தில் ஹீரோயினாக நடிக்க கமிட் ஆனார் கேப்ரியல்லா. அந்த சீரியல் ஓராண்டில் முடிவுக்கு வந்த நிலையில், தற்போது அடுத்த சீரியலில் நடிக்க கமிட் ஆகி உள்ளார் கேப்ரியல்லா. அதுவும் அந்த புதிய சீரியல் சன் டிவியில் ஒளிபரப்பாக உள்ளதாம். அந்த சீரியலை வானத்தைப்போல சீரியலை தயாரித்த நிறுவனம் தான் இந்த புதிய சீரியலையும் தயாரித்து வருகிறதாம்.

இதையும் படியுங்கள்... பிக்பாஸ் கேப்ரியல்லாவுடன் காதலா..? இருவருக்கும் இடையே உள்ள உறவு குறித்து உண்மையை உடைத்த ஆஜித்!

இந்த சீரியலில் ராகுல் ரவி என்பவர் ஹீரோவாக நடிக்க கமிட் ஆகி உள்ளார். இவர் ஏற்கனவே கண்ணே கலைமானே, நந்தினி போன்ற சன் டிவி சீரியல்களில் நடித்தவர் ஆவார். இந்த சீரியலுக்கு இன்னும் பெயரிடப்படவில்லை. தற்போது இந்த சீரியலின் ஷூட்டிங் பூஜையுடன் தொடங்கி இருக்கிறது. இதில் கேப்ரியல்லா மற்றும் ராகுல்ரவி இருவரும் பங்கேற்று நடித்து வருகின்றனர். விரைவில் இந்த சீரியல் குறித்த அறிவிப்பு வெளியாகும் என எதிர்பார்க்கப்படுகிறது.

நடிகர் ராகுல் ரவி, கடந்த 2020-ம் ஆண்டு லட்சுமி நாயர் என்பவரை திருமணம் செய்துகொண்டார். திருமணத்துக்கு பின்னர் ராகுல் ரவி வேறொரு பெண்ணுடன் தொடர்பில் இருப்பதாக கூறி லட்சுமி நாயர் அண்மையில் போலீசில் புகார் அளித்தது பரபரப்பை ஏற்படுத்தியது. பின்னர் தலைமறைவான ராகுல் ரவி அந்த வழக்கில் முன் ஜாமின் பெற்ற நிலையில் தற்போது புது சீரியலில் கமிட் ஆகி இருக்கிறார் என்பது குறிப்பிடத்தக்கது.

இதையும் படியுங்கள்... BiggBoss Gabriella : சொகுசு கார் வாங்கிய பிக்பாஸ் கேப்ரியல்லா - விலை எவ்ளோனு தெரிஞ்சா ஷாக் ஆகிடுவீங்க..!